آخر 10 مشاركات |
مختارات | قالَ رسولُ اللهِ صلّى اللهُ عليه وآله وسلّم: اتَّقوا النَّارَ ولَو بِشقِ تَمرة |
|
||||||||||||||||||
يا زين ياللي ورثوك اهلك قصر
صبآحكم / شعـــر قلبي براه الحب واضناه الهجر=عقب الرحيل و دندنة معزوفته
هذا شهر ورى شهر ورى شهر=والقلب شفقانٍ على دلوعته ياليل وش تالي تهاتيه الصبر=والعاشق يحب السهر من لوعته اثر المواصل ثلج والفرقا جمر=وقدر الغلا جمره يسبب فوحته والشجره اللي في المسيل الها ثمر=تشوقني والسيل مااقدر طوفته ياليت لي حيله على رد القدر=كان استرحت من العذاب ونوحته مير الحياه احلام والدنيا عبر=والوقت طوعني وانا في طوعته يازين ياللي ورثوك اهلك قصر=وتمشي لحالك في بهى بحبوحته من الترف تطلب وماتطلب امر=ومن الغنج ثوبك يضيق بحوكته ماتعرف من الفقر غير اسم الفقر=ولاتعرف من الحب غير بروفته انا براني البعد وصروف الدهر=كافاك ربي من مواجع روعته ليتك تروف بحالتي ولا تمر=ذاك المكان وباحته وارجوحته اللي جمعنا يوم للفرحه عمر=ترسم على الوجه الحزين اضحوكته يمكن تحن وتاخذ بشوفه خبر=ان المحب يموت في محبوبته صدق الاماني نبع يرهي في نهر=عساني اطعم لاشربت اعذوبته الحب مثل النقش في صم الحجر=في قاع بحرٍ ماعرفنا موحته اثر القهر ياللي تعرفون القهر=فرقى الوليف اللي ذبحك بشوفته لبيه يانحره و طرفه لاخدر=ولبيه ياخده ورى نفنوفته ولبيه يافمه ليا حار وفغر=ولبيه ياخشمه وسكبة طوحته صوته يشادي في كلامه لا جهر=تغريد عصفورٍ على عصفورته ومشي الدلع لامن مشى موتٍ حمر=كنه يعد خطاه لبى شوحته ياحليله صغيّر وطرفه ماسهر=الا على العابه ونغمة دوهته حاولت ابنسى بس قلبي ماقدر=وجربت ابسلى والمصيبه صورته عيّت تفارقني وانا دمي فتر=كنه وكني في سطاه وروحته مثل السطا اللي ساد به ريس مصر=اللي كسر شعبه و سبّب ثورته ماعاد لي غير انتظر ثم انتظر=بس البلا في الانتظار ودورته هذا شهر ورى شهر ورى شهر=والقلب شفقانٍ على دلوعته
|
12 Jul 2012, 04:06 AM | [ 2 ] | ||||||||
شاعر
|
رد: يا زين ياللي ورثوك اهلك قصر
صح السانك يابشير تحياتي بدر الشدادي |
||||||||
|
|||||||||
14 Jul 2012, 07:25 AM | [ 3 ] | |||||||
عضوة متميزة
|
رد: يا زين ياللي ورثوك اهلك قصر
أبدعت شاعرنا ، واتحفتنا بقصيدك الراقية بارك الله فيك ، وفي فيض شعرك . |
|||||||
|
||||||||
16 Jul 2012, 11:17 PM | [ 4 ] | |||||||
شاعر
|
رد: يا زين ياللي ورثوك اهلك قصر
أخي وابن عمي بشير الذيابي صح لسانك شاعر راقي وشهادتي فيك مجروحة سلمت ولا هان راسك |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|