..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الشعبية > القصص الشعبية والتاريخية
  [ 1 ]
قديم 08 Aug 2007, 03:24 PM
عضو مرشح للإشراف

فيصل الشدادي غير متصل

مـجـمـوع الأوسـمـة : 3
عضو مخلص

العضو المميز

الحضور المميز


تاريخ التسجيل : Apr 2007
رقم العضوية : 2497
الإقامة : saudi arabia
الهواية :
المشاركات : 4,804
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
سالفة زيد وغريسة وأخوها عامر



يقول الراوي يا سادة يا كرام
,,
,,
(((يقولون ان هالسالفة احصلت في قبيلة بني هلال اللي كانت لها السلطة في نجد كلها مبطي يعني قبل السبع مية الى الثمان مية سنة
وفي جنوبي نجد من صوب جرف عليا. وغريسة هذي بنت من بني هلال
هاوت لها واحد اسمه زيد (يوم الهوى يا عيالي على وضح النقا :rolleyes: ولا فيه من علوم الردى شي) ..يقولون وانه بغى يتزوجها وعيا اخوها عامر واحجروها بني عم لها عن زيد .وجاه البلا والجلا من هواها .وما خلى شي ما جربه معهم من علوم الطيب على شان يتركونها له وعيوا .
والبنت هي بعد مهاوية زيد .ويقولون .يوم زيد ضاقت به الدنيا نوى يترك ديرتهم ويشد عنهم بعيد .ويوم الغريسة درت ان زيد بيشد شديد ما عقبه رجعة .ضاقت على غريسة الدنيا .وقالت لرفيقة لها ..تشوّفي لزيد مع اهل الخيل
فإلى شفتيه شافك فقولي
يا غرسة في الوادي
............. عليك ليلٍ بادي
وهذا كان تلغيز لزيد (إن حبيته الغريسة تحتريه في الوادي الى جاء الليل على شان تسلم عليه قبل يشد عنهم )
ويقولون ان رفيقة غريسة يوم قالت ذالكلمة كان به شايب يسمونه (الأوقيشر) يقولون انه فطين وخبيث في نفس الوقت ..يعني يحب يشب الفتنة .ويوم سمع كلام رفيقة الغريسة فهم قصدها .
وهو يروح يعدي لين اقبل على اخو الغريسة اللي اسمه عامر ..ويوم قرب منه قال:
الغرس ذالليلة صرامه
,,,,,,,,,,,,,وعامر يلوسب في العمامة
(يعني ان الغرس بيقطع ثمره في هالليلة والغرس هو غريسة .وعامر يلوسب في العمامة يعني انه غافل ما يدري وش صار في غرسه)
ويوم سمع عامر كلام الاوقيشر ارتاع ودرى ان الاقيشر يقصد بالغرس شي تحت حكمه ..وقال للاوقيشر بيّن وش مغزاك؟ ..وقال الاوقيشر :برّق في اللي وراك .
ومشى الاوقيشر ..وعرف عامر ان القصد اما مرته والا اخته ..
وجلس طول الليل متغطي بالعمامة وهو ما نام .لين سمع صوت شي وراء رواق البيت وقام يتتبعه (والى هي الغريسة رايحة تبي تسلم على زيد )
ويقولون :يوم واجهت الغريسة زيد كل منهم بكى ..الى مير عامر مدركهم بسيفه وهو يذبح زيد وهو ياخذ اخته ويربطها ..وياخذها بعيد عن العرب في هضبة فيها مثل الغار وهو يقطع رجلها ويخليها مربطة في الغاار
ويقولون انه صار من القهر كل يوم يركب فرسه ويجيها في الغار ويسقيها ماء على شان ما تموت ويقطع عضو من اعضاء جسمها ..
وجلست على ذالحال ايام ويوم جاء عقب عاشر يوم الى هي ميتة وكاتبة بدمها على صفاة الغار القصيدة هذي:

