|
||||||||||||||||||
دبل هزاز
سرا الليل والطرف الشقي عن منامه قاز = سبايب همومٍ تبلي القلب وتروزه ويالله تقبل دعوة الخايف المعتاز= لعفوك ، ولا له عند غيرك ولا عوزه وياراكب اللي طوروا له دبل هزاز = يساقط ليا اعطى الخط رنجه مع بنوزه ليا اقبل تقول انه بطل فالمعارك فاز = عبا رايةٍ في ساحة الحرب مركوزه ليا كتم السواق له كن جاه ايعاز = نهض مثل طيرٍ هد ، وموكدٍ فوزه وفيه المراتب مخملٍ كنها شيراز = ولو مكيفه شغل فلا تسخن اقزوزه عبوا للرفارف فيه تجويفةٍ وابراز = تقول انها من شجرة الزان مفروزه ومنصاك شيخٍ تاجده باوسط المركاز = ليا شح غيرة ، فابشر بوافي النوزه ابويه، وهو للوافية والمكارم حاز = راع الجود يوم ان الردي يجمع كنوزه ووضح له ان القلب يخرز به الخراز = وبعض الاصاحب لا نخي لاويٍ بوزه بوسطه مثل عيدان سمرٍ شعمها قاز = همومه تقول بداخل القلب محجوزه ابي فزعته والحر ماهو سوات الباز = قبل لايشيب الحظ ويشيل عكوزه
التعديل الأخير تم بواسطة ! سارة الغيد ! ; 08 May 2013 الساعة 09:29 AM
سبب آخر: تنسيق القصيدة
|
08 May 2013, 01:13 PM | [ 2 ] | ||||||||
شاعر
|
رد: دبل هزاز
ابي فزعته والحر ماهو سوات الباز = قبل لايشيب الحظ ويشيل عكوزه
انشهد يالقرم ماهو سواته بينهم فرق شاسع بالحيل وقد قالها بخيت العطاوي ياعنك مايقضي لك الحاجة البوم= مايقضي الحاجات كود الحرارا
وسبعة انعام فيك وفي ابوك والله يخليه لك ذخر وسند والله يخلي ويحفظ لكل المسلمين والمسلمات والدينهم امين يارب العالمين وصح السانك وقلبك مليون جزله من راس جزل وتمنيت انك علمتنا اسم هالموتر اللي امتاز بهالوصوف المغرية هههه لاهنت لاهنت وبنتظار جديدك لك اعذب التحايا |
||||||||
|
|||||||||
08 May 2013, 01:27 PM | [ 3 ] | |||||||
شاعر
|
رد: دبل هزاز
يامرحبا ياخوي بدر ماعليك زود وانت راع الطيب اما بالنسبه للجيب فانا قلت اخفي نوعه حتى ما يزعلون اصحاب الانواع الاخرى هههه تشرفت بمرورك يالقرم وتقبل فائق التحايا |
|||||||
08 May 2013, 04:13 PM | [ 4 ] | ||||||||
|
رد: دبل هزاز
صح لسانك شاعرنا
ولاهنت على القصيدة الرائعة |
||||||||
|
|||||||||
08 May 2013, 09:35 PM | [ 5 ] | |||||||
عضوة متميزة
|
رد: دبل هزاز
صح لسانك ، وَ بارك الله فيك ع الايراد .، |
|||||||
|
||||||||
09 May 2013, 03:37 AM | [ 6 ] | |||||||
شاعر
|
رد: دبل هزاز
يامرحبا يااااا بنت النشامى شاكر لتشريفك ومرورك ووين الطلبات في اي موضوع |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|