أبيك الحِين تِرجَع لِي .. ولا تِرجَع تخليني

.
.
//
.
.

:
//
:
تِصَدِّق وإلا ما تِصَدِّق .. أنا عَاجِز عَن التفكير
تعَال وشُوف في عينِك غِيابك وش عَمَل فيني
حبيبي ما بُقى عِندي صَبر .. يتحَمَّـل التأخير
رَحَلت .. وعِقبك الدنيا غلاها طاح مِن عيني
أجَاوب اللِّي يسألني عَن أخبَاري وأقول بخير
وأنا لا خِير بغيابك .. ولا حَاجَه .. تهنيني !!
على طاريك كِل لحظه .. ولا أحتاج للتذكير
حَريص القلب ما ينسَى عيونِك , لا توصيني
مَحَد يِقدَر يعَوِّضنِي لأنِّك .. في عيُوني غير
ومَهمَا شِفت أنا الفرحَه .. بدونِك ما تسليني
أنا خِنتِك .. وهالغلطه حبيبـي ما لَهَا تبرير
علاقة حُب مَجنُونَـه .. ما بين أحزاني وبيني
وكيف الحَال وشلوني .. جَوابٍ ما يَبي تفسير
بدونِك إنت , ما تِضحَك حَياتي وترمِش سنيني
مِثل شَاعِر عِجَز يوصَف شعُوره وخانه التعبير
أنا ضايع .. ولا أدري مِن فراقِك .. أنا ويني
مِثل طيرٍ كِسَر بُعدِك جَناحَه وما قِدَرت آطير
أحَاول أبتِسِم وأنسَى ولكن وش ينسيني..؟!
أشُوفِك في صباحي إنت مَعنَى يا صباح الخير
وأشُوفِك في مَسَائي حِلم وردي .. لا تصحيني
تِصَدِّق .. السَهَر يَرسِم عيُوني ويتقِن التصوير
ويشِق النُور في صفحة حياتي .. وما ألاقيني
أنام شلون ومشكلتي عِجَزت ألقى لَهَا تدبير
طِلَبت النُوم .. لحظاته وعيَّى النُوم يعطيني
تِغيَّر وجهَي .. مِن أوَّل غيابك وإبتِدَى التأثير
حبيبي .. مِنْ التَّعَب كافي خذيت اللِّي يكفيني
يا أغلى مِن رَحَل عنِّي يا كِل الحُب والتقدير
تعَال: إن كان لِي عِندِك مَعَزَّه وكان تغليني
تعَال: إن كِنت تعشقني وإذا فِعلاً تبي لي خير
تعَال: ومِد لِي .. كَف الوَصِل .. وآمِد .. كَفيني
إذا كان الجِفا واجِب بدى مِن قلبي التقصير
أبيك الحِين تِرجَع لِي .. ولا تِرجَع تخليني
أنا ما أقول اللِّي صَار فِيني ما هقيته يصير
لأنِّي كِنت .. ( مِتأكِد ) .. بأنَّ البُعد ينهيني
:
//
:
اع ـذب التح ـآيآآ

صح لسان شاعرهااا

اختي ألماسة تسلمي على اختيارك

وذوقك الرااائع

دمتي بود

صح لسان الشاعر وسلمت يداكِ على النقل وإختيار جميل

وذوق أروع ألمـاسـه دمتِ بخير دوماَ ..!

رووووووعه بمعني الكلمه

وكلمة روووعه لا تفيها بحقها

كل بيت احلى من الثاني وكل كلمه اجمل من الآخرى

صح لسانك وعلا شانك

ألماسة حساسة

دمتي مبدعه

الله الله يا ألماسة

أشهد إن اللي يحب يعشق واللي ما يحب ما يعشق

ذوق واختيار من أروع الاختيارات وبصراحة ما هو غريبة

على مثلك من أصحاب الذوق الرفيع

تسلم يديك ويسلم ذوقك أختي

صح السانك وصحت اناملك
شكرا لك يالماسه على هاذي القصيده الجميله نتمنى لك التوفيق ..

تقبلي تحياتي

الله يسلم كل من مر ورد

لكم مني ازكى باقات الورد

مغلفة بالحب والود

ثنائي

اختيار في قمه الذووق

تسلم يدينك ياذوق والله يعطيك العافيه

كوني هنا فنحن في انتظارك

تحياتي الغربي

الغربـــي

تسلم والله الله يخليك

اخجلتني كلماتك

لك الود

قصيده جميله جداً...

صح لسان قائلها وناقلها ,,,

عساكـ ع القوهـ...