عند الشدايـد ينتخـون الشداديـن

أشكرك ياشبل من أشبال الشدَّاديـن=مطلق بـن مشعـل حبـس الكمينـا
حيث إن مثله من رجـال مسميـن=ضياغم من ساس العـرب منتمينـا
لاذكرتهم بالشين صـاروا براكيـن=للضـد مخزيـن ولـه محرقيـنـا
على الأصايـل يعتلوهـن مجانيـن=يامـا يبيـن الـحـق للعارفيـنـا
ياحلّت القـالات بيـن الخصيميـن=خصيمهـم بعـد القسـاوه يليـنـا
أمّـا يليـن بطيـب وألا بثنتـيـن=وألا بـذاك الحـد حـد السنيـنـا
على المراجل مـن قديـم وذلحيـن=ماهـم بسلـم جدودهـم مسرفينـا
أولاد ضيغم مـن خيـار السلاطيـن=مـن يـعـرب الأول متسلسليـنـا
فرسان بالدنيـا وبالفخـر والديـن=وبالحـق فرسـان حـتـى يبيـنـا
عند الشدايـد ينتخـون الشداديـن=لسلـوم ضيغـم جدّهـم مجدّديـنـا
علـى فعايلهـم نسـوق البراهيـن=حيـث إننـا نعلـم علـم اليقيـنـا
إن الضياغم هـم أشبـال العرينيـن=عرينهـم يمنـع عـن المعتديـنـا
أربـع قبايـل حاربوهـم معـاديـن=حرب على الأشهاد عبـر السنينـا
ضياغـم علـى المعاديـن قاسيـن=قاسيـن وقساوتهـم عيّـت تلينـا
ماينزلـون ألا بـروس الشياهيـن=حــرار دوم بالـعـلا معتلـيـنـا
فرسان نجد اللي تـدوس المياديـن=حماة الوطن حماة الضعن والضعينـا
للجـار حاميـن وبدمّـه مثـاريـن=مـن سبعـة الأفخـاذ ثـار ثمينـا
سبعة رجال ثمـن جـار الشّدّاديـن=فخارهـم يسمـو علـى الفاخرينـا
لادارت رحى الحرب بين الحريبيـن=حريبهـم حبّـه تـحـوّل طحيـنـا
أشبال ضيغم في صـدور الدواويـن=بالقـمّـه العلـيـا متمركـزيـنـا
بيـن القبايـل آل ضيغـم عناويـن=مثـل الجبـال وتزبّـن الخايفيـنـا
ربع إبن مهرس عند نصب الموازين=ميزانهـم يميـل صـوب اليميـنـا
عند الرمايـه يضربـون النياشيـن=وبالمرجـلـه والعـلـم متفوقيـنـا
ومدحي لهم بعد الفعايل هـو الزيـن=والمدح مـن بعـد الفعايـل يزينـا
بالوعد وافيـن وللضيـف مقريـن=مايذبحـون ألا خـيـار السميـنـا
صديقهم يلقى السماحه مـع اللّيـن=باأقوالهـم وأفعالـهـم صادقيـنـا
ومطلق أبو نايف خذا الباع باعيـن=بالمنسـب الشريـف متنومسيـنـا
أبـو نايـف لاثـار فـك المخليّـن=اللـي بديـار الغـرب متورطيـنـا
أفعـال ليـث مـن جـدود قديميـن=لهـم بسبـق المجـد حبـل متينـا
من عصر عابر والجدود القحاطيـن=والطيـب بحماهـم ولـه محتمينـا
تاريخ يعـرب والجـدود العريبيـن=بكتـب الأساطيـر القديمـه قرينـا
شمّ الأنوف مترفعيـن عـن الميـن=شمّـر علـى الشامـات مترفعينـا
عبده حمول الخيـل ماهـم خفيّيـن=تاريخـهـم بالكـتـب ياجاهليـنـا
بآل عبد الـرب والنسـب ساميـن=سماتهـم تسمـو بدنـيـا وديـنـا
وصلّوا على الخاتم خيـار النبييـن=شفيعنـا يـوم الحسـاب المبيـنـا



كلمات الشاعر: عبدالله بن صالح بن فهد القفيعي الشمري .


صح لسان الشاعر

ماشاء الله تبارك الله ..
صح لسان شاعرها
والطيب والمبادره ماهي مستغربه على السناعيس

والله العظيم اني اعز هالقبيله وشباب هالقبيله معزّه
غير طبيعيه ، والغريب بالموضوع
بأن هالمعزه مالها اسباب ، من الله سبحانه

وهم يستاهلون المحبه والطيب ولاجاء طاريهم
بحياتي كلها ماعمري سمعت احد ذكرهم بسوء

ابيات جزله ، واللي اعجبني فيها غير المدح
اسقاطاته التاريخيه عجيبه جداً تحسب لشاعرها

لاهنت يالغوج على النقل

هلا بك أخوي الغوج
وصح لسان الشمري
وترى يا أبو فهيد الشمامرة بيننا وبينهم تاريخ ونسب في الضياغم من قحطان العريقة
لا هان الشاعرعبدالله الشمري
وألف شكر لك أخوي الغوج

صح لســآن الشاعر/ عبدالله الشمري.. ومشكور اخوي الغوج على نقلك القصيدة للمنـتـدى .

الشاعر عبد الله
ماعليك زود
مطلق بن مشعل بن فهيد الشدادي
من الرجال اللي نفتخر بهم ويعز القبيلة
عند الرجال اللي شرواك وقصيدتك هذه
تسلم على نقلها ولك تقديري الجزيل

لاشلّت يمينك على النقل , لآهنت و صح الله لسان الشاعر عدد بلا مدد

شمر هل الكرم نسل حاتم الطئ مهما نقول ما نوفيهم حقهم ..

لآهنت يـ الغوج بيّض الله وجهك , يستاهل مطلق بن مشعل الطيب نفخر به بين الملا



,

ماهوغريب المدح في الشدادين=قومن لهم في عالي المجد بيرق
صح السانك ياشاعر وبيض الله وجهك لا هنت على القصيده الجزله وبيض الله وجهك يا خوي الغوج على لنقل للمنتدى
مع تحياتي اخوكم بدر الشدادي

صح لســـان الشــاعر=وسلمت يداك على النقل
وتقبل مروري