شاعرات يمدحن فرسان بني الحارث

النساء في الماضي كان لهن دور في تشكيل الحياة التي عاشوها أجدادنا فنجدهن ساعدنا الرجال في كتابة التاريخ الذي نتناقله اليوم في صدورنا وبين دفتي كتب السير والتاريخ..

وهذا الموضوع إجتهاد من أخوكم عسّاف جمعت فيه قصائد الشاعرات في الماضي والتي يمدحن فيها شيوخ وفرسان قبيلة بنو الحارث وما كان الهدف الأساسي من الموضوع إلا جمع تراث القبيلة وحفظه من الضياع..

وقد نقلت القصائد حسب ما قراءتها في المنتديات التي تحمل أسم القبيلة كمجالس بني الحارث ومنتدى بني شالي ومنتدى الشدادين مع بعض التصرف لإظهار الموضوع بالشكل الجميل واللائق وأترككم مع القصائد الخالدة.


هذه القصيدة للشاعرة ناضا الدوسرية تطلب العون من الشيخ مبارك بن مهرس أمير قبيلة الشدادين من بنيوس من بني الحارث لرد إبلها بعد ما أخذ القوم حلالها وقتلوا ابنها وسار الشيخ مبارك بن مهرس بفرسان بني الحارث وأسترد إبل الشاعرة بعد معركة كبيرة

من يركب المامون وينحره عن = ويلفي لابن مهرس زبون الونيه
اللي يرحب بالنضاء يوم يلفن = أبو سعد يا حامي الدوبليه
تلقى الشحم عنده مع الهيل والبن = وله دلة ٍ للنار دايم صليه
وان ثار عج الخيل في معتلجهن = صفراه يوردها حياض المنيه
ويضرب بحد السيف يوم ايتلاقن = وياما ثنى من دون راع الرديه
يا أبو سعد تكفى دموعي يهلن = وارب ألاقي عندكم مفزعيه
وا حمس حالي يالشلي حمسة البن = مهوب حزن مهاوي ٍ في هويه
أبكي الولد واحوالنا ما يسلن = غدوبه اللي مابهم مرحميه
وقطعاننا خيل السبيعي بها اقفن = تكفون ردّوا حبيّباتي عليه

وهذه القصيدة للشاعر أم أوسيود الشباعية من بنيوس من بني الحارث وأرسلتها للشيخ مريسي بن شويش أمير الشبعه من بني الحارث تستنجد به وقد لبى طلبها الشيخ مريسي

ياراكب المضياح مسرى ومسـراح=نبى الشحم فـوق عابـي عكاهـا
تسرح من الباضه قبل فجر الأصباح=وبعد العصر باطراف مكه مساهـا
ياواصلين مريسي أين القمر طـاح=ماعادبه قمراً يجـي فـي سناهـا
أوسيـود اللـي للمناعيـر ذبـاح=خلـوه يـم "المركبـه" لاسقاهـا
ماعنده الا واحـدٍ محزمـه طـاح=عمست عليه ابصاره اللـي بغاهـا
واهل الركاب العفر واهل التمـداح=مثل الوباره خشخت فـي حصاهـا

وهذه القصيدة لشاعرة من قبيلة البقوم تمتدح فيها الشيخ دوخي بن مهلج أمير ذوي حطاب من الشلاوى من بني الحارث بعد معركة حصلت بين بني الحارث وقوم الشاعرة

البارحه يا حمود ما سمعنا النواني = غير صوت المارتين يثورونه
الحضيض اللي ركب بنت الحصاني = خايف من ربع دوخي يلحقونه
الشلاوى ما يعرفون العواني = من طرح في نحاهم ما يرحمونه

وهذه القصيدة لشاعرة من قبيلة مطير تستنجد بالشيخ عجير بن مهرس أمير الشدادين من بنيوس من بني الحارث لطلاقها من أبن عمها الذي منعها بالزواج من غيره وتسمى هذه الطريقة الحجر عند أهل البادية

يا من يوصلي كلامي لملفاة =لعجير بن مهرس بعيد الهقاوي
تكفى يبن مهرس زبون المجلاه =أبيك تفزع يا زبون الجلاوي
افزع باهل هجن إمن الغرب تقداه = عليه من شغل النصارى بلاوي
أليا وصلت إلى القليب المسماه = قلط سبورك لا تعدى الحرواي
تراه بين كان تجهل حلاياه = يضرب مضاريب الخطر ما يراوي
واليا عطيت الوصف كنك تحلاه = واحفظ ليا منك سمعت اسم ضاوي

وهذه القصيدة لشاعرة من قبيلة الروقه من عتيبه تمتدح الشيخ إسليم بن عاتق أمير الجياشه من بنيوس من بني الحارث بعد معركة حصلت بينهم

انا معرفك يا إسليم = بس الطيب يعناله
كيف الخيال الواحد = يطرد سبعة خياله

وهذه القصيدة لشاعرة من قبيلة عتيبه تمتدح الشيخ حسين بن حريش أمير ذوي حطاب من الشلاوى من بني الحارث

