قنبلة للشعراء

		المشاركة الأصلية بواسطة : سعود سليمان الحارثي اقتباس
	مجاراة الرهاوي متميزة كالعادة ولكنها أخذت طابع الاثارة والغموض وربما صب النار على الزيت.. والرهاوي شخصية غامضة ونواياه غامضة .. ولكنني لا زلت أحبه.. ولذلك لن أجاري على مجاراة الرهاوي .... ... ومافيك حيلة ..

أخوي سعود الله يعطيك العافيه لاتستعجل فالحكم على الرهاوي الرجل انا اعي مايقصد تماماً وهو عكس ماتذكر ولكن يمكن لسبة غموضه اتخذت منه زيادة الحذر فهو رغم غموضه شاعر جزل والله يشهد انا أكفيكم ردوده باذن الله
ولكن ودي بحضور بن مهرس ومشاركته مانستغني عنه في مثل هذه المناسبات
اما انت فاقول لك وللجميع باني لن اتنازل عن وجودك فالنتدى كشاعر لن تكفينا كمشرف
ونزل القصيده اللي ارسلتها لي ومنها البيت هذا
شامت عن الخطاب واعطتك يدها= انته هواها ماتبي تركي 2000
ياسعود انا ماعرفك شخصياً
الامن خلال المنتدى حتى اتصلت بي قبل ساعه وعلمت أنك بحثت عن رقمي من اجل ان تعتذر عن ماجرى من سؤ فهم وارسلت لي قصيدتك اللي فيها أعتذار عن ما حصل من سوء فهم مافيك حيله ياسعود
أربط جلنط والرهاوي ازهله

هههههههههه

تركي ... تدري أني عدلت ردي اللي أنت أقتبسته



على كل حال الرهاوي شاعر بحر .. ولكنه رفض الافصاح عن هويته..

وأنا وأنت حتى لو ماتقابلنا نعرف بعض....

والقصيدة أبشر أنزلها الان ...

الله الله ليلتنا أنس :icon_mrgr

ياهجوس الشعر جريها غناوي=ونثيرها شعر من صدر المخيله
هاتي المحصول لا يبقى بقاوي=دربنا طويل والطرقه طويله
درب تركي مع خويه النداوي=والله التمشيه والمزهب كفيله

هذي عربون محبه والتالي بيلحق أنا والله تأخرت في مشوار وتوي أجي بس

ماشاء الله عليك ياأبو غايب قنبله حميده بمعنى الكلمه يامال الشحم والله

كفيت ووفيت ( والطوال تقصر ولايدوم إلا الذكر الطيب بين الرجال )

صح لسانك والله

الرهاوي الينك العد الرهاوي صحيح ماشاء الله عليك

محيط لكن محيط عذب ٍ قراح ولو أنك تلمست لك عرب

لكن الفراعه واجد وبتضيع بينهم

ههههههههه

الله حسيبك

عموما امتعتوني واشبعتوني ولا عاد أني بمتعشي رغم تعبي

صحت السنتكم وفعلاً اقدر أقول تلاقي محيطين

تقبلو ودي

		المشاركة الأصلية بواسطة : بدوي فاهم اقتباس
	صح لسانك يا تركي وصح لسان الرهاوي شعراء كبار مافيها كلام وبالنسبه لبيت تركي يالحقايـق ماعلـى وجهـك غطـاوي=جدي اللـي لااعتلـى بنـت الكحيلـه مادامك ولد عمي وامون عليك عطني البيت ولك من ذود قصيدي اللي تطلبه والرهاوي لو ادري اني امون عليه طلبت ان ابقى في مدرسته الشعريه حتى ولو اعيد السنه بس مايفصلني لاهنتوا ولاهان الجميع وتقبلوا تحيات البدوي

يفداك ماتبي وعليه طالة عمرك بس (ذود مايكفي) في هذا البيت

		المشاركة الأصلية بواسطة : أبو راكان اقتباس
	الله الله ليلتنا أنس :icon_mrgr ياهجوس الشعر جريها غناوي=ونثيرها شعر من صدر المخيله هاتي المحصول لا يبقى بقاوي=دربنا طويل والطرقه طويله درب تركي مع خويه النداوي=والله التمشيه والمزهب كفيله هذي عربون محبه والتالي بيلحق أنا والله تأخرت في مشوار وتوي أجي بس ماشاء الله عليك ياأبو غايب قنبله حميده بمعنى الكلمه يامال الشحم والله كفيت ووفيت ( والطوال تقصر ولايدوم إلا الذكر الطيب بين الرجال ) صح لسانك والله الرهاوي الينك العد الرهاوي صحيح ماشاء الله عليك محيط لكن محيط عذب ٍ قراح ولو أنك تلمست لك عرب لكن الفراعه واجد وبتضيع بينهم ههههههههه الله حسيبك عموما امتعتوني واشبعتوني ولا عاد أني بمتعشي رغم تعبي صحت السنتكم وفعلاً اقدر أقول تلاقي محيطين تقبلو ودي

