..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الشعبية > بحور القوافي > قصائد مختارة
 
أدوات الموضوع
موضوع مغلق
قديم 31 Jan 2007, 01:28 AM [ 11 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




قال المثل من سار في الطرقه وصل=واللي يريـد النايفـه يرقـى لهـا
والنايفـه دايـم علـى قمـة جبـل=تختار مـن بيـن الجبـال طوالهـا
كم عشت مابيـن السعـاده والملـل=رحلـه لهـا غايـه وانـا رحالهـا
بغيتهـا بالهـون جتنـي بالعـجـل=وورتنـي الدنيـا وكيـف احوالهـا
وش عـاد لـو إنـا سكنـا بالفلـل=وإلا تحت شجـره يميـل ظلالهـا
ننـزل بـدارٍ غيرنـا فيهـا نـزل=ومن قبـل ننزلهـا رحـل نزالهـا
ولابد مانرحل سـواة اللـي رحـل=وعيالنـا تحكـي الخبـر لعيالـهـا
واللي تمدّيه الليالـي فـي المهـل=ويصـارع ايامـه وسـود ليالـهـا
لابـد بعـد العلـم يرجـع للجهـل=وخزايـن اسـراره يفـك اقفالهـا
ماضيع إبن آدم كما طـول الأمـل=ولاطـوّل الآجـال طـول آمالهـا
نعمل بهالدنيـا وإذا حـان الأجـل=نفـس الفتـى مرهونـةٍ باعمالهـا
في ساعةٍ فيهـا حسـاب ولاعمـل=تـوزن خفـاف أعمالنـا وثقالـهـا
والموت عندي خير من لحظة خجل=تحطنـي فـي حـالـةٍ يرثالـهـا
من خوفها صابر كما صبر الجمـل=والقوم مااهرج غيـر مـع عقالهـا
والوافيه لاجت من اصحاب العقـل=لاشـك مانـي ناقـصٍ مكيالـهـا
أوقف لهـا لاجاتنـي وقفـة بطـل=واثبت وجودي في عيـون أبطالهـا
وإلا الضعيفة مالهـا عنـدي بـدل=لاهـي تهيّضنـي ولامـن قالـهـا
انا أعتبرهـا بنـدقٍ ثـارت عيـل=مـن دون قصـد وخجّلـت نقالهـا
والهرجه اللـي بيّـنٍ فيهـا الخلـل=غش النفوس اللـي خبيـثٍ فالهـا
يعرف لها راعي المحايل والحيـل=واهـل النفـاق تشيلهـا باحثالـهـا
ما سببت لـي لاحمـاس ولازعـل=متعديـه مـرت علـى منوالـهـا
قدامها في الخبـت ياكثـر الهمـل=حيث إن ما للهيـم غيـر إهمالهـا
وانا ليا شفت العقيـم مـن الجـدل=أشعب ذلول الشعـر فـي مدهالهـا
آخذ رسنها من محـل إليـا محـل=واقطع بهـا وادي القصيـد لحالهـا
أبعد مواطيهـا عـن دروب الزلـل=وتسرنـي فـي إقفايهـا وإقبالـهـا
ومادام أنا صدري سليم مـن العلـل=لوهي تنوخ فـي الخـلا باحمالهـا
عقالها مكسب علـى قـول المثـل=ينفعـك مـن ناقتـك لـو عقالـهـا

القصيدة للشاعر : عبدالله الطلحي


اختيار الأخ : الوافي


توقيع : بدوي فاهم
الأعلى
قديم 31 Jan 2007, 01:29 AM [ 12 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




كان للشده مناصي وللصدمـات روس= روسنا لمصادم الوقت والمخرج ملـي
دام هذي دبرة الوقت والحظ النحـوس = الرجل يثبت وجوده اليـا منـه بلـي
دام نفسي رزقها عند خلاق النفـوس= مايجيني غير شـي مـن الله كتبلـي
حدني حي على الارض لااطاها وادوس =واتمرجل من يديني وامرجل من يلـي
لو تعرضت التعب والمخاطر والشموس=عيشتي بالكف الايمن ولا منـة خلـي
لو تسببنا بحرب مثل حرب البسـوس=مايسلـم لحيتـه لزمـان الا طـلـي

