شرهاتي

ياما عذرتك في كثير الخطايا
وانت بـ خطاء واحد تخليت عنّي !

ضاقت بعد عينك وساع الزوايا
حتى الغنى ما عاد نعرف نغنّي

لا صارت عيوني لـ شوفك ضمايا
من لا مني لا ضاع عقلي وفنّي

بعدك ولا نفرح بكثر العطايا
مدام مالي حاجةٍ فا التمنّي

لولاك غالي كان مالك بقايا
لكنّ شرهاتي على حسن ظنّي .. !!

احمد
صح لسانك على جزالة
منطوقك. ﻻهنت

صح لسانك يا شاعرنا
لاهنت على القصيدة الجزل
واهلا بك من جديد

ذائقه مميزة
تسلم الايادي يارب

		المشاركة الأصلية بواسطة : خيال الشدادين اقتباس
	احمد صح لسانك على جزالة منطوقك. ﻻهنت

ارحب يا خيال الشدادين ومنور يا الامير وصح بدنك واعتز في كلامك لا عدمتك واشكرك على المرور المميز

		المشاركة الأصلية بواسطة : ضياء القمر اقتباس
	صح لسانك يا شاعرنا لاهنت على القصيدة الجزل واهلا بك من جديد

الاخت ضياء القمر صح بدنكي واشكركي على المرور الجميل

		المشاركة الأصلية بواسطة : مشاكسه اقتباس
	ذائقه مميزة تسلم الايادي يارب

مشاكسه

المميز هو مروركم الجميل ومن قال يسلم

بيض الله وجهك يا أحمد
على هذه القصيدة ولا هنت اليوم ودوم
شاعر لك مستقبل وتستحق الفخر
وصح لسانك

ارحب ارحب
يا شاعرنا العزيز أبو سلطان
والله يبيض وجهك ويعلي قدرك
كفيت ووفيت وما قصرت
وصح لسانك ملايين

		المشاركة الأصلية بواسطة : مطر بن مهمّل اقتباس
	بيض الله وجهك يا أحمد على هذه القصيدة ولا هنت اليوم ودوم شاعر لك مستقبل وتستحق الفخر وصح لسانك

ارحب ابو طارق وصح بدنك ومن قال ما هان وكلامك اعتز فيه يا الامير ولا هنت على مرورك المميز