أعوذ بك يالله

بسم الله الرحمن الرحيم




(( بعض الرجال ))


.

يالله ياخالق عباده من الطين..=يامحصي نجوم" علينا مطله..
اعوذبك من كربة الهم والدين..=واعوذبك من عيشة" في مذله..
واعوذبك من وسوسات الشياطين..=الي على بعض البشر مستحله..
اهل الردى ومطففين الموازين..=الفاسدين اهل الفعول المخله..
الي فعلهم فالبشر يبكي العين..=كم فرقوا مابين خل" وخله..
جعل المنافق بالبلا قولو امين..=وياجعل بقعا عن بلدنا تشله..
هذا الزمن فيه العجب والعجيبين..=متغير" مثل اختلاف الاهله..
متغيره فيه الحكم والقوانين..=هذا الصحيح مثبته بالادله..
قد ثبتوه اهل الحكم بالبراهين..=وانا على حسب الضروف المحله..
صنفتهم حسب الفعل بالعناوين..=حسب الصفات الوارده والمدله..
احد" على روس القراب الموالين..=يشتال سيفه من رداه ويسله..
وخيره مثل وبل المطر للغريبين..=هذا ردي يبقى الردا في سجله..
واحد" معك عز الخوي حزة اللين..=عند الحكي ماحدن يحل بمحله..
وعند العسر خله يسار ورح يمين..=وان كان تقدر تبتعد عنه خله..
واحد"تشوفه تحسبه من هل الدين..=ولسانه اطول من رشا مضمحله..
دارج على الغيبه ومشيه بوجهين..=طعنة لسانه مثل طعن المسله..
واحد" قعد لاهو بونعم ولاشين..=يتعبك واهدافه على كل مله..
خبل" موصا في يدين الموصين..=معهم عليهم ماحسب كل زله..
عزي لحاله عايش" صفر الايدين..=وليا نصحته مادرى وش تقله..
منهم كثير وجعلهم من ورا الصين..=في مقطع' حتى الهوا مايصل له..
ناس المراجل عندهم بيت دورين..=والا رصيد وجيب لكسز وفله..
هذي مهازل والهزل للهزيلين..=لان المراجل في نجم مستقله..
كم من غني" في رصيده ملايين..=ومن جاه ناصي حطمه واستغله..
ان ماكسر نفسه عقد بالحجاجين..=والا احرجه زاده على الطين بله..
وكم من فقير" ماملك غير شاتين..=من جاه يبشر لو بغى البيت كله..
المال ياهل المال مفتاح بابين..=ان ما نفع راعيه والا يذله..
الا رجل يجمع على المال ثنتين..=جود ونبا يلقاه من جا محله..
هذا الصحيح ومابقى غير بيتين..=حقيقة" ماهي مقالة مجله..
الناس مقسومه بالافعال قسمين..=وكل" حسب عقله ورشده يدله..

		المشاركة الأصلية بواسطة : اقتباس
	المال ياهل المال مفتاح بابين.. ان ما نفع راعيه والا يذله.. الا رجل يجمع على المال ثنتين.. جود ونبا يلقاه من جا محله..

أجزلت وبيض الله وجهك .
صح اللسان وارتقى البيان .
لاهنت وقواك الله .

صح بدنك اخوي الطاري اشكرك على المرور الراقي واشكرك على التنسيق

النـاس مقسومـه بالافعـال قسمـيـن..وكـل" حسـب عقلـه ورشـده يـدلـه..

صح لسانك وتسلم على الوصف والتفصيل
لا هنت

صح لسانك يا شاعرنا
لاهنت على القصيدة الجزل

صح لسانك شاعر جزل
وحضور له مكانته عند الجميع

.





جِعلْ المنَافِقْ بِالبَلا قوُلوُا آميِنْ !
جِعلْ المنَافِقْ بِالبَلا قوُلوُا آميِنْ !
جِعلْ المنَافِقْ بِالبَلا قوُلوُا آميِنْ !
آميِنْ . . آميِنْ . . آميِنْ . . آميِنْ

قَصر القَصيِد . . مَلحمّة شِعريّة بَاذِخّة وَ الحيَاة مَليئّة
بِـِ/ تِلكَ الأَصنافْ وَ المُتوُشحيِنْ أَوُشِحّة الغيِبّة وَ النِفاقْ
وَ الوُجوُهـْ المُتعدِدّة لـِ الأسّفْ وَ كأنهَا بَاتتْ ( موُضّة )
أَعَاذنا الله وَ إِياكُمْ !

قَافيّة شبيِهّة بإِنسِكَابْ العَذبْ الزُلالْ
هَنيئاً لِما يبوُح بهِ الإِحساسْ منْ تعابيِر ممَزوُجة بـِ بواقِع الحيّاة
صّح الله النَبضْ وَ لا هِنتْ وَ أَهلاً تَسموُ لـِ عوُدتكْ يَ فاضِلْ .



# إِعتلّتْ حيثُ الغيِمْ وَ وَشحّتْ بـِ التميُز

لله درك

وصح لسانك


ملايين

		المشاركة الأصلية بواسطة : الحــ يــاسـرـارثي اقتباس
	النـاس مقسومـه بالافعـال قسمـيـن..وكـل" حسـب عقلـه ورشـده يـدلـه.. صح لسانك وتسلم على الوصف والتفصيل لا هنت

صحب بدنك اخوي ياسر شرفنب مرورك

		المشاركة الأصلية بواسطة : خيال الشدادين اقتباس
	صح لسانك شاعر جزل وحضور له مكانته عند الجميع

ارحب اخوي الغالي خيال الشدادين. .. صح بدنك لاخلا ولا عدم