ما قرب من زرارك لحلقك وانا اخوك

ما اقرب من زرارك لحلقك وانا اخوك =الا ملوك الموت لاجاك يومك
ومافيه شخص اقرب لبالك من اخوك =ولافيهً فزعه غير فزعه لقومك
الا الأمن شفت من صاحو وجوك =وكل يعاين فيك ينطر قدومك
انزع وشاح الخوف ثم قل لوحوك=قول بعده يبين فيهم وسومك
اما توحو كلمتك ثم خلوك=وإلا بعدها اقتنع من خصومك
مافيه قلب غير بالطيب مملوك=وإلا بغير الطيب محد يسومك
الا الذي من ساس طيبته ممسوك =في ماقفه ماهاب شتمك ولومك
يطّلع مطاليع السعد كل م اطروكً=ويحشم تقاليدك ويفهم سلومك
وآليا وطت رجلك على دربك الشوك=حاول تكون اول دوافع عزومك
ولاتنعثر لأمن غيرك تعدوك =خلك على دربك وتابع حلومك
ماقد سمعت لفاشل قيل مبروك=والفوز دونه جهدك وقل نومك
واليا وصلت احفظ وصايا من ابوك=الي بديت أبها صلاتك وصومك

ارحب ويا هلا بك يا شاعرنا العزيز
أبو نايش
والله يحييك ويبارك فيك
ما قصرت
كفيت ووفيت وصح لسانك ملايين

هلابك و صح لسانك ملايين والله يسعدك

صحة ابدانكم جميع وشكرا لكم ولمروركم الكريم