|
||||||||||||||||||
محطات الـتعب !
. . . . محطّة أولى ... أكابر والسما سودا .. وأسراب الظلام طيورْ ..! أنا المذكورْ بأعلى صفحة أحزاني طلعْ في هاجسي هلحين شيْ ثانيْ ..! صحيحْ إنه ورا الميعادْ بقي لليلْ فــ .. ـعيون االنجومْ أسرارْ شظايا نارْ ؟ نقوش جدارْ ؟! شرشف وجهها العشبي ؟؟!! ويااااغلبي نسيت إن الظلام طيورْ ماتنصاد ..! كبر ظل المسا واصبح على باب الشفق بوَّابْ رسم فستانك العشبي علـــ ..ـىأول مدخل السهرةْ على فكرة وحشتيني .. وكل اللي وحشني تابْ وحشتيني أقول انك : ( وحشتيني على فكرة )! أحس ان الزمان اللي جمعنا فآخره كذّاب واحس الكذب مايقدر ينسّي قلبك العشرة مثل ما احس بالحرقة .. من الاصحاب والاحباب أحس إن السؤال الصعب : وش يبقالنا بكرة ..!؟ امانة يابعد شعري وتاريخ القمر لاغاب امانة ياتعب ظلي .. وغيمة ظلها قطرة .. اذا مرّت حكاوينا على بالك مع الاصحاب احب اموت في نفسك وتحيا سيرتي عطرةْ ..! سهر ليل الحكي وأقفى .. وجانا صبحنا يغتابْ حكاوي أول الخطوة .. وموجز آخر النشرةْ يقول ان الحكي صرخة .. وميعاد الهوى كذَّاب وأقول إن المسا واقف .. ( على أول مدخل السهرة ) أكابر والصديق آخرْ حديث الآهْ على ذكراهْ .. وقفنا الليلْ للشمعةْ .. وجبنا الملح للدمعةْ وعلمنا الكلام اسمه .. وما ينساهْ ..! أنااا أَوّل سنين الموت والذكرى وآخر واحد ايــ ..ــفكّر .. متى بكرة ابطّي دقّة الساعة إذا وِدّي أجيب الهرج ..ما أوَدّي.. وأحب أنساهْ ..! المحطّة الثانية ما تنوصفْ .. وردة على خد الرصيفْ .. يلعبَّها كف الخريف .. ووردة على غصن انعطفْ يا مسافرة خلف السرابْ يبقى العذاب طعم العذابْ .. وأبقى الغريب اللي انــ وصف ( مرّة على بابكْ وقف سلَّم دقيقة وانحرف ..!! ) على باب الأمل نوقفْ .. أنا ولا المسا كذّاب ؟! يواعدني ظلام الليل .. لو واعدْتُه السهرة ..! مثل عنوان لكتابي .. لقيته في سطور كتابْ أحس ان انتظاري بس لهروبي من الحسرةْ انا الإنسان من قبلي .. وأنا الشاعر بعد ماتابْ اذا ارتدّيتْ عن أمسي .. أبـــ ...اكفر في بعد بكرة ..! وين الوفا ... كلاّ على همه غفا .. يا اللي جمعتي كل شيء إلا الوضوحْ .. احترتْ أعانق لهفتي .. والا الجروحْ .. بردي جفا .. أبغى أحترقْ وانتي إذا جيتي ..الـ ( دفا ) ..! على كرسي شفق أزرق .. وعند الموعد المهجور شربت بكاسك العتمة .. وسكْرتْ منك شهقاتي إذا بكرة نسيتيني .. وذكّرك الحنين سطور أبــ.. انسـى منك نسياني .. وابااحيا في كتاباتي أبي أكتبْ عشان ألقاك من أوَّلْ وأبي أشطب عشانْ أقراك وأطوِّلْ سهرت الليل بذنوبي نسيت العطرفي ثوبي وطرت بحرفك الأوَّل ..! مساء الحرف كله فالغرام يهون دموع الصوت .. أو حتى دموع الكون ..! أنا عاشقْ قبل هذي الحروف وذي ومن عشقي بديت أهذي ..! جمعت لحسرتي فالليل نجم الصبحْ وعشت بعطرها فالصبح ضحكة جرحْ أبي أكتبْ وأبي أشطبْ وأبي أرجع من الأولْ أقول أحبْ ....!!!!!! أنا واحساسي .. افــ بعدكْ عصافير وشجر وأوراق ظِلالْ وشمس لو تغرب ..يجينا ليلنا الثاني عيونك موطن الساعة .. ودقّات الحنين أشواق نسي في شارع الأيام ..لايعطيك عنواني إذا أمسي مثل يومي شجن وأخبار ماتنطاق أبــ..انسى ذكرياتي يوم .. واذكر بعض نسياني ! شجن ما يكفْ وعين ترف وحزن يصادر إحساسي أنا ما أعيش بأنفاسي ..! وإذا مرة سألتيني .. عن أحزاني .. وعن ياسي بقول انتي وعن حلمي ونوماسي بقول انتي وإذا مرة ..تذكَّرتي وأنا ناسي بقول الذكريات انتي ..! شجن ما يكفْ وعين ترف مرار الوقت في كأسي ...!! المحطّة الثالثة
