أوصيك

ابدى بذ كر المعتلي عالي الشان= الواحد اللي كل خلقه فامانه

و من بعد ذ كره كل شيٍ بميزان= اصخر بيوت الشعر واطلق عنانه

وأوصيك انا ياصاحبي طير حوران= هاك الوصيه واعتبرها امانه

يمكن نموت وينتهي كل ماكان = الكل منا صعب يضمن زمانه

مضمن لك احيى يالخوي طول الأزمان= لكن لك اضمن كل شي فمكانه

يبقى الوفا مابيننا مثل الاخوان= لين ان كلن يندفن في كفانه

هذا كلام اللي ذرف دمع الاعيان= جرب وحصل من زمنه الخيانه

وقتٍ يابوصالح معي مابعد لان=أشكي لربي بلوته وامتحانه

وقتٍ صفى ياخوك لفلان وفلان= واهل الردى والخبث واهل العفانه

أما الشجيع اليوم طفران طفران= ما يمتلك ياخوك حق اللبانه

لكن في وقت الشدايد لك يبان= وماتطلبه يوفيه لو بالد يانه

ولايندرق ياخوك لاجوه ضيفان= يفرحك لا جيته بناسن تكانه

أقبل يرحبك تراحيب صفطان= وقدم لك اللي يملكه في مكانه

ثم اعتذر لوماحصل منه نقصان= من عادته يوفي بليا منانه

هذا هو اللي صحبته مالها اثمان= عده رصيد وراس مال الخزانه

أما الردي من صحبته فأنت خسران= امهايطي ماعنده الا لسانه

أنصحك عنه ابعد ديارك والاوطان=لايخدعك هرجه معك واضحكانه

ترى الردي ياخوك لوكان ماكان= ماسرنفسه عايشٍ في مهانه

والرجل مايحتاجله ريش جنحان= اليابغى العليا ترى الله عانه

ترى الفروض الكاملة خمسة اركان= صل الصلاة وصوم شهر رمضانه

حتى ليا من ضمتك بيض الاكفان= ترتاح نفسك في هدو وسكانه

فرضٍ فرضه الله على كل انسان= ومن قام به بيموت وهوه فامانه

مافيه داعي نكمل العمر عميان= بالله قل لي وش خلقنا عشانه

ياوجد حالي يانفل وجد ضيدان= او وجد من موته على آخر بيانه

اوجد من حبه غدى مثل الادمان= لو يندرق خله تحطم كيانه

على زمان فات ياخوك ندمان= ماودي انه فات من دون خانه

واخر كلامي أطلب الرب غفران= اطلب إلآهي رحمته وامتنانه

ودعتك الله بأتجه شرق شقصان= وان ما التقينا نلتقي في جنانه

مع تحيات الرحاااااااااال

صح لسانك اخوي الرحال

قصيده راااائعه أعجبني حضورك

القوي وقصئيدك الجزل نتمنى من الله

التوفيق لك وحياك اخوي

		المشاركة الأصلية بواسطة : اقتباس
	أما الشجيع اليوم طفران طفران=ما يمتلك ياخوك حق اللبانه لكن في وقت الشدايد لك يبان=ماتطلبه يوفيه لو بالديانه

صدقت يالرحال

زمن الشجاعة ولى ومضى وصارت الشجاعة من الماضي

لكن للشجاع مكانته الأخوية ووقفه الدائم الصادق ورجولته المطلوبة

		المشاركة الأصلية بواسطة : اقتباس
	اخر كلامي أطلب الرب غفران=اطلب الهي رحمته وامتنانه وودعتك الله بأتجه شرق شقصان=وان ما التقينا نلتقي في جنانه

توديع بوصف المكان الذاهب إليه

قيا وضواحيها يا أبو ضاوي بين ربعك وأهلك

قصيدة جزل ومن شاعر جزل لايزال المستقبل أمامه

وفقك الله يا أبو ضاوي فقد أتحفتنا بعذب الكلام وجزالة الألفاظ وقوة المعاني

نصيحة طيبة منك لصاحبك أبو صالح

وعسى الله يديم الأخوة بينكم

اشكرك يااخ عبدالله على مرورك الرائع
واتمنى لكم جميعأ التوفيق

اخوي السلطان مشكور على مرورك الرائع وأعدك بالجزل دائما
الف شكر وبالتوفيق...

صح لسانك يابن العم

قصيدة رائعة تضمنت الكثير من النصائح والحكم

استمر فما زلت اراهن على انك في يوم من يوم الايام ستكون

في مصاف الشعار الكبار بل الكبار جداً

وننتظر نشر باقي قصايدك الرائعة ليستمتع بها عشاق الشعر

اشكرك يا الوافي على هذا المرور الرائع
والكلام الطيب واعدك بماهو افضل ان
شاء الله واتمنى لكم التوفيق جميعأ

صح لسانك يا الرحال على هذه القصيده الملئه با الحكم والنصايح المفيده

وتقبل تحياتي /أخوك خصيم النفس

أما الشجيع اليوم طفران طفران= ما يمتلك ياخوك حق اللبانه

اخوي الرحال قصيده جزله وامل ملاحظة هذا البيت الذي نقض القصيده باكملها لان الرجل ليس من عاداته اكل اللبان امل تقبل هذه الملاحظه وتفاديها وسوف تصبح من ابز الشعراء وبالتوفيق

اخـــوك الشــــبح

الرحال ... امتعنا بالمزيد فانت متمكن..
اهلا بشعرك ..