مهما كنت رجل مفتول العضلات لا تستهين برجولتك

مدخل:
الرجوله كايده...........كلمه نسمعها كثير..

وانا طالع الصباح من الاستراحه
كا العاده اليوم شغلت موجه الراديو على FM وسمعت
الخبر اللي ماودي سمعته(اغبنت)>>>>>>>>>>>
يقولكم يا طولين الاعمار عائله سعوديه
جايه من اروبا ومعهم على الطائره عائله امارتيه
كانوا العائله الامارتيه جنب العائله السعوديه با المقاعد
فا اللي صار العائله الامارتيه استخدمت المقاعد بطريقه
مش ولا بد مما دفع زوجه المواطن السعودي با التحدث
مع العائله واطرافها ونتج عنه تراشق با الكلام دفع اب ورب العائله
الامارتيه بصفع المراءه السعوديه امام زوجها وامام المسافرون صفعتين
ادت الى انهيارها ودخولها بحاله لا تحمد عقبها مما اضطر قائد الطائره
الهبوط الفوري بمطار استطبول بتركيا تلبيه للدكتور الطائره للنزول كون المراه
تحتاج للمستشفى اكثر من اسعافه لها العجيب والغريب والشئ
اللي ما استوعبته تمالك زوج المراه اعصابه ولا خلا الطائره ساحه للعراك
اخذت المعامله مجرها وقدم الطيار تقريره ضد رب العائله الاماراتي
مما سمعه من الشهود للسلطات التركيه.
قد ما حزنت على هذا التصرف ما توصل الامور
للحد المؤسف هذا وين راحت الرجوله قد ما اعجبني
زوج المراه ولا اعجبني كون (لو حنا يا البداوه محله قلبناها صن با الطياره)

مخرج:
الرجوله معنى سامي لا يتحلى به الا اناس كفو به لم تنجس اياديهم
با امهاتهن وخواتهن وزوجاتهن فكيف بمن لاتمد له بصله.

لاااااااااااااااااااااااااااااااااه
الرجال ماله حق يضرب هالمره
ومهما كان السبب
واناعتبر زوج المره هذي يانه مسخوط ياانه مسخوط
وين الغيره وين الدفاع عن النفس والعرض
مهما كان مالازم يسكت
زوجته تنضرب قدامه وتحتاج كمان لمستشفى ولاينبس ببنت شفه
انا اشهد انه مهبول
ابن لبيدان
الله يعطيك العافيه

صحيح ان الرجال اللي مد يده على الحرمة الغريبة انه ماهو رجل بالمعنى



ولكن كثير من المواقف يتوجب على الأنسان أخذ الحكمة فيها
أكثر من التشنجات


الرجل السعودي طاحت زوجته قدامه وتحتاج الى مساعدة
المسكين ماهو فاضي ليخانق الرجال هذاك في وقتها


لكن اللوم على العرب الموجودين في الطائرة


ومن هنا نتسائل أين الغيرة عند باقي الركاب العرب ؟




الظاهر قطوها في اوروبا وجاو




شكرا اخي الفاضل ابن البيدان على الخبر المحزن
ولاعاد تسمع FM


وتقبل مروري وتحياتي

تصرفه غير رجولي مدت يده على مرأه

وأيضا زوج السعوديه رخمه يتعدى على عرضه وما قال شي

الله لا يبلانا .

تصرفه خالي من الرجولة فاين الرجولة في صفع امراءة
وزوج المراة السعودية مايعرف شنو الرجولة والا كيف يسمح لرجل غريب بصفع زوجته ويقف ساكت
الله لايبلانا
مشكوور اخوي

يؤيؤيؤيؤ الله لا يبتلينا
الإماراتي ماله حق يمد يده أبداً أبداً <<فيها قباااااايل
والسعودي ....سلامات ...وين الحميه والغيره <<تصرفه خطأ ميه بالميه
من جد الله لا يبتلينا
.
.
مشكور أخوي على الخبر

احس انها ملفقه

كف وفي طياره مساحتها ماهي شاسعه وعوامل الضغط الجوي

خلت الرجال يضربها كفين وطاحت مغمي عليها ؟؟؟؟؟؟

اتوقع انها سالفه مكبره

واذا صدق يمكن الرجال ينتظر الانفراد التام (( الخوف من الساكت))

جالس ينتظر يوصل وبعدين الحرمه قليله ادب مره

تطول لسانها ليه مافيه رجال معها ؟؟؟؟؟؟؟

القضيه مشربكه يبغالها قعده

واتوقع انها من الاحقاد الدفينه علي شباب السعوديه

وتشويه صورتهم يمكن صدق صارت مشكله بين عائلتين عربيه

واستغلوا نقطه

يعطيك العافيه عزيزي ابن البيدان

صراحه القصه فيها نوع من التضخيم الأعلامي

ومو معقوله ان حالة المراه حرجه من كفين

وتستوجب هبوط الطائره

وبعدين الحرمه ماتستحي على وجها

معها رجلها وتهاوش والرخمه الي جنبها ساكت

		المشاركة الأصلية بواسطة : الجازي اقتباس
	لاااااااااااااااااااااااااااااااااه الرجال ماله حق يضرب هالمره ومهما كان السبب واناعتبر زوج المره هذي يانه مسخوط ياانه مسخوط وين الغيره وين الدفاع عن النفس والعرض مهما كان مالازم يسكت زوجته تنضرب قدامه وتحتاج كمان لمستشفى ولاينبس ببنت شفه انا اشهد انه مهبول ابن لبيدان الله يعطيك العافيه

الجازي الزوج ما كان با الحسبان

ماحصل لزوجته زوجته متلبشه مع حرمه مثلها

لكن اللا معقول دخول الزوج الاخر وصفعها

كل ما اقوله هذا ابتلاء وحيره...الجازي مشكوره.

		المشاركة الأصلية بواسطة : قطري أصيل اقتباس
	صحيح ان الرجال اللي مد يده على الحرمة الغريبة انه ماهو رجل بالمعنى ولكن كثير من المواقف يتوجب على الأنسان أخذ الحكمة فيها أكثر من التشنجات الرجل السعودي طاحت زوجته قدامه وتحتاج الى مساعدة المسكين ماهو فاضي ليخانق الرجال هذاك في وقتها لكن اللوم على العرب الموجودين في الطائرة ومن هنا نتسائل أين الغيرة عند باقي الركاب العرب ؟ الظاهر قطوها في اوروبا وجاو شكرا اخي الفاضل ابن البيدان على الخبر المحزن ولاعاد تسمع FM وتقبل مروري وتحياتي

اتقبل مرورك بصدر رحب

حياك وابشر بتابع دام تقول لا تتابع:icon_mrgr