ارتاح في قبرك بعد صار ما صار

السلام عليكم ورحمةالله وبركاته
أسعد الله أوقاتكم بكل خير
أطرح بين أيديكم هذه القصيده التي كتبتها بمناسبة
حكم القصاص الذي أصدر في حق محمد الزهراني قاتل خالي سفر حمد الشدادي

البارحه نوم العرب ماهناني=في وسط نجد وخاطري صار محتار
سهران طول الليل همي طواني=وأهل قيا عيو يجيبون الأخبار
صبرت لين الهم حره كواني=وأصيح وأنطق جاوبوا ياهل الدار
قالوا تريح لين فجرك يباني=وتلقى الخبر منشور في كل الأقطار
وبعد الفجر دقيت قالوا ثواني=ويروح رأس اللي خسيسن وغدار
صبرت لين الصبر حطم كياني=والصدر كن مولع داخله نار
وجاني رساله ثم دمعي عصاني=دمع الفرح يجري على الخد مدرار
مكتوب فيها راح رأس الهداني=والسيف أبو حدين لروس بتار
وفرحت يوم العلم منهم لفاني=وكني أشوف الخال في قبره أنوار
وأتخيله وأقوله من لساني=أرتاح في قبرك بعد صار ما صار
عساك ياخالي بوسط الجناني=في جنة الفردوس من ضمن الأخيار
وخوالي أهل الطيب في كل شأني=اللي يدوسون المصاعب والأخطار
تجملوا مابين قاصي وداني=ولا أستراحو لين ردو لك الثأر
قالوا أخونا مايباع بجباني=لو كان حطوا ثمانين مليار

ياهلا يا الغربي

صح لسانك ورحم الله خالك سفر بن حمد

وسفر فقيدتنا جميعا ونعم الرجل ولا يعوض فيه المال ولا غيره مع ان العفو يبقى من المستحبات في شرع الإسلام وهو ابتلاء وامتحان من الله سبحانة وتعالى وكذلك الحق يحق لأهله ان يأخذوه وليس في ذلك شئ . وسفر إبن عم وتعرفت عليه اكثر في حملة حج قبل عدة سنوات والشهادة لله كان رجل خلوق رحمه الله وعفى عنه واسكنه الجنة وجبر عزاء اهله فيه .


لاهنت يا الغربي .

لاحول ولاقوة الا بالله


أبدعت
أبدعت
أبدعت يالغربي بقصيدتك

تميز ليس بغريب على قلمك
صح لسانك ولا هنت

صح السانك الغربي
والله يرحم خالك
تقبل مروري

صح إلسانك يالغربي والقتل يا أخي الكريم بلوى من الله

فلا أظن أن يجوز لك التفاخر بأخذ الثأر هو تعدى حد من حدود الله

والله طهره بالسيف لعله عن ربنا أكرم منا فلا يجوز عليه الا الرحمه وأنا أخوك

ولا يجوز إنك تقول عنه خسيس وهو قد مات وسلامتك

أبيات قوية ومؤثرة جداً ..

اسأل الله العلي العظيم أن يرحم خالك ويجعل قبره روضة من رياض الجنة ..

وأن يغفر لمحمد الزهراني ويرحمه ويتجاوز عن ذنبه ..

سلمت أخوي الغربي ولا اراكم الله مكروهاً..

صح لسانك ورحم الله خالك سفر بن حمد
وجعله الله في جنت الفردوس

التشفاي يا ولد عمي ما هو طيب

الزهراني طهره الله من ذنبه بحد القصاص اللي شرعه الله

وخالك ما نطلب له إلا الرحمة والمغفرة ،،،

أغلب الناس إن لم يكن كلهم كانوا يريدون العفو والصفح

وأجر العافي أكبر وأعظم عند الله ،،، لكن بما أن أهل القتيل

طالبوا بحقهم الشرعي في القصاص ،،، فهذا حق لهم لا ينكره أحد

ولكن لا يجوز التشفي بأي حال من الأحوال ،، وعليك أن ترقى بقصائدك

إلى الأفضل وأن تضع مخافة الله بين عينيك وتتقيه وتحذر من زلات لسانك

الشاعر يرقى في قلوب الناس بما يذكر من طيب وبما يسمو به من أخلاق

وتتدنى منزلته أيضاً بما يزل به لسانه ،،،، فاحذر احذر احذر يا عيد ،،،

ولا تجعل للشيطان مدخلاً إلى قلبك ،،، وتذكر أن قتل خالك فتنة

فادع الله أن يجنبك الفتن ،،،،

الحمد لله على كل حال ونعوذ بالله من حال اهل النار
اخي عيد : صح لسانك والله يرحم خالك ويكفيكم من مصائب الدنيا
وكلام الاخ السلطان كافي شافي ياليت تاخذه بعين الاعتبار
وتعتبره صادر من اخ صادق وناصح امين يحب لك الخير وفقك الله
وتقبل تحياتي

لا ياعيد وانا اخوك مهما صار مايجوز هالكلام

وهذي وانا خوك بلوى علينا وعليهم .

ولا تنسى انهم مسلمين

وقدر الله ان يموت احدهم على يد الاخر

ولا يجوز على المسلم غير الرحمة

وتمنيت لو عفوا عنه لوجه الله كان افضل عند الله عز وجل

يا عيد لا تخلي للشيطان عليك مدخل وتعوذ منه ومن اعوانه

كل الود لك يا ابن العم