وين ولد شالي الله يمسيه بالخير

طولوا بالكم يالربع
والله القصه طويله
واللي ودي اقوله شي كثير لكن تعرفون اخوكم يحرف
حروف لوحة المفاتيح باصبع واحد وطال ليله ههههههههههه
لكن الله يعينكم
تنتظرون
لين اقول لكم انتهينا

جونا صلاة الصبح في مراحنا=في حزة العدوات للحريب
وقمنا عليهم والاله يعينا=وراحو من اطراف البيوت هريب

ياشلوي لاتحرف قصيد ابن هريس الله لا يهينك
يقول

جونا صلاة الصبح بيغون مالنا=مع حزة العدوات للحريب
وقمنا عليهم والاله يعينا=وراحو من اطراف الحلال قعيب
ودروا علينا ردة ٍ تقطع القوى=بمصبب ٍ يغدي العظام ذهيب

تركي
كفيت وفيت ياحزامي الله يكثر من امثالك بالقبيلة والدولة
وانت شاعر ومؤرخ قدير وفقك الله

تركي الحكل ايضا بديار الشلاوى وهو قريب من الحاوي

وهذي ديارنا وليست لغامد

وصباح الحاوي مشهور بهذا الاسم

وانشد اصحاب العرف ويخبرونك عنه ..

وبعدين ياتركي مقبول مهوب من اللي تراقف عظامهم وقت اللقاء

شيخ شجيع فصيح اللسان بليغ البيان

وعز الله انك ظلمته ووظلمت حظكم

يقول عنه دليم الطر

شيخ كما سيفٍ من الهند مسلول**سيفٍ صقيلا يفصم الضلع حده

وان كان مصر على سالفتك هذي اللي اول مرة اسمعها

فانه اكيد يقصد واحد من بنيوس اللي لزموهم الشلاوى ذاك النهار

واتمنى انك تسند اي رواية غريبه عن الرجل اللي تاخذها منه

والقصة اللي تقولها عن الشدادين لا تدخل العقل

لان الشلاوى يعرفون الشدادين والشدادين يعرفون الشلاوى في ذلك الوقت

وايضا مقبول وربعه كاسرين الشدادين ومجلينهم من الديره

وبعدها ارسل مقبول مرسوله عليهم

وردهم بعدما وصلو ريع الثمام

وياليت تنشد كبار الشدادين عن ذلك

لكن انت بكل اسف قلبت الحقيقه ويمكنك مكذوب عليك

ومقبول وربعه لا غرابه عليهم ينزلون في كل ديره يطيح بها الحياء

سواء بالجنوب او بالشمال ..

لكن الغريب هو ماسمعته منك ياتركي

		المشاركة الأصلية بواسطة : تركي الشدادي اقتباس
	جونا صلاة الصبح في مراحنا=في حزة العدوات للحريب وقمنا عليهم والاله يعينا=وراحو من اطراف البيوت هريب ياشلوي لاتحرف قصيد ابن هريس الله لا يهينك يقول جونا صلاة الصبح بيغون مالنا=مع حزة العدوات للحريب وقمنا عليهم والاله يعينا=وراحو من اطراف الحلال قعيب ودروا علينا ردة ٍ تقطع القوى=بمصبب ٍ يغدي العظام ذهيب

للمعلوميه يالشاعر تركي

قعيب وهريب تحمل نفس المعنى

ونعوذ بالله من اللي يلعبون بالقصيد

يغدي العظام ذهيب هذي اول مرة نسمعها ياتركي

من ضمن ابيات مقبول ايضا :

وطلقنا بيض الخراعيب منهم***نشفهم في لاما كل حبيب

		المشاركة الأصلية بواسطة : ولـد شـالي اقتباس
	تركي البيت اللي يقول عزي لمن هم ربعه ثم فاتهم***ماعاد له في الشايعات نصيب همه كماضلعٍ مريف من الحيا*** اصبح سنة بعدما كان عشيب قالها من كثر قتلى بنيوس ولا يقصد بها عزوة الاد شالي لان ربعه في هذا الموقف هم الاد شالي فقط الذي يقول فيهم : وانا احمد الله يوم انا في لابه*** حصونٍ مبناة لكل طليب وابيك يالغالي تتاكد هل شيوخ الشدادين حضروا في صباح الحاوي والا لا ؟

