أنا ماغبت

.
.


السلام عليكم ورحمة الله وبركاته

يقولون لي وين انت غايب وانا ماغبت = واذا غبت طبع الحر يبعد مراميسه
يغيب الجسد ولا غلاكم بقلبي ثبًت = غلاً من صميم القلب فاق بمقاييسه
ابى اقول ويش اللي كبته بقلبي كبت = وابى افك صدري وافهقه عن محابيسه
انا ماسهجني غير همٍ سبتني سبت = لا هوٌد علي اللي جوني عواسيسه
اسوق القدم طوعٍ من السبت لين السبت = يوم ان القلوب الساليه خلي وونيسه
الا يازماني شاب راسي وانا ماشبت = وصبري معك طُول وطالت مراويسه
اجابه زمانٍ ماانثنى الراس منه وهبت = مجابه شجاعٍ باللقى متعبٍ عيسه
وزودٍ على همي غلا اللي غلاها نبت = بقلبٍ غلاها فيه غرسه وتأسيسه
نويت اتحاشى حبها مير منه انصبت = مثل قيس يوم ان الهوى مارحم قيسه
تتوب الخلايق كلبوها وانا ماتبت = عن اللي ذبحني بأرتماشة نواعيسه
من اسبابها يبطي صوابي وانا ماطبت = صوابٍ غدت من دون قلبي مقاويسه

سامي عايض الشدادي

حيّاك الله يالذيب

ومن جاء بمثل هذه القصيدة

ماغاب ، وان غاب شفعت له

صح لسانك ملاييين ودام تواجدك

تحيتي لك

حياك الله يا شاعرنا أبو عايض
واللي مثلك إذا غاب يُفقد وأنت غالي
والمنتدى منتداك ويحتاجك

صح لسانك ولا هنت
وأهلاً بعودتك

حياك الله شاعرنا
صح لسانك مليون ولايسدون
ع هـ القصيدة الجزله

صح السانك وقلبك مليون يابوعائض ابدعت بماء كتبت يالقرم
اعذب التحايا

صح لسَانك يَاسَاميّ
ولا هنتّ على هالأبيَات الرائعة

تحيتيّ.

.
.















وَ عَليِكْ سَلاماً وَ نوراً منْ ربُ كريِمْ
لَهُم الحَّقْ بِمَا قَالوُاْ يَ الحُر !!

وَ نحنُ أيضاً نُردد غآآآآآيِبْ كيِفْ لا وَ أنتْ
تَغيِبْ وَ تَحرمْ بحوُر القوافيِْ منْ هتَّانْ إحساسُكْ
وَ مَشاعِرُكَ الفيَاضَّة كَ الراقيَّة أعلاهـ ؟!

أَهلاً بِكَ حَّد الثُريَّا يَ كريِمْ حيَّ هَلا بكْ وَ حيَّ
مَاجبتْ صَّح الله البوُح وَ النَبضْ وارِفةُ زاخِرة
كَ المطّر فأهلاً بِكَ دوُماً وَ كفاكْ غيِاباً ’

حياك الله وبياك
وصح الله لسانك ملايين
شكري وتقديري