حتى الطريق ... اللي ابتدا فيه االكلام ... عيا معي قبل الظلام ... اني أمرْ ... لو انتظرْ في مدخل الحارة واشوف الناس حولي يعرفون ...! إن القمر نصف الشهرْ .. وان القهر .. لا صرتْ ما تقوى السهر ..!! أبقى أردّد بس : ياااليتك تجينْ ماني حزينْ ... لو تبعدين ..! ودي اشوفك بس ليتك تعرفين ..! إني أخافْ ... من زحمة الشارع .. أخافْ من صوتك المبحوح .. لاقرّب شويْ يعتب عليّ يغضب .. وانا حتى غَضَبْك إن صار .. ماهو في يدي .. ودي اشوفك بس لو وردة على غصن الحنين قلبي أمين عيني طويلة .. قصّرتها ربكة الشارع وشكّ الواقفينْ واللي خلقك أحلى .. وأحلى .. اشرب القهوة .. وانتي تناظرينْ لكن أخاف إنك إذا جيتي نموتْ ونورّث الوقت السكوتْ جايز تجين .. لو بس حتى تدركين إني أنا والليل .. في ذمة تعبنا من عناوين البيوتْ ..! أجيكْ وللصباح أنفاس ..تحبي في رصيف الدرب نجمّعها ..سوى للريح .. ونلمّ السحاب أعمى ترى كل الكلام اللي .. يعدّونه عن أهل الحب إذا جيت أتسمّع شِفْت صمت العاشقين أسمى متى كان السفر .. غيمة وعنوان الأماني كذب إذا كان العطش صحرا ..وميراد السراب أظمى ! من أول احساس النهارْ .. بدمعة خدود الشفق لين الظلام .. نمشي نرتّب بالكلام .. أبنلتقي .. ؟ ( اوكي .. وش ثاني بعد ؟ ) السبت .. أو يوم الأحد ... ؟ ( لالا الأحد .. ) ودّي أجيب لأصبعك خاتمْ رجل ..! ( أجل عَجِلْ ) !؟ كثييييييييييييير فوق إني عجل ....!! ( طيب تعال الحين ماعندي أحد ..) معقول عاد تصير كل أوقاتنا يوم الأحد ..؟!! صمتك مثل صوتي ، هواجيس صبري مسافة الفرقا ، وفرقا المسافات آخر مساي أَوْقفَ بطابور شعري آخذ رغيف اليأس من كف الأموات باقي من السهرةْ ، سحابة بصدري وباقي من الشمعة حماس النهايات الليل عتمة وآخر الليل بدري الصبح نايم ، والمدارس إجازات ... *** اشتقت صوتك ..تهمته غاب عني والذنب ..ذنبي عاجز اسمعك هلحين يعني غيابك كله الحين مني ولا سلامة خاطرك ماتغيبين ! صحيت ألحينْ لقيت إنَّ الحكي توطينْ كتبت بآخر سطوري عن شعوري وشفت الشاعر المسكينْ .. سكن فيني يبادلني عناويني يواعدني على التأبينْ صباح الخير يا حزني .. صباح الورد والنسرينْ صباح الشوقْ صباح الموت والتكفين ..!!
|
24 May 2013, 09:19 PM | [ 2 ] | ||||||||
عضوة متميزة
|
رد: محطات الـتعب !
سلمتِ ياعبث وسلم إختيارك شكراَ لكِ ياراقية .. |
||||||||
|
|||||||||
24 May 2013, 09:21 PM | [ 3 ] | ||||||||
مؤسس شبكة الشدادين
|
رد: محطات الـتعب !
وراق لنا أيتها العبث هذا الكلام وراقت معانيه ومبانيه طبت وطاب اختيارك وشكراً لك على هذا الذوق الرفيع |
||||||||
|
|||||||||
24 May 2013, 09:27 PM | [ 4 ] | ||||||||
|
رد: محطات الـتعب !
في غاية الروعة
سلمتِ يالغالية والله يعطيكِ العافية |
||||||||
|
|||||||||
24 May 2013, 11:24 PM | [ 5 ] | ||||||||||||||||||||||||||||
عضوة متميزة
|
رد: محطات الـتعب !
|
||||||||||||||||||||||||||||
24 May 2013, 11:27 PM | [ 6 ] | ||||||||||||||||||||||||||||
عضوة متميزة
|
رد: محطات الـتعب !
|
||||||||||||||||||||||||||||
24 May 2013, 11:29 PM | [ 7 ] | ||||||||||||||||||||||||||||
عضوة متميزة
|
رد: محطات الـتعب !
الروعه مرورك ي الذوق سَلمك ربي من عذابه ششكرا على مرورك الأنيق |
||||||||||||||||||||||||||||
25 May 2013, 08:20 PM | [ 8 ] | |||||||
عضوة متميزة
|
رد: محطات الـتعب !
آحآسيس مٌرهفه ،عذبه
صيغتــ بِ أحرف رآقيه ، مشآعِر صآدقه "، سلمتــ يمِينك ع هذا البوح ودآمـ هطولك ال عذبــ بيننآ |
|||||||
|
||||||||
03 Jun 2013, 05:29 AM | [ 9 ] | ||||||||
عضو متميز
|
رد: محطات الـتعب !
انتقـــــآء رائع وراق لي تسُلم ايًدكُ ويعُطيكُ الفُ عُآآفية علُى هُـ الطرٌح الاكًثُر مُن رائعُ الله يسُعُدكً ويحُققٍ كُل امًانيكُ طبتٌ |
||||||||
|
|||||||||
20 Jun 2013, 01:20 PM | [ 10 ] | ||||||||
|
رد: محطات الـتعب !
كثرة محطاتك فيجب التريث في اجمل المحطات
احسنت النقل يا عبث |
||||||||
|
|||||||||