نتائج مسابقة شاعر المنتدى لعام 1431هـ

بسم الله الرحمن الرحيم

السلام عليكم ورحمة الله وبركاته
كل عام وأنتم بخير وصحة وسلامة وتقبل الله منا ومنك صيام هذا الشهر الفضيل وقيامه
إخواني وأخواتي أعضاء منتديات الشدادين الأعزاء
تم قبل فترة طرح مسابقة شاعر المنتدى لعام 1431هـ
على هذا الرابط

http://www.shdadeen.com/vbq/showthread.php?t=48792

وتم الإعلان عنها وكانت الدعوة عامة لجميع الشعراء

وبصراحة كانت المشاركات طيبة ولله الحمد وإعتذر البعض لعدم معرته بالمسابقة
ولكن نقول الجايات أكثر
وسوف نقوم بطرح القصائد المشاركة وكذلك نتائجها

القصيدة الأولى للشاعر / عايش بن سعد الحارثي

يا طالب العليا ترى دربها صعب=إلا أن رب الكون سمّح طريقك
اضرب على الكايد ليا صابك الرعب=واعرف عدوك قبل تعرف صديقك
ودوّر لدرب الوافية لو تتعب=ولا تستمع في رجل عنها يعيقك
ولا يروح العمر في اللهو واللعب=وتطيح لو إنه بعيد تحليقك
واطلع في القمة ولا تطيح في الشعب=تغبن عدوٍ في البشر ما يطيقك
وادمح خطا ربعك وحذراك تشعب=هرجة تزعل صاحبك أو رفيقك
رأس القدم لا زلّ بك لحقه الكعب=ونزلت في منزل ردي ما يليقك
وشاور ورأيك حكّمه لا يشعب=وعلى خويك لا يزيد اتعليقك
واحذر تدخّل يدك في داخل الدعب=وتشهق وكل الناس تسمع شهيقك
واعرف وش اللي معك في داخل الجعب=قدام بين الناس تشرق بريقك
واللي في كل طرقة تشيله وتزعب=تبغاه يتونس ويسعى لضيقك
قدام اسمه حط صفرٍ مكعب=وابعد عنه لو كان جارك لصيقك
وللبيوت عورة لا عليها تدعب=ترى الجزاء بجنس العمل لو يشيقك
وادع لولي الأمر مع صادق الشعب=خلّى بعيد الناس كأنه شقيقك

القصيدة الثانية للشاعر / مهند الشدادي

يا طالب العليا ترى دربها صعب=إلا أن رب الكون سمّح طريقك
اضرب على الكايد ليا صابك الرعب=واعرف عدوك قبل تعرف صديقك
ترى الدهر يا كثر ما تعب العرب=وانته صعودك للمعالي تفيقك
الذيب يقنب لو صدى البوم بالنعب=والناس تعرف فضّتك من عقيقك
النادر الي يظهر بنوره الشعب=وتبقى مواصيلك نجاح إلفريقك
ما فاد أصل الزعب لابنيّة الزعب=الا المخاوف و البلا نشف ريقك
انت الذخر يومك طلبة العلا رغب=عالي طويق المجد اصبح طويقك
ان كان عثرات الزمن سببة رهب=في داخلك احرق بقايا حريقك
ولّا بها تبلش من الجوع و النهب=إترجّعك و تقدّمك في مضيقك
هذي الثريّا مطلبك باول الدرب=ماهي بسيطه فالبوادي تعيقك
شوف الثرى و زهّب مطاياك للكسب=لنجمه الي في العوالي تشيقك
وانت العلا يا طالبه لو سقط شهب=إتحقق الغايه بشي ٍيليقك
لنك من الإصرار سويت لك سرب=امن الفعول الي تسوي رحيقك
وهذي النصايح من تجاريبي الغلب=اقولها و الله يسمّح طريقك

القصيدة الثالثة للشاعر/ فهد بن رزيق

ياعاشق العليا ترا دربها صعب=الا ان رب الكون سمح طريقك
اضرب على الكايد ليا صابك الرعب=واعرف عدوك قبل تعرف صديقك
الصيت والقاله مهى يافتي لعب=ماتحوشها لن كان مانشف ريقك
والذل ماعلا لاحد قبلنا كعب=يكرهك لن ذليت حتي شقيقك
قلبك سوات الخرج له منسف وجعب=واليا ملاه الخوف يامن يطيقك
اشعب ذلول العز في دنيتك شعب=واصبر وتبشر بالسعه عقب ضيقك
في صفحة التاريخ دور على زعب=وتلقا الذي يجلا عمسك ويفيقك
ضحو لعين الجار بالمال والشعب=وقالو يانجم العز ماحلا بريقك
ومن لاعلى الطيب وعلوم الوفاء تعب=احذر فريقه لايقاصر فريقك
في الماقف الغصاب بالجحر ابودعب=يجحر ولاهو في الشدايد رفيقك
مافيه ضلع الا وله ريع (ن) وشعب=وكانك تبى ترقاه ماحد(ن) يعيقك
راع الجلاده والعزم يعشق الصعب=اعزم وجعل الله يسمح طريقك

