مل الخجل فيك ما مليت من شوفك

مل الخجل فيك ما مليت من شوفك
واغمض عيوني عنك وانسى انك عيوني

مل الغلا في مابين بعض خوفك
يامعصبي في سماء عينك ويا هوني

اسرفت بك شوف وانت اسرفت بكسوفك
ماتدري ان بخجلك تزايد غبوني

ليتك تمعنت في نظرات ملهوفك
تشرب ملامح غلاي وتستلف لوني

يالذتي لو قدرت استوعب وصوفك
ازريت لا استوعب اللهفه بمكنوني

يالذتي يوم اشوف نخضب كفوفك
تضما كفوفي سلام وتشرق طعوني

لاتعتذر لي اكيد مقدر ظروفك
متاعب الدرب ماتخلف بك ظنوني

لو ما تجملت فيني شفت معروفك
مهما تكون الظروف تكون مطنوني

ما جيت اعاتب حبيبي جيت ابا اشوفك
وش عاد لو كنت بين الرمش وجفوني

جيت اعشقك لين ينده لي شتاء جوفك
وادفي شجونك من ابرد نار بشجوني

جيت اكتبك في قصيدي واغرس حروفك
باعماق نبضي وباعماقي وبعيوني

اختيارك جميل وراقي يا نورة
سلمت الأنامل ..

قمرنا انرتي وصباحك فل وياسمين

سلمت كفوفك نورهه ع الكلمات الرائعه
دام عطائك

جداً جميلة هذه القصيدة
بمعانيها وكلماتها ومميزة بسبكها وحبكها
احسنت يا نورة
والله يعافيك ويبارك فيك

الف شكرلكم ولمروركم


العذب تقديري

نورة
اختيار وحضور تشكرين عليه
وفقكي الله