حنا بني الحارث

هذه القصيدة لأخوي الشاعر الكبير/ فهد رزيق الحارثي

بعنوان

حنا بني الحارث

حنا بني الحارث كوارث وعيال =سباع تشبعنا مخالب يدينا
جمره في تاريخ العرب عمرها طال =واليا بداء لازم شبابه بدينا
وقت الجهل حنا مجنن وجهال=وحريبنا يعطي الخلا لاعتزينا
أهل الشوائع في الوقائع والأهوال=بالسيف وضرب المشوك ضرينا
ووقت العقل حنا عوارف وعقال= نعزز مذاهبنا مع اللي يبينا
من طاح معداله فيبشر بمعدال= حجه بحجه وان قدرنا عفينا
الجار له في سلومنا قدر وجلال =ينزل غلا ولاشد يبكي علينا
تضربنا العراف في الجيرة أمثال=محسن مجير الذيب منا وفينا
والضيف لاجانا لقا فال وعقال=هبات ريح تنومس اللي يجينا
فاله قبالٍ زين ومعاقب دلال= وعقاله اسمانٍ وعذرٍ سمينا
وخوينا نفداه بالحال والمال=دونه نطحنا المكربات وثنينا
في الماقف الغصاب لامن حكم حال= يبشر بنا لامن بغانا لقينا
دخيلنا ياعنك في في وظلال=لو الهوى يرزاه منه اقتضينا
نقدمه في كل حال من الأحوال=ولا نوخره الا ليامن غزينا
هذي عوايدنا من سنينٍ طوال=دروب شيبانٍ عليها مشينا
أفعال ورثها لنا الجد والخال =العزوة اللي في حجاها ربينا
أقولها وكل القبايل لها أفعال =الطيب فيهم مثل ماالطيب فينا
مايجحد فعول الرياجيل رجال=والحق من قطاعته مااستحينا
يوم لنا ويوم علينا للأبطال=ومدام أخذنا فاعرف انا عطينا
ويالله يامنزل تبارك والأنفال=ياسامع دعانا ليامن دعينا
تمحق وتقطع دابر عيال الأنذال=مره وتجعلهم فدا الطيبينا

لا هنت على النقل الرااائع

صح لساان الشااعر

تقبل مروري

تركي

لاهنت على النقل الرائع سلمت يدينك

وصح لسان الشاعر حنا بني الحارث أهل الشوائع

نهار الوقائع وفقك الله

ا
خيال الشدادين الله لا يهينك
وتسلم عيونك على القراءه
وصح بدنك بالنيابه عن الشاعر
ولنا لقى اخر ان شاء لله

تركي *
بيًض الله وجهك على هذا النقل الرآآآئع والتذوق
الرفيع للشعر وصح لسان الشاعر فهد رزيق الحارثي .
دمتما بخير ,,,

السلام عليكم
اشكر اخوي تركي على نقل هاذي القصيده الجميله المحمله بروح البدوي
وعاداته وشجاعته وكرمه وحنا هل الشوايع نهار الوقايع قصيده تحمل
اسم شاعر ينثر قصائده من عقل ومعنى ماهب كل ماطراله حطها
قصيده تاخرت وانا اتمعن فيها ورايتها متماسكه وليست مبعثره
على العموم اشكرك اخوي

وصح لسان الشاعر/فهد رزيق الحارثي
ولا يهان ناقلها
اخوك/ولد جياش الاول