مرحوم

اسعد اوقاتكم بالف خير

والشهر عليكم مبارك

وعسانا من يصوم رمضان ايماناً وحتباساً

والمشاركه الثانيه لي وتستاهلونها

مرحوم ياحبً توفاه قلبين = قلبين قد عاشوا من الحب عامي
ماباقي الا ذكريات من سنين = قفا بها الماضي علية السلامي
كم كنت لك أشتاق وانتي تخبرين = واليوم مايلحق خفوقي ملامي
الله يجزى من جزى الزين بالشين = اللي حدى عيني طريق الظلامي
ضيعت من شانك جميع العناوين =صار الطريق الخلفي مثل الامامي
مادون حلق المودمي كود الايدين = ماهي بلحية يالعشيقه حرامي
والله ماكني مع الناس ذلحين = لين انفصلت وضاع مني دوامي
وشلون أطالب في قضاياي يازين = وشلون أوكل بالمشاعر محامي
ماضيع الهاوين ياكود ثنتين = حب النساء ومغريات الأسامي
الشوق ماحده علا الناس الاقصين = الا شعورك يوم ناح الحمامي
خيبت ظني يأداعج العين ميتين = ضيعت من يهواك وسط الزحامي
تلقالك اجناس ولو هم كثيرين = مافيه رجال يعوض غرامي
وان كان قلتي عوضك رجل تدرين =أني أفاخر لابتي صلب يامي

واعذروني علا القصور

وسلامتكم

الله الله الله ياصبي يام

صح لسانك وبيض الله وجهك يالقرم

شاعر كفوا وجزل

في انتظار جديدك

الغربي

صح بدنك ووجهك ابيض

وتسلم لي على مرورك الجميل

وكفوك الطيب والعلم الغانم

ابشر بالسعد ان شاء الله قريب

عبد الله
صح لسانك وبيض الله وجهك
شاعر جزل ولايجي منك غير الجزل
واصل وحنا نتابع.

صح لسانك يا عبد الله
وبيض الله وجهك على القصيدة الرائعه
ولاهنت

تحياتي

خيال الشدادين
و
مخاوي الليل

صح ابدانكم جميعاً ووجيهكم بيضا

وتسلمون على المرور الرائع

ولكم مودتي وتقديري

صح لساااانك..شاعرنا
ابياات جميله.
ولاتحرمنا جديدك
ربي يسعدك

العربيه للعود

صح بدنك

وابشري بسعدك

وتسلمين لي على المرور الرائع

مودتي وتقديري

صح السانك وسلم بنانك ولاهنت ولا هان غايك

رامي

صح بدنك وتسلم لي على مرورك الجميل

وانا بين اخواني واخواتي

ولا اعتبركم الا مثل اخواني وعيال العم بعد

بدر المشيطي

صح بدنك وتسلم لي على مرورك

ولكم مودتي وتقديري