ابيات نصائح للشاعر حبيب العازمي

هذه ثلاث نصائح للشاعر / حبيب العازمي
كل نصيحة تتكون من أربعة أبيات
وهي عن الصح والخطأ ،،، والكلام الزائد في المجلس ،،، والرفيق والقريب
يقول حبيب العازمي /



النصيحه الأولى : الصح والخطاء

لولا الخطا محدن عرف قيمة الصح=ولولا الصحيح يصح جات الفضايح
شي طبيعي يوم ننصـح وننْصـح=الناس كانـو يشتـرون النصايـح
ياجاهلٍ في الوقت تسرح وتمـرح=ترى الحيـاه لهـا نظـام ولوايـح
وأن كان ماتبغى كلامـي هـذا رح=واشره على اللي قال وين أنت رايح

النصيحه الثانية : الكلام الزائد في المجالس

ياهل الهروج العرج لو تمشي العرج=خطوه وراء عـن خطـوةً للأمامـي

الصمت في بعض المجالس عن الهرج=يسوى مائة كلمه من أغـلا الكلامـي
ولو كل تاجر في البشر يفتح الـدرج=ما صـار للتجـار غيـر الاسامـي
وراع الحصان اللي يعنّه بـلا سـرج=لو يشعل ا لنيـران بـرد وسلامـي

النصيحة الثالثة : الرفيق والقريب

مهما يجيك مـن الخطـأ مـن رفيقـك=حاول تغاضى والخطـأ لا يجـي منـك
ترى رفيقـك لـو وقـف فـي طريقـك=مثل الرصيد أن (قل) وأن (زاد) في البنك
واعرف عدوك قبـل تعـرف صديقـك=ومن لا يحس بضيقتـك مـادرى عنـك
ولا تأيـد المخطـي لـو أنـه شقيقـك=وش عذرك من اللي على ايسرك وايمنك

صح لسان الشاعر حبيب العازمي

نصايحه في مكانها

الله يعطيك العافية اختي

صح لسان الشاعر الكبير حبيب العازمي
وألف شكر لك أختي
على نقل هذه النصائح لنا
والله يحفظك ويرعاك

صح لسان حبيب العازمي

وتسلم يدينك ياملاك على النقل

صح لسان الشاعر
وصح بدنك على النقل

يعطيك العافيه أختي ملاك
ولا يجيب لك درب الهلاك

صح لسانك الشاعر
وسلمت يمينك اختِ على النقل