الحاجة اللي على الانذال حدتني

السلام عليكم
مساكم الله بالخير
اعذرونا على طول الغياب
ويعلم الله ان اللي حدانا على الغياب ظروف خاصة
وهذي القصيدة اهداء مني لمنتداي الغالي والاعضاء الكرام .

الحاجة اللي حــدتني يــم الانذالي=بأصبر على مرهــا وأشوف ناتجها
بأصبر عليها عشان اللي على بالي=وأغيض الانذال لــو زادت تحججها
صحبة عيال الرخم مثل أشهب اللالي=تثر على الكــبد عــــــله من يعالجـها
وسهــم العـــداوه من الادنين قتالي=والكلمه الناقصه مــــــاني مروجهــا
أكنها فــي ضميري خــوف عذالي=يسمع بهــا ناقـــــص ٍثــــم يتولجها
أشـــوم عن زلة الأدنين مــا سالي=ما همني من على الأدنين هارجها
خـله يــولي ترى مهــــوب رجالي=نفسه عن الطيب تعجز لو يبرمجها
واللي يبي الطيبة يرخص من المالي=ويروض النفس للصعـــــبه ويحرجها
ما فيه شيٍ يجي من دون غربالي=يا كود تتعب وتدرس في مناهجها
وذا طبـــع الأيــــــام رحــال ٍونزالي=وسـود الليالي تعــــــذب في تموجها

حمود بن عبدالله الحارثي

وسهــم العـــداوه من الادنين قتالي



والكلمه الناقصه مــــــاني مروجهــا

انا اشهد انك صدقت
صح لسانك
غبت وابدعت بقيفانك
تقبل مروري السريع

يا هلا والله بشاعرنا أبو عبدالله
يشهد الله إنك عزيز وغالي
وغيابك عنا كل هذه المدة يحز في نفوسنا
أنت شاعرنا وولد عمنا ونتشرف بك بيننا

الله يحييك من جديد
وتأكد بأن المنتدى منتداك
والكل هنا ينتظر حضورك ويتمنى تواصلك

صح لسانك وعلا شأنك
ولا هنت يا شاعرنا

مسائك شعر شاعرنا الغائب الحاضر في قلوبنا ..

والكلمة الناقصة ماني مروجها* .......

قصيدة في منتهى الروعة وأبيات قوية في الصميم

ماظنتي علة صحبة عيال الرخم لها علاج

وإذا صار الرجال يقول الهرج ويتولج خلق الله ماهو رجال

وخله يولي ترى ماهوب رجالي*

معانيك ياشاعرنا قمة في الروعة وترويض النفس للصعاب

والمشي على منهج الطيب هذا ديدن الرجال ..

اهلاً بعودتك شاعرنا وصح لسانك وسلم قلبك وعلا شانك "

مـا فيـه شـيٍ يـجـي مــن دون غربـالـي

يـا كـود تتعـب وتـدرس فـي مناهجـهـا

,’

وربي كلامك درر

صح لسآنك و بيض الله وجهك يآ حمود

ولا تحرمنآ جديدك

دمت بألف ألف خير

^_^

,’

مـا فيـه شـيٍ يـجـي مــن دون غربـالـي

يـا كـود تتعـب وتـدرس فـي مناهجـهـا

كفو ياذيبان

صح لسانك

خله يولـي تـرى مهـوب رجالـي

نفسه عن الطيب تعجز لو يبرمجهـا

واللي يبي الطيبة يرخص من المالي

ويروض النفس للصعبه ويحرجهـا

صح لسانكـ
وبيض الله وجهكـ على هالقصيده الجزله

ودمت بحفظ الرحمن

صح لساانك والله يا ابن جربان


^_^

ابن جربان


كتبت فأبدعت فأتقنت


صح لسانك على هالكلمات الرائعة

وليست بغريبة على شخصك الكريم


ينطيك العافية

أبن جربان

صح لسانك وبييض الله وجهك

قصيده جزله ومن شاعر كبيير ومعرووف

لاهنت يا ذيبان