قصيدة ( النميمة )

قصيدة للوآلد أطال الله بعمره مرسلة لأحد شيوخ القبيلة في موضوع نقله النمامين و نقالين الكلام الله يجيرنا و إياكم منهم
و كان بودي تكون القصيده من الطرف الثاني مذكوره من ضمن هالقصيده
إن شاء الله تنال رضاكم و إستحسانكم

يا الله ياللي كل كرباء تزيلها =يا والي الدنياء عليك تعديلها
يا خآلق الدنياء على كيف ما تشاء= بأمرك تعدلها و بأمرك تميلها
تفرج لمن يخشى عوآقب زمانه =و أمور دنياء دوم يقرع شليلها
يومٍ لنا تصفي و يومٍ تعآكس =هيالةٍ فينا و حن ما نهيلها
و يومٍ تميل و لا يطول ميالها= وإن طولت ما عآد يشفى عليلها
فيها أُمةٍ ترحل و تعمر و تفنى = و أجيال ما يبقى سوى ذكر جيلها
تسقي الفتى من كآسها جرعة الحلاء = و عقب الحلاء تسقيه من حنظليلها
ضحآكةٍ خدآعةٍ لي ومنها = و تبدي عليه بغفلةٍ ما دري لها
من بعد ذا يا رآكب لي الياء مشى = هبسٍ جديد تو ما جاء مديلها
مختارها من عادها بالوكاله = جديدةٍ مبعد ولا دآر ويلها
تسرح صلاة الصبح من مركز أبها = كيفاتها فيها و ربي كفيلها
توجهة شرقٍ تبي دآر ربعي = ربعٍ تنجي في الملاقاء دخيلها
تنصى المكان اللي به إبن معوضه = من حيث ما تلقاه عنده مقيلها
ثم مد له مني رسالةٍ شريفه = رسالة ما تتعب اللي يشيلها
رسالةٍ يفرح بها اللي تجيله = و اللي حملها مستفيد جميلها
أرسلتها عذر لمن يقبل العذر = و الأعذار يقبل عند مثلك جزيلها
و الله ما أعلم عن كلام حكوا به = إلا سوآلف ناس ما نصطغي لها
سمعتها من ضمن ناس تقوله = لا أعرف بمصدرها ولا أعرف دليلها
ناس تبيع و تشتري بالنميمه = ناس تسعرها و ناس تكيلها
أسماعهم و أنظارهم تشتغل بها = وآحد يصرفها و الآخر وكيلها
دايم تشب النار بين القرايب = ولا ولعت تبآعدوا عن صليلها
فإن كان لي تبغى العلوم الوكيده = فالقافلة ما خآنها إلا عميلها
دايم يرافقها و لا شاف غرها = حاول على أطرف حاجةٍ يستغي لها
جوك و حكوا عندك و جوني و قالوا = أقوآل على العاقل صعيب مقيلها
ثم قلت من اللي قالها قالوا إسمع = حسين قايلها و حنا نشيلها
فإن ما قالوه عنك حقيقه = فأخطيت يا حامي عواقب ثقيلها
ما كآن مفروض تقول السوآلف = إلا بعد ما تعرف اش هو دليلها
و الشعر ميزآنه معاني بيوته = و اساس معناه الهدف لي بني لها
و أيضا لها قانون و حدود بينه = و لا تعدت حدها ما تطيلها
ما وآحدٍ يطلب حقوقٍ لغيره = إلا بتفويض لها من وكيلها
و العلم ما يدرس على غير منهج = إلا بجغرافيها و تحليلها
و البادية ما ترحل إلا بطايف = ولو تفيض الأودية من مسيلها
لازم بطوافٍ تحدد لها الحياء = و توطي على مجرى سيوله رجيلها
وأخلاف ما ترجع تدور المشوره = و تعلن نوآها قبل يبدى رحيلها
هذا و لي في البدع مشوار ثاني = قصة غريبه ما بعد جاء مثيلها
فهمتها لو هي على غير معنى = أدري إن نهايتها بداية بقي لها
بداء بها اللي قالها ما تبين = عايش على الدنياء الذليلة ذليلها
لي قال قولٍ عود القول عنده = مثل القبور اللي يعود نثيلها
لكن طراد العلوم الرديه = عيبٍ على أصحاب المروة تجي لها
خلها لمن جماعها مهنةٍ له = هي راس مال و مكسب اللي ينيلها
عذرب خيول الناس من ليس فارس = ولا يفرق كدشها من اصيلها
ولا فلا جاء بيننا إلا الجمايل = و أيضا العلوم الطيبه نرتجي لها
جاكم بضاعه عند من يستحقها=و أهل الوفاء ردوا لأهلها بديلها
فأن كان طابت فأنت للطيب ملفى = وإن كان بارت سترها هو حليلها
يا الله ياللي كل كرباء تزيلها = يا والي الدنياء عليك تعديلها
يا خالق الدنياء على كيف ما تشاء = بأمرك تعدلها و بأمرك تميلها

