الشاعر الكفو حياه الله

اخواني اعضاء المنتدى حبيت اشارك بهذه المشاركه واي شاعر حياه الله

يالمؤسس على فعلك عسى الله يعينك = وجعل تسلم شمالك جعل تسلم يمينك
وانت يالشاعر الميدان بيني وبينك = جعل فالامر خير وجعل فالامر خيره

من وضع منتدى لربعه يزيد احترامه = يالله انك على فعله هذا لاتهينه
لابدينا وقمنا ثم فهقنا العمامه = كان به شاعرن قدمي عسى الله يعينه

هههه صح لسانك مليووون

من اول مشاركه هجوم ارض ارض ... انشهد اللي بينزل الميدان الله يعينه

لاهنت يامحمد ...

متابع بكل تواضع

اخوي محمد العطاوي

الله يحييك بيننا يالغالي

اخوي فيه شروط للمحاوره إذا تبي تحاور

شف شروط القسم

ولكن ما عليك هالمره بتحاور معك ولا يهمك

مرحبا يالعطاوي عد وبل المخيله
وعد مزنٍ مع الوديان ياقو سيله
جاك شاعر علومه كل ابوها جزيله
جعل فالامر خير وجعل فالامر خيره

منتدانا محلك وانت راع الزعامه=مرحبا ياصحيبٍ جعل تسلم يمينه
جاك شاعر يدوس المخطيه بالقرامه=كنه الصقر لامنه تلفت بعينه

محمدالعطاوي صح لسانك على الطاروق الجزل

لغربي صح لسانك على الرد الوافي

وعساكم على القوه

ماني بشاعر ولكن متابع

حياك الله يامحمد العطاوي

وصح لسانك ياالعطاوي وصح لسانك ياالغربي

تحياتي لكم

صحت السنتكم

متابعين واااااصلوا

محمد العطاوي
حياك الله ويا مرحبابك يابن روق والمحل محلك
وأما الردود فالغربي كفانا فيك وهو كفو للمواقف ولا هنت يالنشمي

نتمنى استمرار المحاوره دون توقف

كل الود

محمد العطاوي الله يحييك لكن وينك

نتمنى تجديد الموعد مع الغربي

وتكون المحاورة اطول من كذا

لكم كل المودة