الليلة أننا عن قطير الثنا دار = نعدهن الليل ويا النهارا
انثاه دايم على ساعر النار = ومعرضين البيت ريح القتارا
خيال شقحٍ ما ربت يم الأوزار = خشرت الغزلان يوم الخضارا

وهذه القصيدة لشاعرة من قبيلة البقوم واصفتاً الشيخ شرار بن مهرس أمير الشدادين من بنيوس من بني الحارث بالذئب وذاكرتاً غاراته على قبيلتها

ذيب ٍ عوا لديارنا =وديار حيانه وراه
ان ما احتمينا دارنا = وش عاد نبغا بالحياه

وهذه القصيدة لشاعرة من قبيلة عتيبه تمتدح الفارس ضاوي السبر الحطابي من الشلاوى من بني الحارث في معركة عن التي حدثت بين بني الحارث وقوم الشاعرة

المدح عود في القبايل مهاوي = مثل الحياء اللي ما ضفت به مزونه
المدح كله راح للسبر ضاوي = اللي ضيفان العشاء يمتنونه

والمعذرة على الإطالة

عسّاف الحارثي

عساف
الله يعزك ويرفع شأنك أنت من الرجال الذي
أستبشر بهم المنتدى الله يوفقك وفالك البيرق والمليون على
ماحصدت بهذا الأسبوع من هالقصص التي ترفع الرأس
((( أنت من أي الحرث )))

سلمت يمناك اخوي عساف وياعساك تسلم انشالله وزي ماقالو اخوانا السوريين ياهيك الرجال
يابلا لك مو على عيني خيوووووو

عساف الله يعطيك الف عافيه

على روعه طرحك

واعتقد ان هذا مو غريب على فرسان الشدادين
تقبل مني كل الود والاحترام

خيال الشدادين/ شكراً على الكلام الطيب ومتابعتك لمواضيعي وأنا من آل محمد من بنيوس.

الأمير العربي/ تسلم والله على مرورك وحضورك يا خيووو.

ღبــدرღالشداديღ/ أشكرك على روعة حضورك وردك الرائع.

هلا بك يا عساف وبيض الله وجهك

وقصائد جميله والممدوح أجمل

شاكر لك أخوي

يا مرحبا تراحيب المطر يا عساف

أنت وعلومك وسوالفك اللي تنومس

عز الله إننا نستبشر بك كل خير

ونرى في مشاركاتك مطلباً لنا كلنا وللمتابعين

فهذه المواضيع هي الركيزة الأساسية للمنتدى

بيض الله وجهك ولا هنت

وننتظرك في مواضيع أخرى

حفظك الله

مواضيعك وقصائدك جزله بارك الله فيك ولي عوده لقرات الابيات

بيض الله وجهك يا عساف

ومواضيعك تدل على طيب معدنك وحرصك على جمع كلمة القبيلة..

ولكن لدي ملاحظة في قصيدة الروقية التي تمدح الأمير حسين بن حريش فقد كتبتها وبها خلاف لما هو معروف عند الجميع وإليك نص القصيدة المعروف:

الليلة إلنا عن قطير السعد دار = نعدهن الليل ويا النهارا
يا سعد أهل هجن ٍ من البعد ضمار = يعدي لهم بالبن ويا البهارا
وحليلته دايم على ساعر النار =ومعرّضين البيت ريح القتارا
خيّال شقح ٍ ما ربت يم الاوزار = خشيرت الغزلان يوم الخضارا

وكذلك هناك قصائد تاريخية لم تذكرها كقصيدة الشاعر نويّر الروقية العتيبية التي تقول:

أمسى الوطا كنه خلي ٍ من الناس=غيـر القطيـن وعـد ورد القليـبـي
للسيـل يـا دار ٍ نـزل فيـك عبـاس=حامي عقاب امشعثرات السبيبـي
يـا زينهـم فـوق المعاميـل جـلاس=الاد شـــــداد ٍ والاد الـحـطـيـبـي
ربع ٍ تحط الذيل مع فلغة الـراس=ويقلـطـون الــرز ويــا الحلـيـبـي
شدوا يبون عجير قطاع الارماس=وياما خذوا قطعـان بـدو ٍٍ عزيبـي
اردها في اللي عريبين الاجنـاس=ماهوب قول امهاويات الصحيبي

وكذلك قصيدة العتيبية التي تنخى الأمير عجير بن مهرس لطلاقها من زوجها (الملاّح) التي تقول:

تكفى يا ابن مهرس معشي الذيابه = تراه يجيك مع المقيطع لزومي
ماريته هرش ٍ خبيث ٍ زهابه = والملح في كم الخميل امحزومي
أظن منكم فزعة ٍ يا شبابه = ارموه كود الله يقدي السهومي

ولكن ما كتبته يعتبر كنزاً وتاريخاً يفتخر به لقبيلة ابن الحارث وما قصرت والله لا يهينك..

بيض الله وجهك يا عساف ...

وفيه أبيات أول مرة أقراها وأعرفها أصلاً ...


لاهنت يابطل ..........