إليا إستوى وجه حسناتي وسيّاتي

بعد التحيه والسلام ،،،


يا سود الأيام هاتي ما بقى .. هاتي
لا تذخرين لعناي وضيقتي حاجه
ما يثني الوقت عزمي دون غاياتي
والله وعد عبده المهموم بـ إفراجه
أصحابي اللي قصروا من دون هقواتي
رفعتهم عن مقام العذر وإحراجه
عنهم تعذرّت لي وأحسنت نيّاتي
وألبستهم من بياض الظن ديباجه
فقدي لـ الأصحاب في عزّ إحتياجاتي
مثل إفتقاد المريض الطبّ لعلاجه
ما دامني ما وفيت بكل حالاتي
ليل المشاريه كيف أولّع سراجه
عداني اللوم .. لا عدّت ملاماتي
راسٍ عسره الزمان وضاق مخراجه
غير القناعه شعورٍ ما ملى ذاتي
معه أتعفّفّ عن اللي كنت محتاجه
تغيّر الناس .. ما غيّرت عاداتي
ما يحرق الأصل وقتٍ عقّد حجاجه
لا غرّبتني طبوعي لذت بسكاتي
أعزّ لي من كثير الهرج وإزعاجه
وإلـيا إستوى وجه حسناتي وسيّاتي
يمكني أرضى بعدها كل منعاجه
مع ضيق الأيام طولي يا مسافاتي
خلي ضعيف العزوم يعاود أدراجه
أنا تشهّدت من بعد التحياتي
وأوكلت أمري إلى الله قاضي الحاجه

فهد سفر

ابو سفر
صح لسانك واعتلى مكانك
على جزل القصيد.

صح لسان الشاعر فهد قصيده جزله وتستحق الاشاده شاعر ومبدع اتمنا لك التوفيق والرقي وصح لسانك ملايين

ارحب يا أبو سفر
والله يحييك اليوم ويسلم حضورك
ما قصرت يا بعدي
وبيض الله وجهك على هذه القصيدة

		المشاركة الأصلية بواسطة : خيال الشدادين اقتباس
	ابو سفر صح لسانك واعتلى مكانك على جزل القصيد.

صح الله بدنك ، لا خليت منك يابن العم ..

		المشاركة الأصلية بواسطة : فيحان الشدادي اقتباس
	صح لسان الشاعر فهد قصيده جزله وتستحق الاشاده شاعر ومبدع اتمنا لك التوفيق والرقي وصح لسانك ملايين

على راسي يابو فوزي الله يرفع قدرك ، ويجزل أجرك
وصح الله بدنك ملايين

		المشاركة الأصلية بواسطة : السلطان اقتباس
	ارحب يا أبو سفر والله يحييك اليوم ويسلم حضورك ما قصرت يا بعدي وبيض الله وجهك على هذه القصيدة

تبقى يا مرحب ..
الله يبقيك ويرحم والديك ووجهك أبيض دوم يابعد راسي

هلابك و صح لسانك ملايين والله يسعدك