لي صاحب في ماقفه ما لزمته

لي صاحب في ماقفه ما لزمته
حتى لو انه وقتها كان ملزوم

لاوا حسايف ليتني مازهمته
يومنني قدامه اطيح واقوم

جاني ولا يارحم منهو جلمته
والحر ما ياقف مواقيفه البوم

جاني يسوق ركابه ولاعدمته
لاكن مجيه كان فالعين معدوم

جعل المواقف قدمنا ماظلمته
شخص بكل اعيوننا كان محشوم

وليت الظروف القاسيه مارغمته
يومه تصدد صدة انسان مهزوم

الظاهر اني في سوالي صدمته
يومي باسم الطيب ناديته اليوم

في وقتها عز الله اني رحمته
والا من الموقف شياطيني تحوم

ابك احتزم لارحم منت برخمته
ماكنك الا فوق خديك ملطوم

عز الله اني عنه غيضي كتمته
والا حراجه كان مفتوح لسوم

اللي معاه الخبز حتى قسمته
عيا معه يمسك ولوكان مطعوم

كم مرة لامن بغاني خدمته
كنت احسب المعروف في مثله يدوم

مايدري اني كل شي ختمته
من كثر مامرت مواقيف واعلوم

مافيه شي مرني مافهمته
الا سواته خلت الراس منجوم

هلا بك أخوي العزيز وشاعرنا المميز
أبو نايش
ولا هنت والله يبيض وجهك على طيبك ووفائك
وصح لسانك ملايين وعساك على القوة

كلمات جميلة ومعبرة
شكرا لك علي المشاركة

		المشاركة الأصلية بواسطة : فاتك حضوري اقتباس
	لي صاحب في ماقفه ما لزمته حتى لو انه وقتها كان ملزوم لاوا حسايف ليتني مازهمته يومنني قدامه اطيح واقوم جاني ولا يارحم منهو جلمته والحر ما ياقف مواقيفه البوم جاني يسوق ركابه ولاعدمته لاكن مجيه كان فالعين معدوم جعل المواقف قدمنا ماظلمته شخص بكل اعيوننا كان محشوم وليت الظروف القاسيه مارغمته يومه تصدد صدة انسان مهزوم الظاهر اني في سوالي صدمته يومي باسم الطيب ناديته اليوم في وقتها عز الله اني رحمته والا من الموقف شياطيني تحوم ابك احتزم لارحم منت برخمته ماكنك الا فوق خديك ملطوم عز الله اني عنه غيضي كتمته والا حراجه كان مفتوح لسوم اللي معاه الخبز حتى قسمته عيا معه يمسك ولوكان مطعوم كم مرة لامن بغاني خدمته كنت احسب المعروف في مثله يدوم مايدري اني كل شي ختمته من كثر مامرت افلام اون لاين مواقيف واعلوم مافيه شي مرني مافهمته الا سواته خلت الراس منجوم

كلام رائع

وموضوع منسق
لكم التقدير

صحة ابدانكم جميع وشكرا لكم ولمروركم الكريم