اللللللللللللليلللللللللللللللللل
ويشهد الله اني مبسوط مادام فجرتكم تفجير سلمي
والعنوان صراحه برجع انوه على انه لك ماهو لي بروح انا بنام عندي عمل مافيكم حيله

حياك الله يالقصيد الجزل
والقصيد الجزل دايم مايجيبه غير الشاعر الجزل
صح اللسانك ملايين يابوغايب ولاهنت معلقت نابغه
ومدرسة قصيد ... وصح اللسان الرهاوي وبيض الله وجه
ابوطارق وفي انتظار مشاركته الله يعطيكم القوة .

		المشاركة الأصلية بواسطة : تركي الشدادي اقتباس
	اللللللللللللليلللللللللللللللللل ويشهد الله اني مبسوط مادام فجرتكم تفجير سلمي والعنوان صراحه برجع انوه على انه لك ماهو لي بروح انا بنام عندي عمل مافيكم حيله

آآآآآآآه ياتركي سلميه عندك


لكن عندي والله لخلت الاصحاب ثعوه

لو محيط الشعر فجرتو أمواجه= بالإعاز أقول ياطايره طيري
طايرة قيفان ماهيب دراجه=تعتلي فالجو وتصد وتغيري
أعتلي با الجو وأعرف من أواجه= الثنين اللي لهم كل تقديري
أسرع أمن أغضايت الرمش لحجاجه= تاصل اللي يكرمون المساييري
الرهاوي شوق القلب منهاجه=يوم تركي صخر القاف تصخيري
كل واحد ثبت بفعله أبراجه= والشكر مدبول يا طايره طيري
مالنا فالأرض عقب الشكر حاجه= نعتلي فالجو عن كل تفجيري

أسجل إعجابي هنا

بهذه القصيده وصراحه تفجير من النوع الثقيل

لكن الله ستر حديتوني أخذلي طياره على شان أشكركم وأوصل لكم أعجابي

وكلكم صراحه شعار من اللذين إذا قالو أبدعو ,

وسجل إعجابي مره ثانيه



وتقبل شكري وتقديري


أخوكم الرحال

في البداية صح لسانك يا أبو عبدالله وبيض الله وجهك

وجزالة الشعر وقوته ليست غريب عليك كيف وأنت حفيد شعراء الشدادين من جدك مشعل

وجدك دابان وجدك حمد الهيم وإلي أبعد من ذلك من هذي السلسة الشعرية التي نفتخر بها

جميعاً وهم أهل الشعر وساداته وفرسانه, والشعر ورث لك ويحق لك الإفتخار بذلك وكذلك

فخرك بشعرك الأصيل الذي ورثته عن أجدادك وقصيدتك هذي دليل على أنك من عرين الأسود

وهذا الشبل من ذاك الأسد..

وليعذروني الربع فهذا الموضوع قيم جميل لأنه يتكلم عن الشعر في قبيلة الشدادين وأريد أن

أزيد الموضوع جمالاً على جماله بإيراد بعض الأبيات الجزلة لأجداد شاعرنا تركي بن عبدالله

وأنا أشهد وغيري يشعد شهادة حق بأن تركي يتكي على شداد الشعر الذي ورثوه له أجداده

العظماء عليهم رحمة الله..

يقول جد شاعرنا تركي الشاعر مشعل بن دابان في إحدى قصائده

يا بعد أهلكم يا مشاكيل بعداه = يا بعدهم للي ذلوله ضعيفي
عهدي بهم في الصيف يوم أنتثر ماه = واليوم هذيه ورود الخريفي

ويقول شاعر الحكمة دابان بن حمد وهو جد شاعرنا تركي

بقعاء كفا الله شرها تخلف الظن = تلعب بخبلان القلوب الهبايل
هذي هجور ٍ مقفيات ٍ بأهلهن = من دار أهل صنعاء ليا دار حايل

وكذلك يقول دابان بن حمد في الحكمة وتبصير الناس

عزي لقوم ٍ طقها في عصاها = وطق العصاء مما يخل العود
ريع على دربه أثنين وثلاثه = عيون ٍ تخازر والضماير سود