صباح الحاوي قلت لك اول مره اسمع عنه منك الليله
لكن ياخوي لا تلعب في قصيد اللي عساهم فالجنه

انت الان تقول ان مقبول قال
وتصرف من راسك
كلام ماقاله مقبول
وابيات مكسره
لااحد يصدق ان هذه الابيات قالها مقبول
حتى من شاعر مبتدئ
ماتخش العقل

عزي لمن هم عزوته ثم فاتهم=ماعاد له في الشايعات نصيب
راسي كما ظلع ٍ عشيب ٍ من الحيا= اسنت فراعه عقب كان عشيب
ياذيب ياللي فالقرا جر بالعوا =ابدى لك الله فالزمان نصيب
تحمد الله يوم جتك المناعه=تلقى العشا في كل عطف شعيب
لاتأكل الا كل شيخ ٍ مجرب=عند الخطا ماهوب عند مصيب

الآن ابيك انت اللي تتأكد
بن الحارث كلهم عزوة مقبول
وقت الملمات
ماهم الشلاوى فقط

مقبول بعد الحرب
القى القبض عليه الشريف
حطه فالسجن
واذا اصبح الصبح مر
عليه وسلم عليه
قال لاتسلم علي وانا سجينك
قال ياعم مقبول
انا اكثر من اربع مرات احكم
ولا يشق كمام حكمي غير انتم يابن الحارث
كان دونك حوامي ياعم مقبول مقدر اجيك
ولكن اظعفت جنوبك وقدرني الله عليك وسجنتك

وقال قصيدته

ياكبدي اللي حاربت جمة الزير=أمسى على كبدي كما السم ساير
على بني عمي وجيه ٍ مسافير=ربع ٍ قروم وللعشاير دماير
عينت ابو فواز عيد المعاسير=قيدوم هجن ٍ ينمسن العشاير
عينت من نجره يدل المسايير =في حربكم ياذاهبين الحضاير
دنين نجره مثل حس الحدادير=على قليب ٍ عنهم الجم حاير
اهم كما ضلع ٍ يديره بياطير=ماينقدر لو جوه سبع الجزاير
وحنا كما نوء يدم المسابير=ليا اكتبر سيله يجيب الحشاير
في وردهم حطوا علينا تفاكير =وفي صدرهم راحوا بكسر وعثاير
هذا جزاهم يوم عيوا على البير=عاين قضاها عندهم فالجداير

ابن شالي
الشدادين نزيعه من قحطان وانت تعرف هذا الشيء
وحين رد مقبول قصيدته المشهورة حين ارادو الشدادين الرجوع لديارهم
وارسل لهم قال ارجعو غارمو معنا وقاله احد ربعه من الشلاوى لأبن هريس خلهم
يروحون قال ابك الشدادين ذرانا من كل مكان وبالذات من الشمال يقصد من يم عتيبه ومطير وانا راحو
اكلونا القوم خلهم يرجعون كلهم شجعان وفريس وقالو الشدادين مانرجع غير حين نغارم بدم رجال
قالو كل طلباتكم ملباه بس ارجعو واللي تبونه ابشرو به يالشدادين ورجعو الشدادين
وغارمو بدم رجال وهي مذكوره بالحجة موجوده واسال كبار ربعك يعلمونك.
وفيه قصيده منها يقول
يحسبني كميخ الجال أباطيعه= باعتبيهم عوض في آلاد شداد
اهل الجيش الآدهم يوم ينقاد= وباقي القصيدة ماتحضرني
واعذروني ترى القصيدة لم تحضرني بالشكل الصحيح ولكن هالبيوت من ضمنها بس الترتيب
يخوني

