في ذكرى رحيل الشيخ ضيف الله بن طوير

هذه القصيدة في ذكرى رحيل شيخ قبيلة السواهر الشيخ ضيف الله بن طوير رحمه الله

طافت بي الذكرى عوالم ونجمات=وأمسيت مابين المجـرات ساهـر
وحلّق بي الهاجس خيال وعبارات=وأهديت لعيون القصيد الجواهـر
وأشبعت بافكاري غرور الخيارات=ومديت لحروفي جذور المشاعـر
ومريت طيفك ياعميـل المهمـات=وأرهيت لاحزاني دموع المحاجر
الناس تتفاضل منـازل وقامـات=والفضل مايبني بزيـف المظاهـر
ناس(ن) تموت وصيتها فالمنارات=وناس(ن) تعيش وكنهـا فالمقابـر
ماكل ميّت نحسبـه فالخسـارات=ولاكل منهو حي يرقـى المنابـر
وإحنا خسرنا شيخ صمله ووقفات=ضيف الله ابن طوير شيخ السواهر

صح السانك عزالله انك صادق ويتغمد الله روح الرحيل بن طوير في الجنان

اتمنى تتقبل مروري

صح بدنك أخوي مهند الشدادي ومرورك يشرفني

صح السانك عزالله انك صادق ويتغمد الله روح الرحيل بن طوير في الجنان

اتمنى تتقبل مروري

صح بدنك أخي خيال الشدادين
وتشرفت بمرورك على متصفحي

الطيب مايقعد مايقعد الا الردي

ورحم الله الشيخ ضيف الله


وصح لسانك وعلا شأنك أخوي عبدالعزيز

صدقت أخي طارق وتشرفت بمرورك العطر

رحم الله الشيخ ضيف الله بن طوير الساهري الحارثي وأسكنه فسيح جناته

وصح لسانك يا عبدالعزيز عوض على هذه القصيدة والشيخ ضيف الله رحمه الله له تاريخ وقصص كثيرة

أتمنى أن تورد لنا بعض قصصه التي تدل على حكمته ودهائه

وتقبل تحياتي يالغالي

صح بدنك أخي فيصل وتشرفت بمرورك
وإن شاء الله أحقق طلبك قريباً ولك مني كل الشكر

ناس(ن) تموت وصيتها فالمنـاراتونـاس(ن) تعيـش وكنـهـا فالمقـابـر

صح لسانك ياشاعرنا

عبدالعزيز

صدقت والله

نص جميل

جدا

جعلها اخر ذكريات الاحزان

وراعي الطيب

يبقى حي مايموت

تقبل مروري

ودمت بخير