تحيــــاتي ...

صح الله لسان والدكم واطال الله بعمره .
والله يكفينا النميمة واهلها مدمرة للأواصل ومفككة للحمة الواحدة .
لاهنت وقواك الله .

حياك الله يا ابو حمد
بيض الله وجهك بالاول نبهتني على موقع القصيده مش مكانهاا و ياليت المشرف او المشرفه على القسم
يضعهاا في المكان الصحيح و مع وآآآآسع العذر

ما شاء الله تبارك الله
الله يخلي لكم الوالد ويطول بعمره
ما ينطق إلا حكم ولا يقول إلا درر
صح لسانه ملايين
وننتظر الجديد من قصائده
وتسلم أخوي علي

		المشاركة الأصلية بواسطة : السلطان اقتباس
	ما شاء الله تبارك الله الله يخلي لكم الوالد ويطول بعمره ما ينطق إلا حكم ولا يقول إلا درر صح لسانه ملايين وننتظر الجديد من قصائده وتسلم أخوي علي

الله يخلي لك غاليك يابو عبدالله
من طيبك وطيب شيبانك
شآكر لك

<CENTER>

صح لساانك
سلمت يدآك..
على جميل طرحك وحسن ذآئقتك
يعطيك ربي ألف عافيه

</B></I><!-- / message -->

</CENTER>

ارحب يا علي

وصح الله لسان الوالد ، والله يطول عمره على طاعته ..

وليتك ذكرت أسم والدكم كاملاً حفظاّ لحقوقه الأدبية ، كما نطالبك بإتحافنا ببعض قصائده ..

ولاهنت يالذيب ..،

		المشاركة الأصلية بواسطة : *ملاك* اقتباس
	<CENTER> صح لساانك سلمت يدآك.. على جميل طرحك وحسن ذآئقتك يعطيك ربي ألف عافيه </B></I><!-- / message --> </CENTER>

الله يعافيش أختي ملاك
شآكر هالمرور
تحياتي ..

		المشاركة الأصلية بواسطة : فيصل بن مهرس اقتباس
	ارحب يا علي وصح الله لسان الوالد ، والله يطول عمره على طاعته .. وليتك ذكرت أسم والدكم كاملاً حفظاّ لحقوقه الأدبية ، كما نطالبك بإتحافنا ببعض قصائده .. ولاهنت يالذيب ..،

الله يبقيكـ يابن مهرس
ما اتوقع بتنحفظ الحقوق لو ذكرت الاسم لأن ضعيف النفس بشتى الطرق يستغل القصايد بدون اسم و بأسم ...
نصيحة محب و أنت ما ذكرت هالشيء الا من خبره كشاعر
في الجديد إن شاء الله آخذ بالنصيحه
و الله يقويكـ

صح لسان الوالد
ولاهنت على الإيراد
كل الشكر والتقدير لك