آخر محطاتي

مـجـمـوع الأوسـمـة · توقيع : رعد الجبوب

وفي اخر محطاتي تذكرة الفرح والهم

تذكرة اخر الأشياء وطاحت

اخر .. العبرات

وفي أخر مشوايري وكزة القلب

بلأهات وذكرته معاناتي / وقال : ارجوك لاتذكر انا جرحني الماضي ولا لي حيل اذكر الي فات

وكزته ثم وقف وقال بهمس وقف .. لاتخليها بعد هالشقاء قبور وممات

صرخت وبعدها كمل بنبضه

قلت : لا حب لا حظ لا اصحاب لولا رضا الوالدين والصلوات ولا الجميل اني اكمل في سبات

الجور

,

ياللأسف شفتك تخليت عني=من عقب مازادو على قلبي الجور
كني محلك وسط الأقفال كني=وانت مكانك بين هالخلق معمور
اليتم مايبراه حلو التبني=والجرح مايشفى مع كل دكتور
الناس عقبك ماتبي شي مني=وانا معاد اشيل فالناس مكسور
الصد صار اسلوب ماخوذ عني=والرد نادر لو حصل زل محظور

مدخل مختار

شجن وفراق والغربه مريرة
وطول البعد عن شوقي قتلني

الحب

حبيبتي عمرها عدى عن العشرين=واذا عدى عن العشرين انا وش عاد ابي فيها
انا اقصد لو عدت بالسن والأيام للحيين=اما الحب لو عاشت حرام اني ما اجافيها
حرام اني مخليها لو ان بحضنها طفلين=قناعه صادقه مني محبرها ومنشيها
كفى من حظي العاثر وانا ارسم قبل عامين=عقب مازانة اللوحه قشعها من عراويها
وانا ارسم داخل اللوحه قلوب وحرف مع بيتين=احسب الرسم والتعبير بتخلد مواطيها
نسيت ان الهوى خدعه قديمة بين قلب وعين=وحبٍ من طرف واحد محال انه يبكيها
اواسي قلبي الثاير واقول ان شاء الله بعدين=ولا بعدين تنفعني ولا حتى تواليها
وانا ماظني انساها ولو قالو بمليونين=ولو يفتح مزاد الحب ماسعرت طاريها
ولكن ظني الميعاد يالجمعه ويا الاثنين=عصر من عقب عشر السنين يمكني الاقيها
على ممشى وظني سوق او مستوصف العجلين=ولو حتى معزبها شبك في بيدينه ايديها
تجي نظرة على السرعه تخفف طعنة السكين=ولا اقبل يجيني صد وان صدت بجازيها
ابدعي كل ماتطري بموتٍ ياخذ المقفين=يا اما احفرو قبري او ان الموت ينهيها
ولا ابي غالي وعارف من الي حولها يرضين=ولاهمتني ضروف الحياة ولا نواحيها
بقول الصلح في حاجه وركز واسلك الدربين=لو اقطع في يدينك عرق كيف الدم يمشيها
انا ماجيت ابفرق واقول فلانه بوجهين=ولا سوت وقالت ولا طشت مخابيها
عطيتك شي في بالي ومن بعده هلا واهلين=وسو الي تشوفه صح لكن لاتأذيها

مخرج مختار

انا الغربه انا كل المسيرة

انا حزني مع الغربه ذهلني

رعد الجبوب