يا دار

مساكم الله بالخير قصيده اتمنا ان تنال اعجاب كل من شرفني بقراتها,,,

يادار عيني كل ماتلتفت فيك=تبكي على اللى كان فيك ورحل عنك
تبكي على اللى عام الاول محليك=وبعيون خلق الله بزينه مزينك
ولاانتي مشتولت جدار وشبابيك=بابك مصدي ومن على صطحك الزنك
شبهه وللورعان زانت مراميك=وبخس لون وبويه (غلام) داهنك
في عهد خالد والد الزين بانيك=ومن كثر مارممك ماسدد البنك
القصر جنبك والفلل من حواليك=ومن لاعرف ماضيك ماهو معاينك
انا الوحيد اللى يحبك ويغليك=ويحب ماطا رجل من كان ساكنك
غزالى اللى لاتذكرته اجيك=وادخل عليك بجرح فرقاه وازبنك
صورته فيك وريحته في محاجيك=واسمع صدا صوته يدوي بماكنك
كم ليلتٍ لامسا العرب واذن الديك=جيت اخذ الشفه من الباب واحضنك
اقف على الاطلال وابكي وابكيك=واذكرك بلى غدا مني ومنك
ويادار قبل اروح ودي اوصيك=لن جاك يئطمن عليك ويطمنك
قله على لساني عسي الله يهنيك=يالجوهر الناريز مع من يثمنك
ولاقال من قل واحداٍ ميتٍ فيك=من لوعته حتي الحجر ينشده عنك

الله الله
صـــــــــــــــــح الـــــســـــــانك
يافهد وبيض الله وجهك على هالقصيده المميزه
ونريد لمزيد
شوف كيف الهوى يلعب براس الهواوي

حياك الله يا بن رزيق

ومرحبا فيك وفي قصيدة الذكريات الجميلة

رائعه جداً من روائعك يا بعدي

بس فيه شطر ما أعجبني توضيحه بالحيل

وودي لو إنك أخترت له كلمة غير الي أخترتها ,.

وقصيدتك إبداع وصح إلسانك

		المشاركة الأصلية بواسطة : فهد بن رزيق اقتباس
	اقف على الاطلال وابكي وابكيك=واذكرك بلى غدا مني ومنك ويادار قبل اروح ودي اوصيك=لن جاك يئطمن عليك ويطمنك قله على لساني عسي الله يهنيك=يالجوهر الناريز مع من يثمنك ولاقال من قل واحداٍ ميتٍ فيك=من لوعته حتي الحجر ينشده عنك [/poem]

فهد بن رزيق
صح لسانك ملايييين
وعلا شانك قصيدة رائعة
ومميّزة تجلت فيها صور جميلة
للحنين والعشق
تقبل مروري
دمت بخير ,,,

		المشاركة الأصلية بواسطة : فهد بن رزيق اقتباس
	مساكم الله بالخير قصيده اتمنا ان تنال اعجاب كل من شرفني بقراتها,,, يادار عيني كل ماتلتفت فيك=تبكي على اللى كان فيك ورحل عنك تبكي على اللى عام الاول محليك=وبعيون خلق الله بزينه مزينك ولاانتي مشتولت جدار وشبابيك=بابك مصدي ومن على صطحك الزنك شبهه وللورعان زانت مراميك=وبخس لون وبويه (غلام) داهنك في عهد خالد والد الزين بانيك=ومن كثر مارممك ماسدد البنك القصر جنبك والفلل من حواليك=ومن لاعرف ماضيك ماهو معاينك انا الوحيد اللى يحبك ويغليك=ويحب ماطا رجل من كان ساكنك غزالى اللى لاتذكرته اجيك=وادخل عليك بجرح فرقاه وازبنك صورته فيك وريحته في محاجيك=واسمع صدا صوته يدوي بماكنك كم ليلتٍ لامسا العرب واذن الديك=جيت اخذ الشفه من الباب واحضنك اقف على الاطلال وابكي وابكيك=واذكرك بلى غدا مني ومنك ويادار قبل اروح ودي اوصيك=لن جاك يئطمن عليك ويطمنك قله على لساني عسي الله يهنيك=يالجوهر الناريز مع من يثمنك ولاقال من قل واحداٍ ميتٍ فيك=من لوعته حتي الحجر ينشده عنك

الله الله
صح لسانك

مخاطبة للجماد الذي يغليه الشاعر لاجل من كان العام الاول محليه وان رغم تجاعيد الزمن التي خطت على هذه الدار ورغم كره الناس وابتعادهم وعنها وشبابيكها وابوابها البليدة وجدارها المرمم وما يزيد الفكرة رووعة هو احاطة المباني المعاصرة لها مما يحقرها في عين الناس وكل مافي الدار من عيوب الا ان الشاعر ينطبق عليه مثل (من اجل عين تكرم مدينة)فتسوقه قدمه الى هذه الدار ليتذكر الزمان المنصرم الذي عاصره في قرب من يوده

الطرح:
مخاطبة ونوعها مخاطبة الجماد

فكرة الموضوع:
جدا رائعة وهي مخاطبة الجماد والتعبير عن حبه له بسبب مكوث حبيبه فيه في زمن مضى

تناسق الابيات:
للامانة كانما اصعد درجا للشدة قربها من بعض

زد على ذلك موسيقى القصيدة وعاطفتها والبحر الذي كتبت عليه اضافة الى اضواء وخلفية القصيدة

تقبل مروري

آبورزيق صح لسانك ملاين
وبيض الله وجهك ع القصيده الجزله
لآهنت ياذيب

فهد روووعه تسلم يااارب

ربي يديمك اميين

لك خالص احترامي

قراءة رائعة جداً من شاعرنا المبدع
صقر المراجل
أعجبتني كثيراً

كيف لا؟
وهي تتحدث عن هذه الرائعة لشاعر المنتدى الجزل
فهد بن رزيق

صحيح مقل في حضورك
لكنك مبدع في جميع ما تطرح من قصائد

تسلم يديك والله يعافيك
وصح لسانك ملايين

قراءة رائعة جداً من شاعرنا المبدع
صقر المراجل
أعجبتني كثيراً

كيف لا؟
وهي تتحدث عن هذه الرائعة لشاعر المنتدى الجزل
فهد بن رزيق

صحيح مقل في حضورك
لكنك مبدع في جميع ما تطرح من قصائد

تسلم يديك والله يعافيك
وصح لسانك ملايين

ابورزيق
صح لسانك وسلم بنانك
ولكن لاتصرح ببعض الالفاظ
وباستطاعتك الاستعاره بلفظ مخفي
يؤدي المطلوب
تحياتي
وصادق
الود