آخر 10 مشاركات |
مختارات | التجربة : الاسم الذي يطلقه الجميع على الخطأ |
|
||||||||||||||||||
بمناسبة زواج الشاب عبدالله بن سعود بن دغيليب
بمناسبة زواج عبدالله بن سعود بن دغيليب سائلين الله له التوفيق والسداد والحياة السعيدة يا مرحبا عد نو ٍحاز بخياله=خيل خياله وسيله بالوطن سالي في دار من يكرم اللافي إذا جاله=يلقون كلمة هلا والحق ينقالي ويلقون بن وهيل يصب بدلاله=وصينية وسطها خرفان وجمالي من هاجس بالمعاني زانت أمثاله=وهي منول مقفلة بالأقفالي سعود يا طيب وقفاته ومنزاله=من عزوة ما تحسب روس الأموالي ابن دغيليب حاز الطيب وانتاله=اخذه غصب بالشجاعه والتبهلالي والطيب ماروث من عمه ومن خاله=ومن غير شارع علاثه طيب الفالي جدانه اللي نهار الضيق عيّاله=الخصم عنهم يعود سامح البالي عيّال لو انهم ماهم بعيّاله=الخصم عنهم يعود داله سالي شجعان للحبل عقاده وحلاله=والعد ماياردونه غير بحبالي ومروي نجر للمراجل يرخص رياله=على المراجل لبس له بشت وعقالي رجلٍ كريم وشجيع وبانت أفعاله=وناسب رجالٍ يحبون التجمالي وعبدالله سعود حظ الطيب يبرى له=عز الله إنه كسب له منسبٍ غالي عسى الله يوفقه ويوفق أمثاله=النادر اللي طلع في المرقب العالي من الشدادين ربعٍ تكسب القاله=كسابة الطايلة في كل الأحوالي ان جا نهارٍ تشيب العين بأهواله=يجيك فزاعهم رجلي وخيالي يالربع قوموا ترا الأحوال حواله =تبدل الحال من حال إلى حالي ولكيف يحرم على الرجال فنجاله=إن كان ماجا لكم مخرج ومدخالي تكاتفوا في جنوب الدار وشماله=قدام موج البحر يصفق على الجالي وأنتم رياجيل للصعبات شياله=في صفكم لايجي كاذب ومحتالي اخذوا حذركم ترا الأيام مياله=سود الليالي بها ميل وتعدالي من صد عن درب ربعه عزي لحاله=قعد يصفق يدينه في الخلا الخالي ومن راح مع درب ربعه زانت أعماله=وموفقٍ خير في الإقفا والإقبالي وسعود كفى ووفى والسعد فاله=يا جعل له في جنان الخلد منزالي الشاعر / عبيد بن سلطان الشدادي
|
19 Jan 2014, 05:59 PM | [ 2 ] | ||||||||
مؤسس شبكة الشدادين
|
رد: بمناسبة زواج الشاب عبدالله بن سعود بن دغيليب
ما شاء الله تبارك الله كفو والله يا أبو عيد راعي واجب ووقفات ويستاهلون ربعك كل خير ولا هنت وصح لسانك |
||||||||
|
|||||||||
19 Jan 2014, 06:03 PM | [ 3 ] | ||||||||
|
رد: بمناسبة زواج الشاب عبدالله بن سعود بن دغيليب
صح لسانك
واعتلى شانك ولاهنت شاعرنا على القصيدة الجزلة |
||||||||
|
|||||||||
26 Jan 2014, 06:45 PM | [ 4 ] | |||||||
<img border=
|
رد: بمناسبة زواج الشاب عبدالله بن سعود بن دغيليب
سلمت الآيآدي يآرب يعآفيك ربي لآهنتِ لكِ ودي وشكري |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|