الزين

بسم الله الرحمن الرحيم

يالله بامرك تعلم السر والغيب=ياعلم بالبينه والخفيه
انك تعديني عن الشك والعيب= يالواحد المعبود رب البريه
وانك تجنبني دروب العذاريب=وانك تجنبني دروب الخطيه
راكان قلبي شب وسطه لواهيب=شبت شبوب والمعاني قويه
المشكله ماهيب هوشه مشاعيب=المشكله زين تعذب هويه
الزين حبه عذب القلب تعذيب=الزين والله مابحصل حليه
راكان روح له طروش ومناديب=عجل مراسيلك صباح وعشيه
علم موكد ماتفيد الهناديب=علم مؤكد والسوالف طريه
ابدع بيوت الشعر وارقا المراقيب=ابدع بيوت الشعر والنار حيه
متى عسى تصفى جميع المشاريب=اطلب من المولى يحل القضيه
قالو لي انا تطلع الشمس وتغيب=قلت المثل قال العسل في الخليه
بنت الرجال اللي ترف الاشانيب=نسل الرجال وكلهم صيرميه
يوم اللقا والحرب ناسً عواطيب=عدوهم يارد حياض المنيه
اسمع كلامي ياحصان الاطاليب=اهل الكرم والجود واهل الحميه
اطلب من المولى يحل المطاليب=قدام نصبح بين شمس وفيه
الوقت يجري والليالي تجاريب=بعض الليالي لابن ادم شقيه
يالله في ايام تجي بالمكاسيب=يمكن تجيب الماس منهم هديه

وسلامتكم

جعلك سالم وغانم اخوووي صقر قيا

وصح لسانك وقصيده جزله ياغالي

وتقبل مروري وتحياتي

الله يعينك يا أبو سفر على قلبك وهواه

صح لسانك ولا هنت

وفي انتظار جديدك دائماً وأبداً

صح لسانك ياصقر قيا

شاعر هواوي وحبيب

صح لسانك يابو
سفر وسلمت يمناك
قصيده جزله من شاعر جزل
تقبل تحياتي اخوك الغربي

صح

السانك

ياصقر قيا ولاهنت

صح لسانك اخوي صقر قيا
قصيدة رائعة من شاعر رائع
الله يوفقك اخي الفاضل
وتقبل تحياتي

الظاهر انك مغير الاسم اخوي تركي وانا

احسب انك جديد في المنتدى

ومانتبهت الا في الاخير

صح لسانك ولاهنت يالغالي

صح لسانك اخوي
قصيدة شاعر متمكن
تحياتي

صح الله ابدانكم

لآهنتو على مروركم الجزل