|
||||||||||||||||||
الحرامية
السلام عليكم ورحمة الله وبركاته أسعد الله جميع أوقاتكم.. بدون مقدمات . علينا قطب وجه الزمن واحمر العينين ....................وكوانا على الجنبين لين أنجح الكيّه توالت علينا ممحلات السنين سنين .....................على ساق واحد كلبوها حديديّه شديده ولاتاوي ولافي طرفها لين ......................مدى أيامها الشدّه ولافيه حنيّه اذا مافرق يوم عن الاخر بشيٍ شين .....................ولاّ والله انه نفسه ومثله وزيّه وتعبنا نقول الحال لابد يوم يزين ...................ولازال نفس الوضع وايامنا هيّه قضينا سنين العمر ضيق وشقا باقين ..............على حالنا من عهد الاجداد فقريّه ومللنا الحياة ونعنبوها حياة البين ..............والاصعب علينا يومها بالسعوديه على كثر خير الله عليها نعيش بدين ....................ومطاليبنا ماتنقضا الّا بسلفيّه بنوك الربا تعطي بعد تاخذ الثلثين ..........من الراتب اللي بطرفه نوب خصميّه لو انك مداوم وانقطع موترك بنزين ...............بعد تسمع التوبيخ تبشر بحسميّه ورجانا الرواتب وان صفت مايجيك الفين ............وش تسوي الالفين تصرف بعصريه؟؟ ذبحنا الغلا واصحاب الاسواق طماعين ......................ولاعندهم رحمه علينا وماويّه هوامير الاسواق لعبت بالمواطن لين ...............ماعاد النّفس يطلع بحاله طبيعيّه كلت واشبعت بيدينها الوسخه الثنتين ..........وعطت سورنا من بعدها للحراميّه وعلينا تبيع الصاع قيمه دبل صاعين ..........ومقاضيك تاخذ ذيك وتكبّ هاذيّه وتكن الوجع بالصدر والدمع نص العين ...........اذا غصب تترك عنك حاجه ضروريه نعرف الرقابه بسمها بس عنّا وين ؟ ...............أصبح حلمنا شوف الرقابه بدوريّه !! ولابه على حال الشقا والعذاب معين ..................سوا الله ولانطلب سوا الله عانيّه ملكنا كريم ومدّته مدّة الوافين .................ولكن مايدري عن احوالنا السيّه يقولون شعبك مستواه المعيشي زين ......................وهم خابرين ويكذبون الضلاليّه وش يهمهم منّا لو إنّا نروح طحين ؟؟ .....................أغلبهم روابطنا معاه إسم جنسيّه .. وعسى الله يزيّن حال الأيام لين تزين .................وعسى للفرج مع مقبل أيامنا جيّه
|
18 Apr 2012, 02:00 AM | [ 2 ] | ||||||||
عضوة متميزة
|
رد: الحراميه
اللهم آمين حارت حروفي قدام النص الشامخ رائع بكل معنى الكلمة شاعر مبدع تبارك الرحمن |
||||||||
18 Apr 2012, 02:02 AM | [ 3 ] | ||||||||
عضوة متميزة
|
رد: الحراميه
صح إلسانك وعتلى شأنك دورر وصادق بكل شي مانقول الا الله يزينها قصيده رائعه امانتاً وجزله ابدعت ي ساير ويسعدك ربي وين ماكنت ولاهنت |
||||||||
|
|||||||||
18 Apr 2012, 03:11 PM | [ 4 ] | |||||||||||||||||||||||||||
شاعر
|
رد: الحراميه
عزالله انها قافله ياساير ولم تقل غير الصحيح وعسى ربي يعوضنا باالجنه قصيده تحاكي الواقع بحرافة شاعر يجيد التصوير مبدع دائما تفضل بقبول فائق الاحترام |
|||||||||||||||||||||||||||
|
||||||||||||||||||||||||||||
18 Apr 2012, 11:20 PM | [ 5 ] | ||||||||
شاعر
|
رد: الحراميه
ارحب ياسعيد وصح السانك مليوون يابومحمد جزله من راس جزل وماتجيب الا الجزله دائما تقديري واحترامي وبنتظار القادم بشووق |
||||||||
|
|||||||||
19 Apr 2012, 12:01 AM | [ 6 ] | ||||||||
مؤسس شبكة الشدادين
|
رد: الحراميه
هلا والله بشاعرنا الغالي أبو علي منور المنتدى بعودتك يا شاعرنا والله يحييك عدد نجوم السماء وصح لسانك ملايين |
||||||||
|
|||||||||
21 Apr 2012, 09:35 AM | [ 7 ] | ||||||||
مشرفة المنتديات الأدبية والتعليمية
|
رد: الحرامية
جميلة جدا بارك الله فيك تحيااااتي |
||||||||
|
|||||||||
22 Apr 2012, 02:21 PM | [ 8 ] | ||||||||||||||||||||||||||||
شاعر
|
رد: الحرامية
من العنايه بالمشاكل الاجتماعيه يكون لوحي الالم حاسه خاصه قصيده لها لون وطعم ورائحه لاخلى ولاعدم يابن العم وبارك الله فيك وفيما تقول تقبل مروري المتواضع وخالص تحياتي |
||||||||||||||||||||||||||||
|
|||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|