اختيار الأخ : ساري


الأعلى
قديم 31 Jan 2007, 01:32 AM [ 13 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




عهدي بها من قبل تلبس عبايه =وأنا بعد قبل البس شماغ وعقال!!
طفلين نتهجّى حروف البدايه =الله ياماأجمل سواليف الاطفال!!
كانت لنا في كل شارع حكايه =وكنّا نقول علوم ماهيب تنقال!!
وكنت اتقاسم مامعاها معايه =من(عسكريم) التوت,للعلك ابوريال!!
وكانت بعكسي شاطره بالقرايه =تقرأ جزء عمّ وطه والانفال!!
وأنا لك الله من مواري غبايه =مدري ابو نقطه هو الذال او دال!!
وكانت لابويه تشتكي من شقايه =وتعلّمه كيف اربط الباب بحبال !!
ياما على ظهري كسر من عصايه =يقول لي:خلّك وأنا ابوك رجّال!!
وامي تقول:ادع لولدك الهدايه =خوفي تصيبه كثرة الضرب بهبال!!
لاشفتها مع اول الدرب جايه =مدري أنا اللي ملت ولاّ الوطا مال!!
احسّ قلبي يرتجف في حشايه =ماكنّه الاّ الضيف لاهزّ فنجال!!
ياما عن"السّعلي" تخبّت ورايه =لاخوفوها فيه ثم شافت ظلال !!
تقول:خلّك ياحبيبي معايه =واسّتأنس العب عندها دور الابطال!!
وآغار حتّى من عيون اصدقايه =لاطالعوها قلت:تكفون ياعيال !!

اختيار الأخ : ماجد الشدادي


الأعلى
قديم 31 Jan 2007, 01:33 AM [ 14 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




إيه صح إن القلوب رهاف والنيه مطـيـــه=بس مايعني إني اخضع لك وتصفالك نوايا
كان فيني طيب قلب وكان عندي حسن نيه=بس لاشفت الأمور،، تكركبت عندي خفايا
كنت مثلك يوم كنتي طيب وقلبي بإيديه =وين ماتبغين اوجه لك من عظامي سرايا
كنت ارحب بك وأهلي ياهلا بك يابنيه =واختصر لك بالدلع والود وارسل لك هدايا
كنت ارسل لك بخور وقرفة(ن) مع ميرميه =وكان من ضمن الهدايا كحل وامشوط ومرايا
كنت أغازلك بقصايد لأني اعرفك بدويه=واكتب أشعاري وأغنيها وأحجي لك حجايا
ويوم جيتي للمدينه صارت علومك رديه=قلت يمكن التطور غير بقلبك خلايا
قلت اغير من اسلوبي صارت البنت حضريه=وصرت استخدم اسلوب جيد ونصه خطايا
وصرت متعلم بعد فتره وأرضيتك عليه=يوم بدلت الشعر بأنغام وألحان وحكايا
صرت أغازلك بحنان وحب وألفاظ نديه=لين صرتي تفرحين إن قلت وش تحت العبايا
صرت أناديك بأماني لين نسيتك رقيه=صرت ألبسك الخواتم والقلايد والحلايا
صرتي تقولي هون،، وأول تقولين هنيه=صرتي تقولي ياي،،، أول علامي وش بلايا
بس ياشين الدلع لازاد عن حده شويه =ودها تسوي جراحه ليه،،، بتشيل الكوايا
نعنبوها كل شبر في جسدها فيه كيه=ماسلم من جسمها إلا وجهها صابه شظايا
ويش أسوي ياعرب ربي بلاني بها البليه=تعبتني وأمرضتني بعد ماكانت دوايا
لا وتسألني حبيبي ماكأني مغربيه،،=قلت إلا،،، بس زدتي عنهم بزين السجايا
أعذروني يالربع يومني حبيت قرويه=غرني البرقع وغرتني بها بعض المزايا
اعجبتني يوم كانت بالهوا جداً غبيه=كنت امشيها على كيفي وأسوي لي سوايا
ويوم صارت تكتب وتقرا حروف الأبجديه=إسألوها،، ويش عندك من أمور ومن خفايا،
تذكرون البنت ذيك اليوم صارت جامعيه =لا،،، بتقدير إمتياز من البدايا للنهايا
بس فيها بس فيها بس فيها جاذبيه=كل ماقررت ابتركها تذكرت المزايا



