ليت الزمان الشين يعرف زبونه

ليت الزمان الشين يعرف زبونه =ويأخذ ردي العرف لأطب في قوم
اهب يامقساه طعمه ولونه =ماكنه الابالمطانيخ ملزوم
اليا طوني طي سكر سنونه =ومن بين فيكينه سكاكين وسهوم
والله لو ما حال دوني ودونه=إرادة اللي فارض الحج والصوم
اني ل اجي له لين افقع عيونه =ومن بعدها ماعاد يلحقني اللوم
والا ترا الطيب تشيله متونه =والطيب يبقى في الرياجيل ويدوم
الطيب كايد والعرب يقدرونه=والي عجز مره مهو عاجز دوم
اليا نوا له شي جنة جنونه=مثل السما فكره ولهدافه انجوم
وليت الزمان اللي مضى تذكرونه=وتتذكرون اول تقاليد وسلوم

صح لسانك
ولا هنت أخوي
كل الشكر والتقدير

حياك الله ويا هلا بك يا شاعرنا
أبو ناليش
ولا هنتي يا بعدي على طيب حضورك
وصح لسانك

صح لسانك وبيض الله وجهك ولا هنت

لله درك شاعرنا والله يحفظك ويسعدك

صحة ابدانكم جميع وشكرا لكم ولمروركم الكريم