الجمس الحوض 511

راكب اللي تو ورد على جدة=جمس منوة كل ناسآ يشوفونه
حوض رفرف لا مصندق ولا شدة=وتو لوحاته على ظهر طبلونه
من نزل فالسوق واحي ذا الخده=احمرآ ماحد عرف وش شطرطونه
الحموله بس سواق والعده=والعلامه ثابته في دركسونه
تبطي الشركات ماطلعت قده=كل صانع هقوته تنثني دونه
ماشراه اللي يبا الكد بيكده=ولا خذوه اهل التماشي يمشونه
داخلي احمر وتضليل ومخده=والجميحيات تعكس على لونه
يوم ينهض مثل حرآ يبا الهده=ولا استوى فالخط جر اعذب لحونه
التوانك فل والبستم تمده=بحمرآ خالص رصاصه ومكنونه
لا نطحته كنه الريح مرتده=وان قفاه الشخص ماترمش عيونه
يختفي من سرعته ماخذا مده=ماتعرفه غير باصوات غليونه
منوة اللي حده الوقت ويضده=واحدآ يرسل علومه ومضمونه
سايقه شنب معكف على خده=والرساله في يد الذيب مضمونه
من تبوك ينزل الكوب من يده=ويركب اللي هقوة اللي يهقوونه
يسدح الطبلون ثم طار من قده=حتى دوريات الطرق مايصيدونه
لا تعدى املج وجا العيص في حده=ثم خلى ينبع البحر من دونه
يتجه فالخط كنه يبا جده=ولا وصل رابغ يهدي على هونه
ثم جاك المفرق اللي على نده=جامعه رابغ كما القصر وحصونه
مفرقآ ماشين طريقه ولا اوده=اصعبر والناس طبعآ يدلونه
ثم تل الجمس لا ترحمه شده=ايتحمل سلعه الكفر مجنونه
ثم جاك الخط خطين ممتده=يم مكه ديرة البيت وركونه
ثم مكه ثم ضلعآ زما حده=الهدا جعل المطر ينحت امتونه
اطلعه لينك تجي من ورا سده=ثم جاك الطايف تذعذع امزونه
ثم دور قهوتآ فاقصر المده=واطلب البراد والناس مامونه
ثم اخذ مخلوط والراس لابده=ينعدل حتى السواليف موزونه
ثم شغل موترك واذكر الرده=وانص راع الطيب فالبيت تلقونه
نصه اللي ينصي ساعه الشده=ضلع شامخ صعب الانذال يرقونه
نخوته ماهي غريبه على جده=وارثين الطيب ورماح مسنونه
بيت تركي راعي الجود والمده=محزمي لاكشر الوقت بسنونه
الكرم وليا عطى شي مارده=تندي كفوفه ولا جواد ينصونه
قل محيسن ينشدك ويش ذا الصده=ولا رقمه ضايعآ ماتعرفونه
يندهك من ضيمه ومن خفى سده=ولا مر شرواك دايم يحلونه
ساهرآ والنوم عافه ولا وده=من هواجيسه عصت ترقد عيونه
هو يشوفك واحدآ ماحدآ قده=وانت عونه يوم كلآ نصا عونه
ثم عود والبحر ماكمل مده =اكتم بلوفه وجود دركسونه

الشاعر//محمد الحارثي(محيسن)

الله الله الله يامحيس

صح لسااااااانك وبيض الله وجهك

انهمااااار شعري غزير وجزل من شاعر كبير ومبدع

صح لسانك وفي انتظار جديدك

تحياتي

الله الله يا محيسين صح السانك

وبيض الله وجهك

حضورك رائع

		المشاركة الأصلية بواسطة : الغربي اقتباس
	الله الله الله يامحيس صح لسااااااانك وبيض الله وجهك انهمااااار شعري غزير وجزل من شاعر كبير ومبدع صح لسانك وفي انتظار جديدك تحياتي

الغربي شكرآ على مرورك الذي اسعدني
وانت الابداع بحق وصح بدنك

محيسن

عزالله انك شاعر وابدعت في وصف الجمس وتصويف المشوار والنخوووه

وافيه من وافي

متابعينك

محيسن صح لسانك وبيض الله وجهك

قصيده كامله والكامل وجه الله

وصفت الجمس توصيف كامل

ولاهنت ولاهان غاليك

		المشاركة الأصلية بواسطة : الرهاوي اقتباس
	محيسن عزالله انك شاعر وابدعت في وصف الجمس وتصويف المشوار والنخوووه وافيه من وافي متابعينك

الرهاوي مشكور على المرور
وشهاده يشهد الله انها ماتزيد الواحد الاعز ومحبه
وانت راع المرجله والعلم الوافي

صح لسانك يا محيسن

قصيدة وافيه وجزلة

لاهنت ولا هان غاليك

يا هلا والله من جديد
وبعد طول الغياب بشاعرنا المبدع
محمد الحارثي
والله يحييك بهذه الجزلة في وصف الجمس
والتي أحسنت فيها الوصف وأجدت المعنى
صح لسانك ملايين ولا هنت يا بعدي
وعساها آخر الغيبات إن شاء الله

		المشاركة الأصلية بواسطة : السلطان اقتباس
	يا هلا والله من جديد وبعد طول الغياب بشاعرنا المبدع محمد الحارثي والله يحييك بهذه الجزلة في وصف الجمس والتي أحسنت فيها الوصف وأجدت المعنى صح لسانك ملايين ولا هنت يا بعدي وعساها آخر الغيبات إن شاء الله

صح بدنك اخوي السلطان
ومايعرف الجزله الا الرجال الجزل
وانت راع العلم الغانم
وصح بدنك