اختيار الأخ : عبدالله الشدادي


الأعلى
قديم 31 Jan 2007, 01:36 AM [ 15 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




سبحان ربٍ بدّل الحال بأحوال=وكشف لنا فـ "البدو" بعض الدعاوي
من يوم جاء في "مدركة" برج الإرسال=راحوا على الجوّال بلوى االبلاوي
تسابقوا للسوق رجلي وخيّال=صاحي ومجنون وفقير وغناوي
تسمع لهم عند المحلات ولوال=والاجهزة ما خلوا إلها شلاوي
تقول واحدهم من الامر مهتال؟=ماهو مصّدق مدري أمرٍ سماوي
حتى ليا صلّى يخليه شغّال=وليا تربّع فوق وارد عراوي
وليا جلست بمجلسٍ فيه عقّال=وانته على زين السوالف شفاوي
ما عاد تسمع من تكلّم ومن قال= ما غير جوالاتٍ إلها تعاوي
والمشكلة لن كان لبّاسة الشال= حطّت لــ "اريسكون" فـ : رقبتها عراوي
وحتى العجايز كل وحدة بجوال=ولا ياخذنّ إلا الجهاز الغلاوي
حي الجهاز وحيّ حتى الكريستال=والوانه الوردي والازرق سماوي
لو إنها خسارةٍ في هالاشكال=ولا يشتريه لمثلهن غير غاوي
والقصّة اللي ما تصوّر على بال=و يتوه في تفسيرها كلّ راوي
معي ثلاث أرقام يا ساتر الحال=عندي عدمها والوجود متساوي
والهرج مهما كان يسمج ليا طال=وما قلّ يكفي عن كثير الحكاوي
جهازي الاول يقولون بطال=وأنا شريته مار ما كنت ناوي
وسافرت لابو ظبي انا ومعي رجّال=من روس ناسٍ يبعدون الهقاوي
طلبني الخوّة ووافقت فــ الحال=وإن كان ما اخاويه من عاد اخاوي؟
وبعد قضينا ف السفر بعض الاشغال=جينا لدار مريّحين الشقاوي
وقابلت في الجمرك ردييّن الأعمال=واحد قريت إسمه .. يعوّد حساوي
قالوا جهاز "الباندا" ماض الافعال= قد اصدروا فيه المشايخ فتاوي
لازم يصادر منك يا طيب الفال=وإلا تبيعه كان للبيع هاوي
وليا هذاك الرجل أبو ثوب وعقال=عطيته القصّة وكنّي حياوي
قال إحمد الله , هاك تسعمية ريال= من عند غيري ما تجي بالمناوي
قلت الخسارة نص من روس الأموال=لكنّ انا ما احبّ كثر الرجاوي
" ريح الشّياط ولا العدم " مثل ما قال= راع المثل... حزّة قنص بالنداوي
شيله و رح يالخال حق إنك الخال= تراه يصلح لك إذنـّك هواوي
وجبت الشريحة , مار بعد أربع ليال=ضاعت وصار الجرح ماله مداوي
وجهازي الثاني غدا عند نشــّال=وجهازي الثالث طرحته سهاوي
ما اخبر جهاز اخذ من هلال لهلال=لازم يجيه من الصواديف لاوي
اما طرحته وإنه مروّح أوصال=وإلاّ انسرق واخفوه بعض الضناوي
حظي كذا من عام الاول ولا زال=ما فادني كثر المنى والعزاوي
وحظّ الرجل ما ينتعدّل ليا مال= لو قام من قبره بخيت العطاوي

قصيدة للشاعر وصل العطياني!!

