حصرت بتويتر جميع العلاقات

‏حصرت بتويتر جميع العلاقات =ولقيتها في كل اضافه جديده
حبيبتي حبيتها حب بسكات =والقلب فيها منقطع من وريده
‏صارحتها ب اعجابي الي بها فات=وبحساسي الي في المشاعر تزيده
لاكنها حبت معي عشر مرات =اشوفها قدام عيني اكيده
‏باسلوبها الي معي من قبل به جات =اشوفها قدام عيني تعيده
ناس لها بالحب عدة شهادات =ومعلقين أسمائهم في الجريده
‏كرهتها والكره فيني له إثبات =وقسيت لين القلب أصبح حديده
ولقيت فيه اقلوب تعشق لمرات =واقلوبها من فطرة الله بليده
‏لاكن لقيت اقلوب تعشقك لحظات =تحسسك بالحب لو هي بعيده
ياليت لي حيله على بعض الأوقات =أني لمشيها مع الناس سيده
‏انا ضحيت من زعل والمراضات=وضحية بالحب ماهي شهيده
ذنبي صفيت بوقت فيه العلاقات.=شبه معدومة والميانه شديده

ياهلا ومرحبا بشاعرنا
جميل بحضورك وجديدك لله درك
وفقك الله وحماك

ارحب يا شاعرنا العزيز
أبو نايش
والله يعطيك العافية ويسلم قافك ومعناك
وصح لسانك ملايين

صحة ابدانكم وشكرا لكم ولمروركم الكريم

صح لسانك
ولا هنت أخوي
كل الشكر والتقدير

ياسلا م ياسلام فاتك حضوري رائع رائع مبدع
صح السانك شاعرنا

صح لسانك واعتلا شأنك
لاهنت على القصيدة