|
||||||||||||||||||
قنبلة للشعراء
هيييييييييييييييييه اسمعوا لاهان من حضر العنوان ماهوا لي والا : السلام عليكم ورحمه الله وبركاته ثانيا: يالربع خفوا علينا شوي ترى الشعر ماهو جريده يتطلب وجودها يومياً بين الصحف ثالثا ً: وإن شاءالله اكون صادق يقول المثل (ماأبطى بالسيل اللا كبره) بما ان القصيده هدفي منها السموا بمنتدانا منتدى( الشدادين) خاصةً وبني الحارث عامةً وكانت( خاصه ) لأحد شعراء منتدانا المميزين فاأعترضها رأي احد الاعضاء وبمشئة الله كان في صالحها لثقتي فيما أقول وفي ذائقة من يخص وعامة من يستمع مع العلم باني وربي الشاهد ماطرت على بالي قصيدة بن جدلان إلابعد ماقريت راي ابو طارق ======================================= فلذلك وبما أنني سلالة روس قوم ٍ هم سادات هذا المجال ولهم تاريخهم المشرف من غير قصور في باقي بني الحارث ولي ربع ٍ يشرفني حضورهم هذه المناسبه وسماع رايهم وعلى راسهم ابن مهرس القنبله الشعريه التي رائنا أنعاشها فالفتره السابقه المطلوب وإنعاش سكون منتدانا ونشاطه مع تحذير الجميع من عدم التطرق لما يسئ لاعضاء منتدانا ومشرفيه الاعزاء فالجميع يعلم أهداف تركي ونيته بمصلحة هذا المنتدى لامضرته وعسى الله يوفق الجميع واعذرونا على التقصير هاجسي ناوي ولا ادري ويش ناوي =نيته ماهيب دون المستحيله
نفحته نفحة مفاخر عود جاوي =في مجامر مجلس الروس الثقيله وطلته طلة بهاالوجه السحاوي=بنت شيخ ٍ مايباهيها جميله جاك في قمة شموووووخ أهل السناوي=حاف دلة كيف من بنه وهيله دن رعاده ولجة له عزاوي=والقواف العصم حازت تستخيله قدم نووووه تصغر كبار الهقاوي=يتسابق وبل هماله وسيله شامخ شموخ شيخ ٍ مايراوي =يحتمي ربعه لياصارت دبيله رغم كون ان الك فالقمه حراوي =فيه من وده يشوفك فالمسيله لوعزفناها على انغام الحداوي= قالوا اااايه اللي نبي بحر الطويله اعترض قافي صواديف وبلاوي=عكروا جوه قبل يوصل عميله في نبات القفر يلعب وطي شاوي=مالنا في عالم التبديع حيله قافي أصونه عن قصار الخطاوي=واتجنب فيه توصيف الرذيله للدروب العوج ماني فيه هاوي=أذخره لاغلى المواجيب النبيله كان منصاها تبا العد الرهاوي=عارفٍ جزل القوافي تستميله واعترضهاواحدٍ ماهوب ياوي = عرضة الدباب في وجه التريله وعمة الدعوه لربعي يالتساوي=واللغه والقافيه ماهي بخيله من يقول الشعر وزن وقاف غاوي=الوزن والقاف تراها وسيله الشعر معنى ومضمون ٍ يساوي=بعد وزن وقاف للكنز وحصيله والشعر للمجد والتاريخ راوي =شاهد ٍ على العصر بافعال جيله وباس ربعي مثل نجم ٍ جاك هاوي=لااختلط بالعج بارود وفتيله يالحقايق ماعلى وجهك غطاوي=جدي اللي لااعتلى بنت الكحيله للنشاما يهوي إهواي النداوي=فالملاقا تشهد حدود الصقيله وأن تلاقوا بالشعر قالوا براوي= كانت الشعار تتحاشى صهيله تركي بن عبدالله الشدادي
التعديل الأخير تم بواسطة تركي الشدادي ; 06 Apr 2009 الساعة 03:16 AM
|
26 Dec 2008, 04:59 PM | [ 2 ] | ||||||
|
هاه جواباً على هيييه :fingersx: زينها وانا عندي مشوار ابو ساعة وراجع بحول الله شوقتني والله ياأبوغايب ولولا المشوار هذا له أسبوع من تأجيل في تأجيل كان أنتظرتك بالتوفيق وتريونا |
||||||
|
|||||||
26 Dec 2008, 09:08 PM | [ 3 ] | ||||||||
شاعر
|
تركي بن عبدالله الشدادي حيّاك الله من ناحية المقدمة التي ذكرتها قبل القصيدة فليس لديه تعليق عليها لان خلفياتها تجهلني اما من ناحية القصيدة اقول صح لسانك وبيض الله وجهك قصيدة رائعة من روائع شعرك العذب الجميل بارك الله فيك وفي شعرك وعمرك تحيتي لك |
||||||||
|
|||||||||
26 Dec 2008, 09:18 PM | [ 4 ] | ||||||||
مؤسس شبكة الشدادين
|
يا مرحبا تراحيب المطر يا أبو عبدالله حجز مقعد في المقدمة ولي رجعة بإذن الله وفقك الله لكل خير |
||||||||
|
|||||||||
26 Dec 2008, 09:32 PM | [ 5 ] | |||||||||||||||||||||||||||
شاعر
|