اختيار الأخ : صقر قريش


الأعلى
قديم 31 Jan 2007, 01:39 AM [ 16 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




قم وأترك الشغل فرضك يافتى صله=الفرض إله وقت وأشغالك تناساها
فرضك ترا حبلك اللي يرْبِطِك بالله=جوّد بيمناك حبلك وأوْثق إعْراها
حافظ على الفرض والسِنْه لها مِله=إلها منازل رفيعه كان تبغاها
ركعاتها عشر وإلها زود وأفطن له=أثنا عشر سَـنّها المعصوم سواها
والخير دقه وجله يافتى كله= ثنتين قبل الفجر يذّن ومحلاها
ياسعد رجلٍ حفظها سعد منهن له=له منزله عند ربي فاز بأعلاها
وإن كان تبغى مع الحسنات زودٍله=أحفظ جزيل السوربالليل وأقراها
الله ذكر كل حسنه عشر يبرن له=وزود علاها ميه في سبع تبراها
(يابدر) هاذي وصية وأذهن الزله= وصاك مخلص وأبوك أعطاك سلواها
أحفظ وصاتي وفرضك يافتى صله=عساك ممن يفوز اليوم وأتلاها

القصيدة للشاعر :سفر مشعان العتيبي

اختيار الاخ : سعد الشدادي


الأعلى
قديم 31 Jan 2007, 01:44 AM [ 17 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




ألا حيالله اللي جابه الطاري .. وجا عقبه=تقول إنه يعرف إني أسولف به وجا يسمع !
وأنا من فرحتي شكلي طلع كني متوهق به !=محمّر وجهي .. وعيني تنازعني تبي تدمع
يقول:"إسلم" .. وأنا ماغير متبسّم وأبحلق به !=إلين إن قال لي :" وش فيك؟ كمّل.." ,قلت:"لاتطمع"!
ش أكمّل وأنت قدامي؟ كلامي خذه وإعلق به =الين يرمّد آخر حرفـــ ..... قاطعني وقال :"إسمع .... "
لو المكسيك فيها حي راقي إسمه الثقبه =فأنا ماعاد أشوفك في ظلامي كوكبٍ يلمع !
كلامك يا ابراهيم الرشود الشخص يغرق به =وأنا الإعجاب بيديني وسيله توصل لـ مطمع !!
سِكتّ وقلت :"عزالله قضى حكيي وأنا عقبه=قضيت إلا من عيونٍ ليا ضمّيتك بـ تدمع " !!

القصيدة للشاعر ابراهيم الرشود الشاعر

اختيار الأخ : السلطان


الأعلى
قديم 31 Jan 2007, 01:46 AM [ 18 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




يذكرني رحيلك مجلس باق على حله = مداهيل الرجال اللي تنومسنا مواطيها
هنا سليت سيف يوفي الثارين من سله = هنا علقت رمح يطعن الجوزا ويطفيها
هنا بينت مصحفك الكريم ودلنا دله= معك نبدا مواعيد الكلام وننتهي فيها
هنا ساقيت غصن من غلا كنا تحت ظله = نسولف بالغنا يا بايع الدنيا وشاريها
هنا كان الرجال جبال ما تقبل خنا الزلة =عمايمها سحاب وابله باقي مواظيها
رجال لو تشوف الماء غدر ما شربته =للا نبت عشب الرضا يا سيدي بأول مغازيها
هل التوحيد وكنوز العلوم ونصرة الملة =رجال يضحك التاريخ لولها وتاليها
هنا ماضيك ورياض الخليل اللي رعا خله = شربنا عذبها مدري لعبنا في مغانيها
هنا تخنقني العبرة وانا اكتب يا رسول الله = على قبرك نسيت الناس حاقدها وحانيها
وبو قبر يتيه من الفخر بالبيد وتجله= على حسد تبين من سمايمها وصاليها
ويهناه الوفا قبر يضمك في ثرا تله = ما دامه بين فردوس الجنان وبين منشيها
وانا لامن ذكرت فراقك اللي في يدي غله = نسيت ان الليالي شيبتني من بلاويها
على بعد الزمان اللي يعقد الحبل ويحله= ليامني ذكرتك طاحت الدمعة وراعيها
سلام الله ما هز الصبا نسرينه و فله = على الطفل اليتيم اللي عطا الدنيا معانيها

