قلت الصراحة

قلـت الصراحـه قـالـوا الـنـاس كــذاب=كـذبــت وسـمـونـي أمـيــر الـحـبـايـب
واجهـتـهـم لكـنـهـا ثـــارت أعـصــاب=جاملتهـم وأصبـحـت عـاقـل وصـايـب
عاندتهـم وأنفتـحـت بوجـهـي أسـبـاب=سايرتـهـم وأقـفـت هـذيــك السـبـايـب
فضحتهـم وأصبحـت مـذنـب ونـصـاب=ستـرتـهـم شـنــوا عــلــيّ الـحـرايــب
طلبتهـم وأنصـك فــي وجـهـي الـبـاب=عطيتهـم قالـوا لـي يــا ابــو الوهـايـب
رفعتهـم وأرتفـعـت أرقــاب وأشـنـاب=نزلتهـم صـار أســود الــراس شـايـب
بنيتـهـم حـطـو لــي أســوار وحـجـاب=هدمـتـهـم قــالــوا حــــرام الـخـرايــب
شديـت وصـاروا كلهـم ربـع وأصـحـاب=وأرخيـت وخـلـوا حـبـل الأيــام سـايـب
أقبلـت وصـاروا كلهـم دونــي أحــزاب=وأقفـيـت وصـــاروا كلـبـوهـم قـرايــب
داويتهـم قالـوا لـي الـجـرح مــا طــاب=جرحتـهـم قـالـوا لــي الـجـرح طـايــب
حبيـتـهـم قـالــوا لـــي الـحــب غـــلاب=كرهـتـهـم هـلــت دمـــوع وسـحـايــب
واصلـتـهـم لقيـتـهـم مـثــل الأجــنــاب=هجرتـهـم قـالـوا لــك أيام غايب
رفعـت صوتـي كلـهـم صــاروا أذنــاب=قـصـرت صـوتـي وابـتـدوا بالطـلايـب
غـيـرت شكـلـي قـالـوا رائــع وجــذاب=رديــت شكـلـي قـالـوا إنـسـان خـايــب
يـاقـلــب لاتــشــره ولاتــبـــدي عــتـــاب=خـــل الـعـتـب عـنــك وخــــل الـنـشـايـب
مافـيـهـم الـلــي يستـحـقـون الإعـجــاب=لــو شفتـهـم كتـلـة غـمـوض وعجـايـب
مــن لا أفتـهـم درس الليـالـي ولا تـــاب=يــمــوت مــــا يـفـهــم ولاهــــو بـتـايــب
ومادمت ساري والقمـر عنـك مـا غـاب=لاعـــاد تـوقــف لــــو تــثــور الـهـبـايب
ما أنت الوحيد اللي مشى الدرب مرتاب=غـريـب وتمـشـي فــي زمــان الغـرايب

صح السانك على الابيات روعه كثير
مميزه وراقيه هالكلمات
لاخلينــا يارب

إختيار أكثر من رائع
سلمتِ يالغالية
ولاعدمناك

صح لسان شاعرها
وتسلمين على النقل

حياك الله يا خيالة الشرفاء
ويا هلا بك وبتواجدك العطر
وحضورك الراقي واختيارك الرائع
وتسلم يمينك

صح لسانك ودام هتانك
انتقاء مميز من شخص ان شاء الله اميز

		المشاركة الأصلية بواسطة : عشقك خفوقي اقتباس
	صح السانك على الابيات روعه كثير مميزه وراقيه هالكلمات لاخلينــا يارب

صحت أبدانك
وتسلمين على إطلالتك الرائعه..

		المشاركة الأصلية بواسطة : بنت النشامى اقتباس
	إختيار أكثر من رائع سلمتِ يالغالية ولاعدمناك

يسلمك يارب
ولاهنتي على المرور..

		المشاركة الأصلية بواسطة : شيهانة المرقاب اقتباس
	صح لسان شاعرها وتسلمين على النقل

صحت أبدانك
ويسلمك يارب ولاهنتي
على المرور..

صح لسانك شاعر من دهاة الشعر
واصل حتى ياصل شعرك ذائقة
الجميع.