في رثاء الشيخ فواز بن زيّاد ابن مهرس

بسم الله الرحمن الرحيم

السلام عليكم ورحمة الله وبركاته...
أخواني الأعزاء إليكم هذه القصيدة في رثاء المرحوم
الشيخ فواز بن زيّاد بن فاهد بن باتل بن مهرس الشدادي

البارحه ما نمت لو ربع ساعه = تقول كن ابحجر عيني مشاهيب
جاني كلام ٍ حط في القلب راعه = وكدر عليه صافيات المشاريب
مرحوم يا رجل ٍ طويل ٍ ذراعه = فواز أبو فاهد عريب المجاذيب
رجل الوفاء رجل الصخاء والشجاعه = رجل المروه والفخر والمواجيب
شيخ ٍ على الطالات يا بعد ناعه = دنيا ودين وماضي ٍ له تجاريب
خسّار صبار ٍ بعقله وقاعه = يمسي على طيب ٍ ويصبح على طيب
أبوك يا فاهد رفيع ٍ شراعه= تنشر له البيضاء بروس المراقيب
ذكره ينومس طيبين الجماعة = وأنتم مدربكم على الطيب تدريب
وأخوانكم يشدون ذياب السباعه = الكل منكم يلتهب كنه الذيب
لكن ابوصيكم بتقوى وطاعه = في طاعة اللي يعلم السر والغيب
عسى لبوكم عند ربه شفاعه = بجاه الرسول وما نزل في المكاتيب
وعسى فراشه عند ربه قناعه = ظل ٍ من الجنة وحور ٍ رعابيب
وادعوا معي يا اهل النقا والبراعه = ترى النقا ما فيه شك ٍ ولا ريب
ويعوضكم عقبه بصبر ومناعه = والكل منكم كامل العقل وامنيب
وصلاة ربي عد مبدأ الشفاعه = على الرسول الهاشمي خير ما جيب

الشاعر / سلطان بن فهيد بن فراج الشدادي

الله يرحم اموات المسلمين.

الله يرحمه ويرحم اموات المسلمين

صح لسان الشاعر

ولاهنت على النقل اخي الكريم

حياكم الله

الله يرحمه يا ابن مهرس

ويرحم موتانا وموتى جميع المسلمين

وصح لسانك ولا هنت الله يبيض وجهك

رحمه الله
وجميع موتا المسلمين
صح الله لسانك
ودمة بصحة وسعادة

الله يرحمه ويسكنه الجنه.......... ويرحم امواااااااااااتنا وامواااااااات المسلمين

الله يرحمه ويتوب عليه

وانت صح لسانك يأبن مهرس

ابن مهرس

الله يرحمه ويغفر ذنوبه واموت السلمين جميعااااا

صح لسالنك وهذا وفءا منك لرجل يستحق دمت بكل الخير والمسرات

تحياتي اخوووك برق الوســـــــــــــــــــــــــــــــــــــــــــم

صح السانك

ولا هنت على هذه القصيدة