ياسعود توك شباب وتلبس الغتره....؟؟؟!!!

الله يصبحكم بالخير

بعد ماشفت سعوود بن سليماان في الجريده البحرينيه

قلت خلنا نمزح مع استااذنا وشاعرنا الكبير ابو طارق

وانا اموون عليه وودنا نكسر الروتين الي متعودين عليه


واعذرني عن القصوور

وترى ماتعمدت القافيه جتني تلقائيه وانت قدها يابو طارق

.
.
.

ياسعود توّك شباب وتلبس الغتره = وانا احسب انك كبر جدي يابوطارق!!!
والاّ ان صورتك هذي جا لها فتره؟؟!! = واليوم طلّعتها من عمرك الشارق!!
ياسعود عمرا مضى دندن على وتره =راح وقضى... واحترم ذكاءك الخارق
ماهوب ينفع له التصوير والهتره = لامات قلب الشجر مايطلع الوارق
الشيب ياسعود لو حاولت في.. ستره = يبين مثل الظلام ولمعة البارق
والعقل يثّر علية الكبر والختره * =وما عااد نشره على الختيار والمارق
والوقت دوّار وهمومه على تتره=وتطول الاعمار وتقصّر لك الفارق
روّح ببلقيس والحقها كلوبتره =وحنا على دربهم رحال ومفارق
ياسعود ..شاعر بحر.. وتقوّي الفتره = ومن غاص غبات بحرك موتته غارق
حبيت اسولف معك واشتّت القتره = وانته تسولف عليّ ونرفع البارق
روتيننا ودنا نستعجل ب.بتره= ونحاكمه مثل ما نحكم على السارق

.
.
.
الرهــــــــــــــــــــــاوي

ههههههههههههههههههههههههههه

طبعا هذا الشاب اللطيف سعود بن سليمان
7
7
7

		المشاركة الأصلية بواسطة : الرهاوي اقتباس
	روّح ببلقيس والحقها كلوبتره =وحنا على دربهم رحال ومفارق ياسعود ..شاعر بحر.. وتقوّي الفتره = ومن غاص غبات بحرك موتته غارق .

صح لسااانك مليووون يالرهاوووي

عز الله انك شاعر متنوع ومتمكن في جميع مجالات الشعر

<<<< سقها لاتجيك قصيده هجاء ههههههههههههه

لاهنت يالنشمي ^_^

هههههههههههههههههه ابو زلف

الله يرجك ياشيخ مداخلتك رهيبه ههههههههههههه

صح بدنك ملياااااار ولاهنت يابعد قلبي

واشوف رجلك خااافه اليومين هذي على المنتدى الشعبي

ما ودك تسوي لنا قصيده زلفاااويه هههههههههههههه

اخوي

الرهاوي

ياسلام عليك

ياسهير الليل

ههههههههههههههههههههههه

طيب ياخوي بادر وحط صورتك خلنا نشوف شيبتك

وخاصة انك ماقلت لنا اسمك ووعد الحر دين عليه

امتعتنا بهالقصيدة الجزله الله يسعدك

صح لسانك والله يعطيك العافية

ودمت

صح السانك يالرهاوي

كثرة عليك الطلبات بالأفصاح عن أسمك واليوم مطالب

بتنزيل الصور التي قبل المشيب كان الله في عونك


أرق التحايا

		المشاركة الأصلية بواسطة : الرهاوي اقتباس
	الله يصبحكم بالخير بعد ماشفت سعوود بن سليماان في الجريده البحرينيه قلت خلنا نمزح مع استااذنا وشاعرنا الكبير ابو طارق وانا اموون عليه وودنا نكسر الروتين الي متعودين عليه واعذرني عن القصوور وترى ماتعمدت القافيه جتني تلقائيه وانت قدها يابو طارق . . . ياسعود توّك شباب وتلبس الغتره = وانا احسب انك كبر جدي يابوطارق!!! والاّ ان صورتك هذي جا لها فتره؟؟!! = واليوم طلّعتها من عمرك الشارق!! ياسعود عمرا مضى دندن على وتره =راح وقضى... واحترم ذكاءك الخارق ماهوب ينفع له التصوير والهتره = لامات قلب الشجر مايطلع الوارق الشيب ياسعود لو حاولت في.. ستره = يبين مثل الظلام ولمعة البارق والعقل يثّر علية الكبر والختره * =وما عااد نشره على الختيار والمارق والوقت دوّار وهمومه على تتره=وتطول الاعمار وتقصّر لك الفارق روّح ببلقيس والحقها كلوبتره =وحنا على دربهم رحال ومفارق ياسعود ..شاعر بحر.. وتقوّي الفتره = ومن غاص غبات بحرك موتته غارق حبيت اسولف معك واشتّت القتره = وانته تسولف عليّ ونرفع البارق روتيننا ودنا نستعجل ب.بتره= ونحاكمه مثل ما نحكم على السارق . . . الرهــــــــــــــــــــــاوي

حسبي الله عليك يالرهاوي

ما أدري أنت ليه مصر على أني
شايب!!

ترى الصورة حديثه... لها ثلاتة شهور فقط

وأنا شباب ياشيبة عرر
واللي ماهو مصدق
يسأل أثنين من مشرفينا الأفاضل
متعشي معهم وسهران أنا وياهم
قبل أقل من شهر
وهم
جزاء دهيس
وأبو نايف مشرف المنتدى الأسلامي
وأنشاء الله يدخلون وينصفوني منك..
أسآل أبو نايف ماقدرت أمشي
فالشارع من كثر المعجبات

لي عودة ياسنين القرود

صح لسان يالرهاوي على القصيده

الجزله بما ان ابو بندر دخل في موضوع

الافصاح عن شخصيتك ووعدك لنا في موضوعك الشهير

نستغرب منك فعلآ عدم الوفاء بوعدك وامام جميع اعضاء المنتدى

ولم تتطرق الى الموضوع هذا بعد ان حاول السلطان تذكيرك في الوعد

تجاهلت رده ولم تعلق؟؟؟؟

على العموم الموضوع انت حر فيه لكن لاتوعد الناس وتخلف وعدك !!

صح لسانك يالرهاوي قصيده جزله من شاعر جزل وفي انتظار رد ابو طارق

صح لسانك اخوي الرهاوي

		المشاركة الأصلية بواسطة : اقتباس
	أسآل أبو نايف ماقدرت أمشي فالشارع من كثر المعجبات

هذا حق اخوي ابوطارق و عينك عليك بارده والله يخليلك شبابك

ماخليت لشباب شئ

صح لسانك يالرهاوي
قصيدة خطيرررررررررررره مره
بسم الله ماشاء الله عليك
تحياتي لك ...