القصيدة الرابعة للشاعر / عيد بن عبيد الشدادي (الغربي )

يـا طالـب العليـا تـرى دربـهـا صـعـب=إلا أن رب الـكــون سـمّــح طـريـقـك
اضرب على الكايد ليا صابك الرعب=واعـرف عـدوك قبـل تعـرف صديـقـك
حافظ على دينك وخلك على قرب=من خالقك ويزيل همك وضيقك
ترى طراة القلب في طاعة الرب=ماهيب في خلك ولا في عشيقك
واكرب حزام الطايله فاللقا كرب=ومن خيرة الاصحاب شكل فريقك
لاتنخدع فالوقت وتضيع الدرب=الوقت لاعاندك يقدر يعيقك
لاتحسب ان المرجله طيش مع لعب=خل الوفا في كل ساعه رفيقك
قدام تغدي يافتى خارج السرب=وتضيع في الدنيا وتفقد بريقك
وافخر بنفسك واعرف الجمع والضرب=قدام ينشف فالمواقيف ريقك
درب المعالي حال دونه مية حرب=لاتحسب ان الناس كل يطيقك
بعض العرب ضاري على النصب والسلب=يوقفك في ماقفٍ مايليقك
ماكل شي ينوخذ فالزمن غصب=لكن ركز لاتضيع طريقك

القصيدة الخامسة للشاعر / عزيز بن ضاوي الشدادي (الرحال )

يا طالب العليا ترى دربها صعب=إلا أن رب الكون سمّح طريقك
اضرب على الكايد ليا صابك الرعب=واعرف عدوك قبل تعرف صديقك
لا تخدعك دنياك وتحدرك شعب=وتحب عدوانك وتكره صديقك
راقب رضى المعبود يا مراقب الشعب=كم واحدٍ يضحك وهو ما يطيقك
وخلّ الكرم والطيب عنوان لك واعب=للضيف كاسرة العمود ودقيقك
وخلّك خصيم النفس واللهو واللعب=ما ينفعك في يومٍ يجف ريقك
وخلّك عشيق المستحيلات والصعب=بالعزم يسهل ثم يصبح عشيقك
ولا تنرعب واملا قلوب العدا رعب=واحم الدخيل اليا استجار بفريقك
لا يصير همّك بالزمن ملية الجعب=وتبيع لأجل المال حتى شقيقك
كم واحدٍ دسته بالأقدام والكعب=والمال رزّه لين حطه لصيقك
بيع الردي بريال ثم حدّره دعب=قدام يشعل في ربوعك حريقك
ورزقك على اللي بالسحب ينشئ الثعب=وقل للجحش لا شبع لا أوحي نهيقك
واشعب ركابك في طريق العلا شعب=ولا تبدي أسرارك ويسهل لحيقك
خلّ النبي قدوتك واحذو حذو كعب=وللآخرة اعمل وكمّل طريقك
هذي نصيحة واحدٍ جرّب وتعب=تجربته إما عانتك ما تعيقك

هذه هي جميع القصائد والشعراء المشاركين

القصيدة الفائزة بالمركز الأول

للشاعر / فهد بن رزيق

ياعاشق العليا ترا دربها صعب=الا ان رب الكون سمح طريقك
اضرب على الكايد ليا صابك الرعب=واعرف عدوك قبل تعرف صديقك
الصيت والقاله مهى يافتي لعب=ماتحوشها لن كان مانشف ريقك
والذل ماعلا لاحد قبلنا كعب=يكرهك لن ذليت حتي شقيقك
قلبك سوات الخرج له منسف وجعب=واليا ملاه الخوف يامن يطيقك
اشعب ذلول العز في دنيتك شعب=واصبر وتبشر بالسعه عقب ضيقك
في صفحة التاريخ دور على زعب=وتلقا الذي يجلا عمسك ويفيقك
ضحو لعين الجار بالمال والشعب=وقالو يانجم العز ماحلا بريقك
ومن لاعلى الطيب وعلوم الوفاء تعب=احذر فريقه لايقاصر فريقك
في الماقف الغصاب بالجحر ابودعب=يجحر ولاهو في الشدايد رفيقك
مافيه ضلع الا وله ريع (ن) وشعب=وكانك تبى ترقاه ماحد(ن) يعيقك
راع الجلاده والعزم يعشق الصعب=اعزم وجعل الله يسمح طريقك

الفائز بالمركز الثاني قصيدة الشاعر / عزيز بن ضاوي الشدادي (الرحال )