		المشاركة الأصلية بواسطة : خيال الشدادين اقتباس
	ابن شالي الشدادين نزيعه من قحطان وانت تعرف هذا الشيء وحين رد مقبول قصيدته المشهورة حين ارادو الشدادين الرجوع لديارهم وارسل لهم قال ارجعو غارمو معنا وقاله احد ربعه من الشلاوى لأبن هريس خلهم يروحون قال ابك الشدادين ذرانا من كل مكان وبالذات من الشمال يقصد من يم عتيبه ومطير وانا راحو اكلونا القوم خلهم يرجعون كلهم شجعان وفريس وقالو الشدادين مانرجع غير حين نغارم بدم رجال قالو كل طلباتكم ملباه بس ارجعو واللي تبونه ابشرو به يالشدادين ورجعو الشدادين وغارمو بدم رجال وهي مذكوره بالحجة موجوده واسال كبار ربعك يعلمونك. وفيه قصيده منها يقول يحسبني كميخ الجال أباطيعه= باعتبيهم عوض في آلاد شداد اهل الجيش الآدهم يوم ينقاد= وباقي القصيدة ماتحضرني واعذروني ترى القصيدة لم تحضرني بالشكل الصحيح ولكن هالبيوت من ضمنها بس الترتيب يخوني

يابو مشعل الله يطول لي عمرك

هذي قصيدة الشبشبي

يقول

الولد ولدنا لااهدي ولا ابيعه=راعي الجيش الاحمر يوم ينقادي
يانديبي على حر ٍ مواقيعه=فالوطا كنها منساب حدادي
عقب اللي يبي يأخذ مريقيعه=يحسبنهم عوض فالآد شدادي

الله يبيض وجهك تركي ابك ايه هذه القصيدة
وفقك الله تركي
شاعر ومؤرخ ولك مني جزيل الشكر

قبيلة الشدادين من اشجع قبائل بني الحارث
وكلامي هذا والله ليس مجاملة ولاني اكتب في منتداهم
فهم اهل فزعة وحميه
وماحصل بالماضي من فتنة بينهم وبين الشلاوى
تاريخ مضى
ينبغي عدم تحريفه والاستفادة من اخطاء من سبقونا
وعدم الوقوع في نفس الاخطاء
بداية الفتنة كانت من اسباب تافهه وبسيطة
على احد عدود الشلاوى في عن
ثم ثارة الفتنة والحرب بعد الاعتداء على شرف احد الجلاه من الشلاوى
وهو الذي اضرم نار الحرب
وحاول التوسط عدد من المشائخ من ابن الحارث للاصلاح لكن دون جدوى
فاشتعلت نار الحرب بن الشلاوى وبنيوس
وارسل مقبول بن هريس احد رجاله لطلب الفزعة من قبائل ناصرة
وبعد احتدام الحرب
لم يثبت من بنيوس الا قبيلة الشدادين فابدوا مقاومة شرسة
وانسحبت جميع قبائل بنيوس وانهزمت من المعركة
فتحصن الشدادين في الجبال ..
فامر مقبول رجاله بسوق الابل ووضعها درع واقي لضربات الرصاص عليهم
وتمكن الشلاوى من اقتحام الجبال وانزلوا بالشدادين هزيمة ساحقة ..
وفي اليوم التالي وصلت قبائل ناصرة هائجة
بعد قصيدة فجعة الهجائية لهم
فارسل احد شيوخ الشدادين للشيخ مقبول
يطلبه امهال الشدادين ثلاث ايام لمغادرة الديرة والقبيله
فوافق الشيخ مقبول على طلبه
وعند وصول قبائل ناصرة للشيخ مقبول
منعهم من خوض القتال
واخبرهم بما حصل وغضبو من تصرف مقبول
وبعد رحيل الشدادين وخروجهم من الديرة
ارسل الشيخ مقبول مرسوله للشدادين وطلب منهم الرجوع
فرجعو للديارهم بعدما وصلوا ريع الثمام ...
واعطاهم الباضه واصبحو معززين مكرمين في ديارهم
اما ان بنيوس جلت الشلاوى فهذي اعتقد انها بالاحلام ووليست بالواقع
واما معركة الحاوي فهي بعد هذه الاحداث
وانت ماجاوبتني لحد الان
هل شيوخ الشدادين شاركو بالوقعه الاخيرة ام لا
لاني اكاد اجزم
انهم ماشاركو ..
فهل جزاء الاحسان الا الاحسان ؟؟