|
|||||||||||||||||
مساجلة بيني وبين الغربي
تحية عطرة للجميع هذه مساجلة بيني وبين الشاعر عيد بن عبيد الشدادي (الغربي) وددت مشاركتكم بها هنا آملاً أن تحوز رضاكم وتنال استحسانكم البداية كانت مني وأقول: يا راكب اللي ما اشتغل فيه عداد=جمسٍ جديد وباقي اللون عودي ما فيه شدّ ولاوقف عندحداد=بس المكينة والغمارة وبودي تسمع شكامينه تقل ضرب جلاد=وصفق الهوى بين الكفر والعمودي يشدى لشيهانٍ ضوى الليل ما صاد=اللي على سرب الحمام مهدودي ملفاك عيد عبيد قرمٍ وقصّاد=في مجلسٍ فيه النشامى قعودي ودلال كيف وطيب كبشٍ على الزاد=والعنبر اللي يجلبون الهنودي ولا طاب كيفك عاير الزيت يا استاد=نبغى ندّور للغزال الشرودي اللي نوى لك بالهوى حرب وجهاد=حرب الابادة وانت عنه محدودي يم الجنوب اللي هوى جوها ساد=من حد شبره لين دار الخدودي اللي هياكلها حياوين وجماد=اللي عليها من السعودي جنودي مرت سنه ما زارني عنه نشّاد=وانا عليه هموم قلبي تزودي أخيل داره كل ما دنّ رعّاد=واسهر وخلق الله تهنّا رقودي ابو عيونٍ سود ورموشه حداد=كنه عنود الريم وسط النفودي استغفر الله كنه البدر لا انقاد=البدر ياخذ من عيونه وقودي يا عيد قل لي كان للحل وجاد=عطني خبرها يا عريب الجدودي حبه غزاني واشعل القلب وقّاد=الليل هم وصبح يومي وجودي وانا على هموم المقادير معتاد=لكنها يا عيد هزّت وجودي جاك الخبر مني على كل الابعاد=وعطني جوابك كان عندك ردودي وهذا رد الغربي على قصيدتي: يا هاجسي لا تبخل بوصل الامداد =زف الجزالة في جميع البدودي وابدع برد يضمد الجرح بضماد =ردٍ على زود الجفاء والصدودي من بعد قاف القرم فيحان وش عاد=لابد ترقى بالجزالة سنودي هيضني المعنى وعدّا بي الماد=من شاعر في كل قاله يزودي فيحان بن ناجي عمى كل حساد=شاعر وله في كل وزعة وجودي وافي وذخر أهل المواقف والامجاد=لا عودت عز وطناخة وجودي لكن يا ابن ناجي خذ العلم بوكاد =ما عاد لأهل الحب شرط وبنودي اجواد لكن دمروا واقع اجواد =والله يعين اللي وقع فالقيودي دام الزمن بالحزن لأهل الهوا جاد=تقول صايبهم حسد من حسودي البعد والتفريق وأحيانا عناد =يحبط طموح كان سيره يذودي للعاشقين آحلام وآمالن جداد =يبقى العشم من بعد غابت تعودي ترجع لياليها الجميلة وتنعاد =لو كان قد صاب المشاعر برودي حيل الهوا منهد ما حوله اسناد =غاسل يدينه من صباح الورودي عايش على صبر وخيال وتوجاد =مع هاجس في كل حته يرودي انا اشهد ان الحب بحساب الاعداد=جرمه بتدمير المشاعر يهودي يقسى على العاشق ويهديه الانكاد =ويثير جرحه كل ما هب نودي هذا الخبر والمحتوى يا ابن الأسياد =لو كان قد صاب المشاعر برودي
|
22 Apr 2016, 09:21 PM | [ 2 ] | ||||||||
مؤسس شبكة الشدادين
|
رد: مساجلة بيني وبين الغربي
يا هلا والله وألف مرحبا بشاعرنا العزيز أبو فوزي والله يبيض وجهك أنت وشاعرنا ابو عبيد كلكم شعراء وكلكم كبار وتستحقون كل تقدير واحترام والمساجلة تستحق القراءة والتنبيه وصحت ألسنتكم جميعاً |
||||||||
|
|||||||||
22 Apr 2016, 09:23 PM | [ 3 ] | |||||||
شاعر
|
رد: مساجلة بيني وبين الغربي
حياكم الله يا شعرائنا الكرام والله يبيض وجيهكم ويرفع قدركم على هذه المساجلة ما قصرتوا كفيتوا ووفيتوا وإن شاء الله نشوف لكم الجديد دائماً |
|||||||
|
||||||||
22 Apr 2016, 09:47 PM | [ 4 ] | |||||||
أبو فوزي
|
رد: مساجلة بيني وبين الغربي
تسلم وتسلم أناملك ياسلطان وبيض الله وجهك ومشكور ع الكلام الراقي بارك الله فيك |
|||||||
22 Apr 2016, 09:48 PM | [ 5 ] | |||||||
أبو فوزي
|
رد: مساجلة بيني وبين الغربي
تسلم اخوي عذب المعاني وجهك ابيض ياذيب شكرا ع الكلام الذوق من طيبك بارك الله فيك |
|||||||
22 Apr 2016, 09:54 PM | [ 6 ] | ||||||||
عضو مرشح للإشراف
|
رد: مساجلة بيني وبين الغربي
فيحان صح لسانك و صح لسان عيد ولا غريب عليكم الجزاله و الابداع ، شكرا لك ،، |
||||||||
|
|||||||||
22 Apr 2016, 09:57 PM | [ 7 ] | |||||||
أبو فوزي
|
رد: مساجلة بيني وبين الغربي
تسلم اخوي عبدالعزيز وصح بدنك وبيض الله وجهك ع الكلام الجميل وبارك الله فيك ونحن نستمد عطائنا منكم وأنشأ الله نكون أهلا لذلك وعند حسن ظن الجميع بنا بارك الله فيكم |
|||||||
23 Apr 2016, 02:14 AM | [ 8 ] | |||||||
|
الله الله وَ كيف لا تكوُن التحايا عَطِرة وَ القافية هُنا تتبختّر طَرباً بِ قماتان كَ الرواسي الشُمّخ . . ؟! أَبوُ فوزيْ / عيِد الشِعر صَح الله عذبات القوافي هُنا وَ سَلِمت أرواحكمْ لا هنتوُا وَ بحوُر القوافيْ تنتظِر الكثير وَ الأكثر ! # وَشم التميّز وَ تستوُطن جوُف السماءْ ثلاثةُ أيام . . } |
|||||||
23 Apr 2016, 11:03 AM | [ 9 ] | |||||||
أبو فوزي
|
رد: مساجلة بيني وبين الغربي
يسلمو ساره وشكرا ع الكلام الراقي بارك الله فيك |
|||||||