من زرع فيني من الطيب معروف

ي رفيقي لاتحسب اني مشوف
والجمايل منك فيني زايله

من زرع فيني من الطيب معروف
طول عمري في رقبتي شايله

كل طيب منك فينا مايطوف
وفي عيوني كلبوها طايله

ردني عن ردها كثر الضروف
ذي تجارب وقتي وعمايله

وفعلك الطيب مخلينا وقوف
احترام لطيبك وسبايله

والتجارب عيت ابنا لاتروف
جاتنا مع كل فيض سايله

فوقها مزنن مرازيمه ردوف
يرعد ويبرق وانا اخايله

طامع في رحمتة طمعً وخوف
ورحمة الله في عباده هايله

وفقرنا مازادنا غير الضيوف
ذي ثنيه عنده وذي حايله

ناخذ بوجه طويل مانلوف
ذي تقاليده وذي دلايله

ياعسى الطيب تعداه الصدوف
ومن لهم بالطيب يمناً طايله

يا هلا والله وألف مرحبا بشاعرنا

أبو نايش
والله يحييك بعد كل هذه الغيبة
سعدنا بعودتك ومشاركتنا بهذه القصيدة الرائعة
ولا هنت يا بعدي وصح لسانك

مبدع ومتميز يا شاعرنا النايش
الله يعطيك العافية ويبيض وجهك
وصح لسانك

صحة ابدانكم جميع واسعدني مروركم الكريم