صوت وصدى مانع بن شلحاط والشبرمي

بسم الله الرحمن الرحيم

السلام عليكم ورحمة الله وبركاته

ردية بين ( مانع بن شلحاط ) و ( خليل الشبرمي )
يقول مانع بن شلحاط :

القصيـدة ياخليـل الشبرمـي تواقـه
تلتمس لك فالعلاء لاخابـت بمسعاهـا

نذر لولا المستوى والسمعه البراقـه
من طغاها ما تلفت لـك ولا تشعاهـا

لكن الحاصل وأطرز بالتحايـا باقـه
في رضا منهو ايقدر صحبه ويرعاها

صح لسان الشبرمي في طلته واشراقه
مفخرة هامة مضر ياجعلني ما انعاها

يالتميمي وش علومك واحتريك اشفاقه
ما علي من هذرة الشمطا وكثر ادعاها

بعد غيرت الرقوم اللي بخـد الناقـه
وش حال البكرة العفرا ووش مرعاها

والسلام ختام والجلبـاب شـد ابناقـه
صرة الطواش ما يبغا العرب تثعاهـا

رد خليل الشبرمي على ابن شلحاط :

مرحبا بالشاعر اللي نقتـدي بأخلاقـه
والعرب من هيبة بيوته تروغ امعاهـا

شاعر من روس قـوم للوفـا سباقـه
ويام ياما من جمـوع شتتـوا جمعاهـا

ايـه يامانـع وثلثيـن العـرب بواقـه
والوبا فيها تفشـى واكثـرت وجعاهـا

ماعلينـا مـن علـوم العالـم اللواقـه
وما حدث فالشام ما يخفا على صنعاهـا

ناقتي تجغم من الما والطعـام ذواقـه
وروّحت لمزبنة مـن صكتـه بقعاهـا

بين برج وناقلة غـاز مسـال وطاقـه
وش لي بشبعا وشبعا ما اشبعت جوعاها

والسلام ختام والجلبـاب حـل ابناقـه
دون لولو صرة الطواش نـاب افعاهـا

وبيت القصيد بالاحمر
منقول

سعد العضياني
سلمت يمناك على النقل المميّز
والقصيدتان رائعتان والمعنى
خطيييييييييييييييييييييييييير
دمت بخير ,,,

هلابك يا شاعرنا سعد

أتيت بقصيدتين لأضخم شعراء

صح إلسان الشلحاط وصح إلسان الشبرمي


وشكرا لك

نقل جميل جداً لصوت وصدى بين شاعرين كبيرين
مثل بن شلحاط والشبرمي
سلمت وسلم غالي أخوي سعد
ولا هنت يا الذيب

سعد العضياني
سلمـــــــت يمناك على نقل أضخم وأهم
الشعراء
لاهنت يا بــــعدي
ولاعدمناك

صحت السنتهم
شعار بمعنى الكلمة
الله يعطيك العافية أخوي
الغالي على النقل

مشكور ياسعد يعطيك العافيه على النقل الجميل

سعدأشكرك على نقلك المتميز وأختيارك الجزل




للشاعرين ابن شلحاط والشبرمي ولك تحياتي