في حضورك

بسألك ؟ ياللي تغشّاك الجمال=في حضورك وش بقى للحاضرين ؟
الحسن لو نسأله قال المجال=فاتحٍ بابه على طول السنين
من طراله في منافس هـ القبال=ضاع ضيعة من خسر دنيا ودين !
الصباح يضيق من حظ ! الليال=والفجر يحزنه تلويح اليدين !
والضماء ودّه يذوق من الزلال ؟=والزلال يحول ما بين الثنين !
لا تغلّى يوم أخذت من الدلال=ما يخلّي قاسي الجانب يلين
بسمتك فـ الشرق ضحّت بـ الشمال=كيف لو تتعمد الغمزه بـ عين ؟
انت وصفك غيير ووصوفك محال=تنطبق في راحلين و حاضرين
انت ظلّك غايرٍ منه الظلال=كيف لو لحظه يصافحك اليمين ؟
انت لو عديت في روس الجبال=ما بقى فـ الارض غير الميتين ؟!
ليت فـ اللوح انكتب تصبح حـلال=كان ما عشت العمر كله حزين
واهنيّه من تناديله تعاااااااال=بعد ( صوتك ) كلّش بـ عينه يزين !

تبارك الرحمن
شاعرنا احمدالشدادي
قصيدة في حضورك
كلمات الابيات توزن بالذهب
هلابك وهلابجديدك
لك تقديري وشكري

احمد
صح لسانك واعتلى مكانك
شاعر جزل

يا هلا والله بشاعرنا العزيز
أبو سلطان
والله يحييك تحية المطر
ما قصرت يا بعدي وصح لسانك
ولا عاد تغيب عنا

_




قصيدة رائعة جداً
كل بيت أروع من الثاني
صح لسانك ملايين ولا هنت