نجوم السماء أقرب لك

أنا ماشتكيك إلاّ على اللـي بلانـي فيـك=عسى ينتصف لي منك واحتال نسيانـك
بجاهد هوى قلبي وانـا خابـره يغليـك=يحـنّـك ولا ودّه بهـمّـك وحرمـانـك
بغصبه على العليـاء يجنّبـك ويخلّيـك=حشا مقبل الهانة بعـد شفـت نكرانـك
أنا ما جفيتك لين شفت الغلـط كاسيـك=تخون الغـلا واللـي وفالـك ولا خانـك
عقب ما بخصتك مستحيل اقبلك وابغيـك=وكيف اقبلك وانت اللي اعلنت هجرانك ؟
لك الله مرخص عزّة النفس لجل ارضيك=نجوم السماء اقرب لك ولو متّ من شانك
شعورك بحبي لك وزينك علـي مطغيـك=تماديـت فـي غيّـك وزلّيـت بلسانـك
تجاوزت حـدّك وانهـدم حبنـا بيديـك=وذي غلطتك ما دام طاوعـت شيطانـك
خلاص انتهينا لا تجيني ولا أبي آجيـك=ولا همّني حبّـك ولا احتـاج لاحسانـك

صح لسآن قآئل القصيده

ولا هنت يا بندر النايف على الروعه في الاختيار

هلابك ياوهم ومرحبا فيك

وشاكر لك مرورك الطيب

دمتي بود ,,

,,,

الله الله يا خالي بندر
مبدع ورائع وجميل في اختياراتك
وما هي غريبة عليك هالمزاجات الراقية

هلابك أبو عبدالله

وسلمت على مرورك الطاهر


دمت بود ياجميل,,

الله يعطيك العافية يابندر
قصيدة تدل على ذوقك الرفيع
ونعم الإختيار

أبو نايف
صح لساان الشاعر
وسلمت يديك ع النقل
لاهنت يا الغالي

صح لسان الشاعر
الله يعطيك العافية يابونايف
تسلم على النقل

ماشاء الله

قصيده رائعه

صح لساااانك قايلها

تسلم يمنااااااك

لك الله مرخص عزّة النفس لجل ارضيك
نجوم السماء اقرب لك ولو متّ من شانك

بندر النايف
رآآآآآآآآآآئع
ما يحتاج كلام ولا كتابة
اختيار جميل وذووووق رآآئع
سلمت يمناك وفكرك وصح لسان الشاعر
دمت بخير ,,,