قالت غريسة زينة القول والنبا=فجاني زماني والمقدّر دهانيه
تهاويت مع زيد وطابت ليالنا =ثمان سنين في طرابه وامانيه
هاواني وهاويته على الونس والهوى=وقطفنا ثمر ما لاق والنفس فانية
سقاني شراب من ثمانه وانا بعد=سقيته شراب صافي من ثمانية
يا ليت زيد طاعني يوم اقول له=اسر وكل الناس في النوم هانية
ولا طاعني والامر ما فيه حيلة=غشا زيد حلو النوم وانا غشانيه
ولا انتبهت ألا ان زيد ضحية=نعيته ولو هو حيٍّ نعانيه
ولما اقطعوا رجلي تراكيت بالعصا=على جال قبره قلت ما جاه جانيه
وبعد اقطعوا الاخرى تدربت جثّّتي=على قبر زيد وقلت هذا مكانيه
الى مت ما سايلت عن وابل الحيا=ولا من حفر قبري ولا من نعانيه
عفا الله عن زيد عشيري ذنوبه=ولو هو عصاني يوم اقول إسر ثانية
محا الله عن زيد عشيري ذنوبه=ولو كان في حوض المنية رمانيه
يا حافر للقبر وسّع جوانبه=على جانبٍ من زيد لا تبعدانيه
المقصد اني ما اقوله بخاطري=ابي الى جاء الوبل زيد سقانيه
أوصّيك يا نقر الصفا لا تغرّني=ان جو عريبٍ واردين شنانية
يا مدوّر زيد ترى زيد عندنا=ذبيح العمر هذا سبب كل جانية
اخوي عامر يعطي القوم عمره=شجاع وياما من نهار حمانيه
مثل عامر توسم به الإبل والغنم=وزيد كفى عن ربعي الا ثمانية
ابوي وأخوالي وعمي وعزوتي=وذبح الشفايا في عشيري هنانيه

يقولون يوم عامر قرى ابياتها اللي كاتبتها بدمها قبل تموت
وقرى بيتينها اللي تمدحه فيها انه غشي من الندم ومن الحزن
وتندم على انه ما زوجها لزيد على سنة الله ورسوله
ويقولون انه حارب الطعام والمنام وقم اسبوعين لين مات حزن على اخته)))
انتهى كلام الراوي


رد مع اقتباس
قديم 08 Aug 2007, 04:49 PM [ 2 ]
نائب المشرف العام


تاريخ التسجيل : Mar 2005
رقم العضوية : 106
الإقامة : saudi arabia
مواضيع : 478
الردود : 33237
مجموع المشاركات : 33,715
معدل التقييم : 25عبدالله الشدادي is on a distinguished road

عبدالله الشدادي غير متصل




اخي قرقوش مشكور على القصه الجميله


الله يعااافيك ولاهنت اخي العزيز


توقيع : عبدالله الشدادي
الأعلى رد مع اقتباس
قديم 21 Aug 2007, 12:50 AM [ 3 ]

تاريخ التسجيل : Dec 2005
رقم العضوية : 754
مواضيع : 12
الردود : 174
مجموع المشاركات : 186
معدل التقييم : 25ولد الأمس is on a distinguished road

ولد الأمس غير متصل




تسلم اخوي ويعطيك العافيه

توقيع : ولد الأمس
الأعلى رد مع اقتباس
قديم 22 Aug 2007, 01:00 AM [ 4 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 2071
الردود : 91524
مجموع المشاركات : 93,595
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ




من أعجب السوالف أخوي قرقوش

فالقصص الشعبية مليئة بالكثير من الغرائب

وفيها تتجلى أصالة الإنسان العربي وتظهر صفاته ومثالياته

شكراً لك يا قرقوش


توقيع : السلطان
الأعلى رد مع اقتباس
قديم 22 Aug 2007, 01:13 AM [ 5 ]

تاريخ التسجيل : Jan 2007
رقم العضوية : 2131
مواضيع : 44
الردود : 213
مجموع المشاركات : 257
معدل التقييم : 25خوي الذيب is on a distinguished road

خوي الذيب غير متصل




هلا والله بالغالي قرقرش
ذي القصة تذكرني بشايب قصها علانا قبل 10 سنوات

مبدع أنت دائماً كما عهدناك .. الله لا يضرك ..