القصيدة للشاعر خالد العتيبي

اختيار الأخ : ساري


الأعلى
قديم 31 Jan 2007, 01:48 AM [ 19 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




يالله انك لاتعود العسكريه=النصيب اللي على البدله حداني
لبسوني لبسة ٍ ماهيب ليه=درعوني باللبوس المشبهاني
دربونا مثل تدريب المطيه=والصعب منا يعود مطوعاني
يالله انك لاتحملنا زريه=حيث حنا للمعاصي مانداني
ياوجودي وجد حمر ٍ عيدهيه=ساقط ٍ فيها الحقب ويا البطاني
فوقها قرم ٍ ببا كور ٍ قويه=من ورى العارض يبي دار شهراني
قطر القربه وقدمه قيهميه=مع زوال الظهر يوم الشوف داني
هسها العرقوب والديره رديه=لين دم الجوف بالذرعان حاني
او وجودي وجد عرب ٍ فوق طيه=في لهيب القيظ معطيت ٍ ثماني
هملن عيالهن بارض ٍ خليه=واصبحن اعيالهنه ذيهباني
يوم جن البير لياهي جاهليه=ما عليها لا ورود ولا محاني
بركن بالشمس تصهرهن شويه=كل منهن كنها الخرص الهلالي
لو بغيت ادله طرى الطاري عليه=واستحس القلب والهاجوس جاني
يوم اشوف الدين مرتجدا ً عليه=والظهر عريان والجوع يحداني
طالبك رزق ٍ تحطه في يد يه=ماعلى بابه شريف ولا هداني



اختيار الاخت : المستحيله


الأعلى
قديم 31 Jan 2007, 01:50 AM [ 20 ]
عضو متميز


تاريخ التسجيل : Jan 2006
رقم العضوية : 843
الإقامة : saudi arabia
الهواية : تسلق المرتفعات والتنزه في الأدغال
مواضيع : 109
الردود : 3186
مجموع المشاركات : 3,295
معدل التقييم : 25بدوي فاهم is on a distinguished road

بدوي فاهم غير متصل




قـلـبي صحن دش و عـيـونك عربسـات =و الـبـث حـي مــبـاشـر مـن شــفـاتـك
سـلكي و لاسـلكي و عـبر المسـافات =يسـرى أثـيرك في فـضـائي صــــفـاتـك
الـقـلـب مُـخـرج و الـمشـاعر مـذيـعـات =و الـشــوق مـبـعـوث المراســل لـذاتـك
إرسال متـواصـل على خـمـس فـتـرات =يـنـقـل وقــايـع مــا يـصـــيـر بـحــيــاتـك
صورتك في فكري على سبع شاشات =و افـضـل بـرامـج ســـهـرتـي ذكـريـاتـك
و ارسـال حـسادك قطعـته عن السـات =بـدلـت كـيـبـلـهم بـكـيـبـل غــــــــلاتـك
و ألـغـيـت يـا ثـريـاالـغـلا الأشـتـراكـات =مـا عـاد أشــهـد غـيـر مـا بـث ســاتـك
لـو شـوشـت ع الـبـث كـل الـمـحطـات =يـلـقـط رســـيـفـر خـــاطـري ذبـذبــاتـك
جرب على ريموت الأحسـاس ضـغطات =تـلـقـاه مـــا يـخـــــتــــار إلا قـــنــــاتــك

اختيار الأخ : الجوكر


الأعلى
موضوع مغلق
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
مجلة الشدادين الأدبية .. العدد الثاني مطارد سراب متحف الشدادين 26 اليوم 02:10 AM
مسابقة القصائد المختارة بدوي فاهم قصائد مختارة 13 16 May 2007 05:21 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

06:36 PM
Powered by vBulletin® developed by Tar3q.com