هلا ومرحبا يابو عبدالله وصح السااااااااااااانك مليار اعذرني هذي مجاراه على عجل بدون مراجعه ولي عوده لمناقشت المقدمه لاني تعبت من كتبتها ما عاد في حيل ههههههههههههههه هاجسك حاوي وانا أدري ويش حاوي = ولهجة الشاعر يترجمها زميله لو تلوى مع صعيبات الملاوي = وتدّرج مابين عدل وبين ميله من فضل ربي علينا مانراوي =ولا نشب النار مابين القبيله ولا نحب اهل السوالف والحكاوي = ولا نسب اهل الفضايل والجميله وان نصانا واحد رايه عماوي = ردنا في مسمعه... ويش تحكيله ؟؟ لاتدور عندنا جلسة قهاوي =ويش قال ؟؟ ويش قلت ؟؟وعزتيلة؟؟!! وشفت وش سوّى ؟؟؟وصار الراس خاوي = والنتيجه من فشيله في فشيله المريض يعالجه طب المداوي = والسفيه دواه لعنة سلسبيله مرحبا ياطله النجم السماوي = مرحبا والشعر مرسال ودليله مرحبا ياتركي الحر العطاوي = العطاوي بالطواريق الجزيله اجتمعتوا كلكم حضر وبداوي = النشاما والمناسيب الأصيله العلوم الطيبه بشت حساوي = يلتبسها المنتدى في كل ليله الفروسيه لها علم وطراوي = وعن ملاه الشات تلقى لك بديله ما تحصل بينكم تايه وثاوي = كل خلّ بالسعد يسعد خليله ويتجنب به عن علوم الرداوي = لو يكدر صفوكم بعض العبيله لا دخل بين المطانيخ الحقاوي = وكثّر الهرجه لو الهرجه قليله لاجزاه الله من خير الجزاوي = دام غله للبشر دايم يشيله والقصيد حزام جنبي والكلاوي = احتزم به واحتمى واحمي دخيله ماصرفت الكاش من بنك رباوي = ولا تسلفته وغذّيت الهزيله راس مالي كل عام له زكاوي= والسنه هذي دبلة الكيل كيله لجل عينك نبرد الكبد الضماوي =والموسوس للعرب نحرق غليله اخوكم الرهاوي |
|||||||||||||||||||||||||||
التعديل الأخير تم بواسطة الرهاوي ; 26 Dec 2008 الساعة 10:12 PM
|
||||||||||||||||||||||||||||
26 Dec 2008, 09:49 PM | [ 6 ] | ||||||
|
اخوي
تركي الشدادي هههههههههههههههههههه والله وانا اخوك القنابل الله يكفينا شرها مااحد يبغاها لكن مثل هالقنبلة ترانا رغبناها وودنا فيها وياليت كل فترة تقصفونا بوحدة مثلها لنستمتع بمثل هذا الشعر الراقي منك ومن شاعرنا الراقي الرهاوي ولايهونون باقي شعارنا والله ونعم فيكم وصحت السنتكم والله يعافيكم ودمت |
||||||
26 Dec 2008, 10:46 PM | [ 7 ] | |||||||
|
تم سحب المشاركة .. !!!!!!!!!!!!!!!!!!!!!!!! |
|||||||
التعديل الأخير تم بواسطة سعود سليمان الحارثي ; 30 Dec 2008 الساعة 07:40 PM
|
||||||||
27 Dec 2008, 12:00 AM | [ 8 ] | ||||||||
عضو متميز
|
صح لسانك يا تركي وصح لسان الرهاوي شعراء كبار مافيها كلام وبالنسبه لبيت تركي يالحقايـق ماعلـى وجهـك غطـاوي=جدي اللـي لااعتلـى بنـت الكحيلـه مادامك ولد عمي وامون عليك عطني البيت ولك من ذود قصيدي اللي تطلبه والرهاوي لو ادري اني امون عليه طلبت ان ابقى في مدرسته الشعريه حتى ولو اعيد السنه بس مايفصلني لاهنتوا ولاهان الجميع وتقبلوا تحيات البدوي
|
||||||||
|
|||||||||
27 Dec 2008, 12:02 AM | [ 9 ] | |||||||
|
بدوي فاهم ... عودة أسعدتني ... لاتغيب أرجوك .. الشعر يحتاجك ... |
|||||||
27 Dec 2008, 12:15 AM | [ 10 ] | ||||||||||||||||||||||||||||
عضو متميز
|
وقصيدتك آه على آه او كما احب ان اسميها ملكة الشعر عام 1429 وباقي يوم واحد على نهاية العام اتمنى ان تأتي بملكة للشعر عام 1430 هـ وستجدني مرابط لان العام بينتهي واستحيت من القصيده من كثر ما اتهاوقها :icon_mrgr دمت بصحة وعافيه |
||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قنبلة rbg | عيد الشدادي | بحور القوافي | 49 | 29 Apr 2011 07:37 PM |
مهم للشعراء | بندر النايف | المحاورة والألغاز الشعرية | 31 | 28 Sep 2009 02:36 PM |
خبر ـ قنبلة شعرية ـ لا أدري | أبو راكان | بحور القوافي | 16 | 25 Dec 2008 05:07 PM |
قنبلة إحساس | الداخل | قصائد مختارة | 25 | 08 Mar 2008 11:56 PM |
نداء ..للشعراء | المستحيلة | بحور القوافي | 7 | 06 May 2005 04:53 PM |
أدوات الموضوع | |
|