يا طالب العليا ترى دربها صعب=إلا أن رب الكون سمّح طريقك
اضرب على الكايد ليا صابك الرعب=واعرف عدوك قبل تعرف صديقك
لا تخدعك دنياك وتحدرك شعب=وتحب عدوانك وتكره صديقك
راقب رضى المعبود يا مراقب الشعب=كم واحدٍ يضحك وهو ما يطيقك
وخلّ الكرم والطيب عنوان لك واعب=للضيف كاسرة العمود ودقيقك
وخلّك خصيم النفس واللهو واللعب=ما ينفعك في يومٍ يجف ريقك
وخلّك عشيق المستحيلات والصعب=بالعزم يسهل ثم يصبح عشيقك
ولا تنرعب واملا قلوب العدا رعب=واحم الدخيل اليا استجار بفريقك
لا يصير همّك بالزمن ملية الجعب=وتبيع لأجل المال حتى شقيقك
كم واحدٍ دسته بالأقدام والكعب=والمال رزّه لين حطه لصيقك
بيع الردي بريال ثم حدّره دعب=قدام يشعل في ربوعك حريقك
ورزقك على اللي بالسحب ينشئ الثعب=وقل للجحش لا شبع لا أوحي نهيقك
واشعب ركابك في طريق العلا شعب=ولا تبدي أسرارك ويسهل لحيقك
خلّ النبي قدوتك واحذو حذو كعب=وللآخرة اعمل وكمّل طريقك
هذي نصيحة واحدٍ جرّب وتعب=تجربته إما عانتك ما تعيقك

الفائز بالمركز الثالث قصيدة الشاعر / عايش بن سعد الحارثي

يا طالب العليا ترى دربها صعب=إلا أن رب الكون سمّح طريقك
اضرب على الكايد ليا صابك الرعب=واعرف عدوك قبل تعرف صديقك
ودوّر لدرب الوافية لو تتعب=ولا تستمع في رجل عنها يعيقك
ولا يروح العمر في اللهو واللعب=وتطيح لو إنه بعيد تحليقك
واطلع في القمة ولا تطيح في الشعب=تغبن عدوٍ في البشر ما يطيقك
وادمح خطا ربعك وحذراك تشعب=هرجة تزعل صاحبك أو رفيقك
رأس القدم لا زلّ بك لحقه الكعب=ونزلت في منزل ردي ما يليقك
وشاور ورأيك حكّمه لا يشعب=وعلى خويك لا يزيد اتعليقك
واحذر تدخّل يدك في داخل الدعب=وتشهق وكل الناس تسمع شهيقك
واعرف وش اللي معك في داخل الجعب=قدام بين الناس تشرق بريقك
واللي في كل طرقة تشيله وتزعب=تبغاه يتونس ويسعى لضيقك
قدام اسمه حط صفرٍ مكعب=وابعد عنه لو كان جارك لصيقك
وللبيوت عورة لا عليها تدعب=ترى الجزاء بجنس العمل لو يشيقك
وادع لولي الأمر مع صادق الشعب=خلّى بعيد الناس كأنه شقيقك

ونتمنى لباقي الشعراء التوفيق والسداد
وألف مبروك لشعراءنا الفائزين

الف الف الف مبروك للجميع
يعطيك العافيه يا البرنس

الف الف الف مبروووووك يافهد بن رزيق

تمنيت اللقب للغربي لكن

تستاهل والله يبيض وجهك ويوفقك

شكرا مراقب عام

الف مبروك
........................
للشعراء

ألف ألف مبروك للشعراء الفائزين

واتمنى التوفيق للباقين

شكرا يا البرنس

البرنس كل عام وأنت بخير ومبروك عليك الشهر الفضيل شهر المغفرة والرحمة أدعو من الله أن يغفر لك ولي ولجميع المسلمين والمسلمات ويرحمنا برحمته إنه على كل شئ قدير ..
ومن ثم أقدم لك الشكر على فكرة طرح هذه المسابقة التي لاقت نجاح وهذا أن دل دل على إخلاصكم للمنتدى وللقبيلة ..
نبارك لجميع المتسابقين الذين أبدعو وتألقو في سماء العليا ولم يخفقوا .. كانت في مستوى واحد ومتقارب حلقوا في سماء المنتدى وأستحقو مسمى صقور المنتدى ..
كلماتنا لهم دعوة لله ..أن يوفقهم لما يحبه ويرضاه

ألف مبروك لقب شاعر المنتدى لأخونا فهد بن رزيق
صح لسانه ملايين يستاهل اللقب شاعرنا

ولا هانوا شعرائنا الباقيين
صحت ألسنتهم وفالهم التوفيق

لا هنت يا أبو علي على تغطيتك للمسابقة
تحيتي

الف الف مبروك لجميع الفايزين

وحظاً اوفر لمن لم يحالفهم الحظ

لاهنت يالبرنس