دروس الوقت

الاخوان والاخوات اعضاء منتديات الشدادين
من باب التواصل اتمنى ان ترقى هذه المشاركة المتواضعه على ذائقتكم

بدينا واستعنا بخير هادي = ولي الكون خلاق العبادي
بديت اكتب من أفكاري خواطر= وبدعت أبيات جزلات ٍ جدادي
اسلي خاطري من هيض فكري =ولساني ينطق بما في فؤادي
خذينا من دروس الوقت عبره =وميزنا البياض من ألسوادي
وخذينا في دروب العشق سجه = وهمنا بكل فج وكل وادي
وعفنا بعد جربنا وشفنا = طريق ٍ سالكه من كان غادي
نشوم عن ألخطاي والملامه= ونبعد عن طريق ألانتقادي
ونحط أهل الوفاء والطيب قدوه = ولنا منهج مع الناس ومبادي
ويا كرهي للحسد وأهل النميمة = ضعاف نفوس وتشيل الدوادي
وكبير النفس مالي فيه حاجه= ولا ارغب جلسته علم ٍ وكادي
تنومسني علوم أهل الجزالة = ورفقتهم بعد غاية مرادي
معرفتهم ذخر ماهي خسارة = ليا حد الرجل في الوقت حادي
رجال الطايله فزعه وجزعه =لهم صوله وجوله واجتلادي
ولا تأتي المراجل بالتمني = طلوع المجد جد ٍ واجتهادي
عسى ربي على الخير يهدينا =ويا لله رحمتك يا خير هادي

اخوكم

فاااالح الشلوي الحارثي

صح اللسانك

أخوي

الغالي

فالح الحارثي

تنومسني علوم أهـل الجزالـة
ورفقتهم بعـد غايـة مـرادي

وأنت قصايدك تنومس

والله شاهد .. بحر خفيف ومعنى ثقيل

وكل مقومات الشعر موجودة هنا

لدى فالح الابداع ... صح لسانك مليار

صح لسانك اخي الكريم فالح

قصيدة رااائعه جداً

اتمنى نشوف جديدك في القريب العاجل

مودتي

صح لسانك مليون يا فالح
ورفع الله مقدارك

فالح الشلوي الحارثي
صح لسانك لاهنت
قصيدة جميلة بيض الله وجهك
وتقبل تحياتي

هو فيه شيء أفضل من الوقت في إعطاء الدروس ؟؟!!

أو من الحياة في منح أقوى شهادات الخبرة ؟؟!!

بالتأكيد لا

شكراً أخي فالح

صح لسانك وبيض الله وجهك ولا خلا ولا عدم يا شاعرنا

بن جربان

لاهنت على التصفح الاول

وصح بدنك




مودتي وتقديري

الاخ

سعود

صح بدنك

ولاهنت على التصفح

اشكرك يالغالي


مودتي وتقديري

اخوك

فاااالح الشلوي

صح لسانك اخي الكريم فالح

قصيدة رااائعه جداً