وداع الاصحاب

الاخوة الا عضاء والزوار
السلام عليكم ورحمة الله وبركاته
هذه مجارة لقصيدة الشاعر والاخ/عبدالله الشريف امل ان تحوز على شي من اعجابكم

الهاجس اللي بعد غيبة جاني=يامرحبا مليون لو عناني
مدامت اتعابه علي مخلوفه=حتى ايش لو باخذ سنه سهراني
الاحي الهاجوس ويلاحيني=يالاحي ياملاحي ويا ليحاني
الشعر سبك وحبك وزن ومعنى=ماهو كلام وصفصفة قيفاني
والشعر خلد له اسامي واجد=والذكر للانسان عمراً ثاني
لاصار لاغنيت مايسمع لك=احسن تريح واترك الاوزاني
والشعر عداً واردينه واجد=ولاكل من ورده صدر روياني
والشعر اما ورث والا وهبه=وانا ورثت الشعرمن جداني
ورثته من ابوي وارث جدي=وابوي عبدالله ورث فيحاني
يعني عروق الشعر في جديه=ودم القصيد يسير في شرياني
والشعر يكتبني ليا جاء موقف=وانا اكتبه في معظم الاحياني
والبارحة شعري كتبني قصة=قصة غرام وشوق من وجداني
ماهي بقصة حب رجلاًوانثى=مالي ومال مطارد النسواني
لا والله الا حب ربعي الحرث=حباً يفوق الوصف والتبياني
هم محزم الصامل وعصبة راسه=وهم مسنده لاشتدت الازماني
احبهم حباً كثيراً جدا=ولا مت برث حبهم ورعاني
واروح واعود على شايبنا= ياحبني حباه للشيباني
بو رايد اللي طيبات فعوله=ذكره يشرف طبلة الاذاني
ماهي غريبة يوم ذكره طيب=مادام ابو رايد ولد عثماني
وقتاً جمعنا معه بيفرقنا=والزود مردوده على النقصاني
كل اجتماع يصير بعده فرقا=ولا كل فرقا تجمع الخلاني
ولا كل فرقا لاحصلت تبكيني=الافراق الطيبين ابكاني
امثال ابو رايد عريب المجنى =والحرث الشيبان والشباني
ياربعي الحرث طويت عفوشي=بخلي طرفي منكم ومن نجراني
والمعذرة لاصار مني زله=لاخطيت فالله يلعن الشيطاني
تمت بيوتي والسلام اختامي=وصلى الله وسلم على العدناني
عبدالله الشريف=

اول كلامي طلبة الرحماني = الواحد اللي موجد الانساني
يارب عفوك ياكريم ويالله = من دورةالايام لا تبلاني
البارحة مرت عليه ليلة = وهليت عبراتي من الاعياني
وجريت صوتي ما حدا يوحيني =وسريت هاجوسي وهو سراني
وسبحت في شاط الشعر وبحوره= واخذت منه اللوؤل والمرجاني
اليا بغيت الشعر اشد بيوته= واليابنيت اجود البنياني
اعسف بيوت الشعر واغنيها= واليا بغيت القاف ما يعصاني
والشعر موقف والمواقف واجد= وبعض المواقف ما تثير اشجاني
بعض المواقف عابرة ما تثر = تمر مثل العج والدخاني
وبعض المواقف موجعة وصعيبة =وتجدد الماضي من الاحزاني
تبقي معي طول الزمن ما انساها = اذكر مواجعها مع نسياني
فرقا النشاما موجعة في الخاطر= ونيراها وسط الحشا تصلاني
وانا تهيض خاطري من قافا = للشاعر اللي يحكم القيفاني
قصايدة ينقش بها في صخرة =غطى على قصايد الهزاني
غنا الشريف وقلت اجاري قافه = ابو فهيد القرم زبن الجاني
واجاوبه عن ربعي ابن الحارث = اللي لهم فعل الشرف عنواني
اللي مدحهم واشهد انه صادق= يثبت كلامه فعلهم لا باني
وهو مخاوينا بعز وقاله = انا اشهد انه من حساب اخواني
تفخر بمعرفته جموع الحرث = اهل قيا والصور مع ميساني
اصله شريف من ال بيت محمد = وصى الرسول بحبهم من داني
وش عاد رجالن عرفنا فعله= يالله عسى يفدونه الردياني
كنا على وضح النقا في صحبة= ودار الزمان وفرق العرباني
كلن نقل ديرة وودع ديرة = بلوي الزمان موادع الصدقاني
ياربعنا والوقت هذا حاله = تصبروا في ذا الزمان الفاني
وختامها صلو على هادينا= اللي بدينه ختّم الادياني
سعد العضياني=

لله درك من شاعر ودر الشريف

هذا القصيد الراقي وهذا الابداع

غير المسبوق ... يعني صوت وصدى

زادا من الق قسم الشعر ...

صراحة لم أكن سعيد أن يكون شاعر المنتدى

ليس له مشاركات شعرية في المنتدى .. وقد سئلت عن ذلك،

ولكن الان أقول بكل وضوح .. أنت الاحق والاجدر بشاعر المنتدى ..


مع أحترامي للمبدعين الذين نافسوك ...


لقد أنصفك التصويت والتحكيم المنصف .. وفزت بجدارة وأستحقاق..


سعد العضياني ... مبدع بمعنى الكلمة ...

سجل أعجابي هنا !!

وصح لسانك مليارررررررررررررر

وسلامتك ...

سعد العضياني
صح لسانك وصح لسان الشريف
ابدعتوا بارك الله فيكم ولاعدمناكم يالنشاما
وتقبل تحياتي

صح لسان الشاعر عبدالله الشريف

وصح لسانك أخوي سعد محاورة رائعه

وأبدعتم فيها وطرقتم جميع ألوان الشعر القيم

راااائعه ياسعد من قلب اقولها مافيك حيله

وصح لسانك مدد

تحيتي

سعود بن سليمان
مرورك شرف وكلامك وسام ودافع معنوي لتقديم الجديد والقديم
من روس بنيوس
صح بدنك ياغالي ومرورك زادني شرف
البرنس
صح بدنك يالمراقب الغالي
عبدالله الشدادي
هذا من طيبك وطيب معدنك

ببيض الله وجيهكم كلكم
وصحت السنتكم


ولا هنتوو

الله وأكبر

قصايد عصاميات من أجمل الشعر

صح لسان الشريف وصح لسانك ياسعد العضياني

بس ودي تعلمني أنت من اي العضاوين؟

الله الله يا شاعر المنتدى

قلت وأبدعت ونظمت وما قصرت

عبدالله الشريف المعروف شاعر كبير

وأنت أيضاً شاعر لا يشق لك غبار

سلمت وسلم غاليك

يعطيــكـ العـافيــه ومـاقصــرت أخـوي على هـالقصيــد الجـــزل

بيــض اللـــه وجهـــكـ ولاهـــنت

ننتظـــر ابـــداعــاتــكـ الشعـــريه

تحيــــتي لــكـ