.. حتى والله يوم قريتها أقول الله ياذيك الأيام.. .. والله لأدرعم دايم على الإبداعات الأدبية الي تكتبها.... والدرعمة مستمرة


أحلى تحية لك يالغالي.. وأجمل سلام.. ولا تحرمنا من طلاتك ..

--------------------------------------------------------------------------------

الأعلى رد مع اقتباس
قديم 26 Aug 2007, 04:06 PM [ 6 ]
عضو مرشح للإشراف


تاريخ التسجيل : Apr 2007
رقم العضوية : 2497
الإقامة : saudi arabia
مواضيع : 193
الردود : 4611
مجموع المشاركات : 4,804
معدل التقييم : 25فيصل الشدادي is on a distinguished road

فيصل الشدادي غير متصل


مـجـمـوع الأوسـمـة : 3
عضو مخلص

العضو المميز

الحضور المميز




عبدالله الشدادي

مراقبنا القدير مرحبا بكم ولكم باك واحلي عوده للمنتدي

بعد غياب والله يعافيك



ولد الامس الله يسلمك من كل شر



السلطان استاذنا الغالي الله يسلمك يالغالي


خووي الذيب يامرحبا ترحيبه كلها لك


تسلم ياذييييييييييييب علي الرد


الأعلى رد مع اقتباس
قديم 24 Oct 2007, 10:02 AM [ 7 ]


تاريخ التسجيل : Oct 2007
رقم العضوية : 4022
الإقامة : saudi arabia
الهواية : كل شيء
مواضيع : 744
الردود : 18733
مجموع المشاركات : 19,477
معدل التقييم : 325بندر النايف is a jewel in the roughبندر النايف is a jewel in the roughبندر النايف is a jewel in the roughبندر النايف is a jewel in the rough

بندر النايف غير متصل


مـجـمـوع الأوسـمـة : 12
المشاركة في الاحتفالية السنوية

الكاتب المميز

التواصل

يوميات رمضانية

المشاركة في احتفال المنتدى

عضو مخلص

وسام أفضل تقديم للسفرة

فعالية أين الكرة؟

التواصل

العضو المميز




قرقووش أختلف الروااه على هالقصه ما مات عامر مانع نفسه من الأكل او نادم يقولون
إن أهل زيد راحو يبحثون عنه وكانوو يعرفوون حبه لغريسه وقرو القصيده ولحقوو اهلها وذبحوو عامر واخوانه وابوه ثأر لزيد والله أعلم ولك جزيل الشكر بعد الله .

تقبل تحياتي


توقيع : بندر النايف
.
رحـــمكِ الله يا أمي وجعل الجنة مثواكِ
الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
بني عامر بن صعصعة .. زعامة قبلية كبيرة ذيب مضر القبائل العربية 8 08 Apr 2023 01:51 AM
عامٌ جديد ..! شجــــــــــون مرافئ البوح 14 08 Jan 2009 01:45 PM
حديث الرسول مع عامر بن ربيعة مشعل سليم منتدى خير البشر وخاتم الرسل 8 19 Nov 2008 05:11 PM
مغاط عامر المستحيلة القصص الشعبية والتاريخية 32 04 May 2008 10:01 PM
بني عامر بن صعصعة وبعض القصائد الفخر . ذيب مضر القبائل العربية 3 17 Nov 2007 03:59 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

11:35 AM
Powered by vBulletin® developed by Tar3q.com