( أقسم بربّي ) كنت آعد الثوآني !!

مدخل :
المشكله لا صرت / جنبي و { تايه } ؟
تعيش في دنياي .. ب/ إحساس غايب !!
البيت هذا .. " مرتكز " في { حشايه }
وأقطع ( يميني ) كان ماني بـ / صايب !!
لو ( المشاكل ) .. فيها حدّ .. و نهايه ؟
ماكان ( انا وياك ) صرنا " حبايب " !!

النص :

عانقت في دنياي .. صدر الغرابيل=وأخذت من بين المشافيح .. شاني
نخيت روح الشعر وغنّت مواويل=وجيتك على صوت المواويل عاني
فجأه .. لقيتك وانت بعيونك تخيل=تطرد سراب الوقت وكذب الاماني
والله لو تدري .. ب/غدر التماثيل=ماكان بعت القلب / من شان ثاني !
صدقت هرج الناس والقال والقيل=عقب البناء .. هدّيت كل المباني !
الخد وادي .. والمدامع كما السيل=تسقي ملامح وجه بالضيق حاني
سجّيت أفكر .. وأجلس أحط وأشيل=يديني في مخباي وفضفض لساني
ليه أعاف النور .. وأحنّ ( لليل ) ؟=والليل في حقي .. له سنين جاني !!
أتقنت دورك في هوى الحب تمثيل=ولا ( الحقيقه ) طول عمرك أناني !
اللي في وسط البحر شاف التهاويل=يا شوق عينه .. لو تشوف المواني !
مثله مثل شوقي .. لشوف المراسيل=( أقسم بربّي ) .. كنت أعدّ الثواني !
ياوقت تكفى .. مابقى / داخلي حيل !=يا وقت تكفى .. لا تضيْق المحاني
في الصبح أرتل كل الاجزاء ترتيل=والليل كلّه راح .. ( طيش وأغاني )
تايه .. وضايع .. والمواجع مقابيل=وأحس ارض الكون ( ماهي مكاني )
ودّي أحوم الجو .. وأسامر سهيل !=مادام في دنياي .. خاسر / رهاني
عن صجّة الدنيا .. ( بهز الفناجيل )=لو مابقى عندي دلال(ن) .. وزاني
يا وقت تكفى .. لا تورّيني الويل=يكفي ( حبيبي ) بعد حبّه / نساني!

مخرج :
ماني ب / ضايق لو عيوني { تباكت } ؟
الضيق] والله لو ب/ ضيقي : تكلّمت !!
عاد ( تدري ) ؟ ليه للحين { ساكت } ؟
لأني على كثر { الخطآ } مآ تعلـمت !!

فارس الشدادي

صح السانك

ملايييييين

نص رائع رائع رائع وأذهلني بحق

بأنتضار جديدك

رااااااااااااااااااااااائع يافارس
بأنتظار جديدك

صح السانك
ملايييييييييين
وبيض الله وجهك اخوي
فارس
وبنتضار
جديدك

صح لسااانك يافارس


وبيض الله وجهك على القصيده الرائعه


واعجتنى اكثر الابيات الموجوده في توقيعك واعتقد انها لك

كل بيت عن قصيده

تحياتي وتقبل مروري يالغالي

الله الله
يا أبو فهد على روعة القصيدة وجمال المعاني

صح لسانك ملايين ولا هنت
والديوان قريباً بإذن الله
حفظك الله ورعاك

ياوقت تكفى .. مابقى / داخلي حيل !
ياوقت تكفى .. مابقى / داخلي حيل !
ياوقت تكفى .. مابقى / داخلي حيل !

/

الغرابيل وكذب الأماني وغدر التماثيل وسيل المدامع

تشكل ملامح الضيق في الوجه الحزين


/

		المشاركة الأصلية بواسطة : اقتباس
	ليه أعاف النور .. وأحنّ ( لليل ) ؟=والليل في حقي .. له سنين جاني !!

عندما نشعر بهدْأة الليل يتسلل لـ نافذة قلوبنا حنين لايستكين

ربما لأن ملامح الليل تشبهنا نحن إليه ونعشقه

ربما لأن الليل يهدينا بقايا ذكرياتهم

ربما لأننا نحتفل بمعانقة القمر علنا نشاهد صورهم في ضوءه

ونعاف النور لأنه يفضح خبايا قلوبنا ويعلن للجميع كم هو مؤلم

أن تشرق الشمس وهم غائبون"

/

		المشاركة الأصلية بواسطة : اقتباس
	اللي في وسط البحر شاف التهاويل=يا شوق عينه .. لو تشوف المواني ! مثله مثل شوقي .. لشوف المراسيل=( أقسم بربّي ) .. كنت أعدّ الثواني !

تشبيه أليم لمن تاه في ظلمات البحار ويبحث عن المواني بعينيه الشاردتين في الفضاء

ليرسو في شواطيء الأمان والراحه فـ حاله كمثل من يعد الثواني لـ يأتيه مرسال الأحبه

كي تهدأ براكين شوقه "

/

		المشاركة الأصلية بواسطة : اقتباس
	تايه .. وضايع .. والمواجع مقابيل=وأحس ارض الكون ( ماهي مكاني ) ودّي أحوم الجو .. وأسامر سهيل !=مادام في دنياي .. خاسر / رهاني عن صجّة الدنيا .. ( بهز الفناجيل )=لو مابقى عندي دلال(ن) .. وزاني يا وقت تكفى .. لا تورّيني الويل=يكفي ( حبيبي ) بعد حبّه / نساني!

التيه والضياع والإحساس بالغربة في الأماكن

ومسامرة نجم سهيل دليل انكسار الحب في قلب الإنسان

(واللي نساك انساه واللي قدر فرقاك قادر على فرقاه )


× فارس الضويّان ×

بدايتك كانت رائعه والقصيده هذي بعد واللي عرفناه

إنك شاعر تصفق له الذائقة طرباً بجزالة معانيه

صح لسانك وسلم قلبك وعلا شانك

صح لسانك اخوي فارس


والله يعطيك الف عافية

فارس الضويان

قصيدة جميلة وعندك قدرة على حبك القوافي وسبكها

صح لسانك ومرحبابك الله يحييك

		المشاركة الأصلية بواسطة : معاند الجرح اقتباس
	فارس الشدادي صح السانك ملايييييين نص رائع رائع رائع وأذهلني بحق بأنتضار جديدك

معاند الجرح

صح بدنك يابعد راسي
الروعه تواجدك الله يطوّل عمرك ..