إلى أخي الشاعر صالح بن مستور الحارثي

قصيدة مُهداه مع فائق تحياتي وتقديري الى أخي وصديقي الشاعر/ صالح بن مستور العضياني الحارثي
وهو أكبر من أن أكتب في مدحه قصيده ،، ولكن انما هي تعبير صادق عن مشاعر الحب والأحترام :

يالله يامطلوب يامن هو خلقنا من عدم=ياعالم اسرار العباد وما تكن صدورها
يالله ترحمنا وتهدينا ليا زل القدم=على السراط وكل نفس تجي ومعها نورها
ان كان ما به نور ماوالله يفيد بنا الندم=الله عالم بالنفوس القشر كيف امورها
من بعدها سلام يالعراف من سلم سلم=تسليمةٍ تنصا الرجال اللي ريادي دورها
وأخص أبو حاتم زبون الوافية رجلٍ علم=من لابةٍ يوم الملاقا طايلات شبورها
من لابةٍ للمجد تصعد في طويلات القمم=للطايلة والمجد حازت من قديم عصورها
سموا العضاوين الرجال اللي يضدون الخصم=اخصامهم راحت عشا لسباعها ونصورها
اليوم ياصالح عسفت المفردة وأنت الهرم=قصايدك مثل الزهور اللي تفوح عطورها
ومن جاك يبشر بالسفاط وبالبشاشة والكرم=في حلةٍ يلقا السفاط الضيف يوم يزورها
أنته تمثلنا ياصالح يالشجيع ويالشهم=أنا كذلك نظرتي والناس من منظورها
مانته ببالش بالفهيم اللي مع العالم فهم=المشكلة ناسٍ على الدبكة تفوح قدورها
لكن خلك في طريقك كل ناجح متهم=مانته مقدي ذا الخلايق عميها مع عورها

كفو والله يا أبو سلطان
ويستاهل شاعرنا العزيز صالح كل خير
فهو من خيرة شعراء بني الحارث
ومن أعلام الشعراء الذين شرفوا قبيلتهم كثيراً
وإن شاء الله نراه هنا في المنتدى قريباً
وفقك الله وصح لسانك يا بعدي

صح لسانك
وعلا شانك
ولاهنت شاعرنا
على القصيدة الجزلة

.


















حيَّاكْ الله وَ أهلاً وَ مرحباً بِكَ وَ بقوافيكْ
صَّح الله البوُح وَ سَلِمْ القَافْ وَ النعمْ
بالمَادِح وَ المَمدوُح عِشتْ وَ بقيتْ
علىْ الطيبْ ’

سلمْت وسلمَت قصيدتك
شكرا لك
..

صح لسانك ياحمد
ونعم فيك وفي صالح العضياني

صح لسانك اخوي ولاهنت قصيده جزله

صح السانك لاهنت اخوي
قصيده رائعه..

صح لسانك وَ اعتلى بالخير شانك , يعطيك العافية وَ تشكر على هالقصيدة الرائعة ..
دمت بخير ..

صح السانك يا الحلافي مدد بلا عدد قصيده قوية وجميلة والله وسبعين نعم في صالح ابن مستور
وبيض الله وجهك ...