ومن أبيات دابان بن حمد الجزلة يقول فيها ولا ننسى أنه جد تركي

يالله ياللي نمد الضيف من مده = لو لا عطى ربنا ما كان مدّانا
ان طاب حظ الفتى جاله على وده = سوى له الله وقال العبد سوّانا

وفي الفخر يقول الشاعر دابان بن حمد

عزوتي مثل سيل ٍ غطى الاوطاني = زاد وبله وضاقت به مناحيبه
ان صفقنا على الأقصين والداني = ينزح اللي خبيثات ٍ مشاريبه

ومما قال حمد بن مبارك الملقب حمد الهيم لغزارة شعره وقوته وكذلك هو جد شاعرنا تركي

وقال هذي الأبيات مفتخراً بنسبه

جدي نزع له من عشيره = معرب ٍ ساسه وجده
سبعه ذبحهم في قطيره = بالسيف يجلاهم بحده

وكذلك يقول حمد الهيم

أنت صادق إنا من عبيده = ومفلح الضيغمي هو جدنا
العسيري قبلك قد عاف ريده = وأنت عف بيرك اللي عندنا

ويقول حمد الهيم في إحدى قصائده

العذر من سبلا لو إنا على الجيش = لنرد سبلا تنثني للحوارا

والحديث يطول عندما نتكلم عن هامات الشعر وساداته ولكن أردت أضيف للموضوع بعض من

الجماليات لتكتمل الصورة للجميع, وهناك الكثير من الرجال في قبيلة الشدادين وابن الحارث

يستحقون الذكر وجميعنا نفتخر بهم ولكن لو أردنا التحدث عن كل شخص فسوف يطول بنا المقام

وقد لا تكفي صفحات المنتدى لهذا التاريخ الحافل بالبطولات والمجد الذي لن يزول على مر

العصور..

ولا أنسى الشاعر الرهاوي وصح لسانه على هذا الرد الجزل والله يقويه على العلم الطيّب

والطيب لا يستغرب من أهل الطيب..


وحبيت أوضح لأبن العم بدوي فاهم عندما أشار لأحد أبيات شاعرنا تركي الذي يقول فيه

يالحقايق ما على وجهك غطاوي = جدي اللي لااعتلى بنت الكحيله
للنشاما يهوي إهواي النداوي = فالملاقا تشهد حدود الصقيله

بتصرف مني قد نقلت ملكيته من تركي وجعلته ملكاً لجميع الشدادين وأبناءهم وأحفادهم من

بعدهم فهذا ما تعودناه من هذه السلسلة الشعرية فقد ورثت لنا الأبيات الجزال التي ما زلنا إلى

يومنا هذا ونحن نرددها بإفتخار وإعتزاز.. أخوكم وابن عمكم ابن مهرس

		المشاركة الأصلية بواسطة : تركي الشدادي اقتباس
	أخوي سعود الله يعطيك العافيه لاتستعجل فالحكم على الرهاوي الرجل انا اعي مايقصد تماماً وهو عكس ماتذكر ولكن يمكن لسبة غموضه اتخذت منه زيادة الحذر فهو رغم غموضه شاعر جزل والله يشهد انا أكفيكم ردوده باذن الله ولكن ودي بحضور بن مهرس ومشاركته مانستغني عنه في مثل هذه المناسبات اما انت فاقول لك وللجميع باني لن اتنازل عن وجودك فالنتدى كشاعر لن تكفينا كمشرف ونزل القصيده اللي ارسلتها لي ومنها البيت هذا شامت عن الخطاب واعطتك يدها= انته هواها ماتبي تركي 2000 ياسعود انا ماعرفك شخصياً الامن خلال المنتدى حتى اتصلت بي قبل ساعه وعلمت أنك بحثت عن رقمي من اجل ان تعتذر عن ماجرى من سؤ فهم وارسلت لي قصيدتك اللي فيها أعتذار عن ما حصل من سوء فهم مافيك حيله ياسعود أربط جلنط والرهاوي ازهله

هلا يابو عبدالله

اولا اعذرني لاني تلقفت قصيدتك ويمكن عذري ان كانت نيتك تنصاني في القصيده

وانما الاعمال بالنيات

ثانيا

لي عتب عليك

يابو عبدالله انت تبي ابن مهرس او سعود او الرهاوي وجميع الموجودين يشهدون بشاعريتك؟؟!!!

ياتركي انت استاذ في الشعر ولا تحتاج لبرهان ويكفي التقرير الى كتبه ابن مهرس

شاعر وساسك في الشعر وثيق

اعذروني وقتي قصير لي عوده في وقت اطول للتعليق على بعض الردود بشي من التفصيل

وتقبل وافر تحياتي استاذي واخي الشاعر الكبير تركي الشدادي