قصيدة مهداه الى سويلم بن رباح الحارثي ابو ممدوح حفظه الله

يا الحارثي يالشهم تكرم إلي لفاك = فيك الصفات الحميدة تذكر أخبارها
شيخ(ن) كريم (ن) وفي (ن) والله أللي عطاك = يمناك من طيب فعلك شعت أنوارها
سلام سلام يالي عالي مستواك = ( سويلم ) نفسي لشوفك ولعت نارها
ماخاب من ضاق صدره في زمانة وجاك = يرجيك رجو مزون هلت امطارها
يا الحارثي يالشهم تكرم إلي لفاك = فيك الصفات الحميدة تذكر أخبارها
أبوك شيخاً كريماً بالمكارم غذاك = ربى عياله على الجزلات وأختارها
أدعي عسى ربي مايخيب رجاك = ويكفيك ربي أنذال الخلق وأشرارها
يابو ممدوح انت وفي ماتغير وفاك = فيك الوفاء والمراجل تعرف اسرارها
شهم حليم ودود (ن) حقق الله مناك = يمناك من طيب فعلك شعت أنوارها
ياجعل والله عيالك ماتعدى خطاك = وقبيلتكم واصلت للمجد مشوارها
يابو ممدوح المراجل صارت اكبر هواك = خضت المصاعب ولا حسبت أخطارها
تم الكلام وسلامي عد مامن هو لفاك = يالي تحبك صغار الناس وكبارها
مالوم سيل المشاعر لو جرى من غلاك = فيك القصايد تزين وتنبت ازهارها

قصيده قالها الشاعر حمس العجرفي
في سويلم بن رباح بن سويلم الشدادي الحارثي
وانا نقلتها لكم انشاء الله انها ترقى بمستوى اذواقكم

بيض الله وجهك يا حمس العجرفي وصح لسانك

وأبو ممدوح يستاهل الأمداح والعلم الغانم

يعطيك العافيه اخوي ذوي ماضي ع نقل القصيده

بيض الله وجه قائلها

ويستاهل سويلم بن رباح العلم الغانم

وليس غريب على سويلم الطيب فهو سلايل مشاهير وروس ونفوس

ولاهنت يا ذوي ماضي على نقل القصيدة

وياليت تعطينا قصائد والدنا الشيخ رباح بن سويلم بن ماضي رحمه الله

تراه نوماس وفخر للشدادين وابن الحارث وعلومه غانمة وذكره طيب عند جميع القبائل

يستاهل ابن رباح وهذا قليل بحق رجل بهذا الحجم الغني عن التعريف

وصح لسان الشاعر

يستاهل سويلم بن رباح المدح
والثناء وكل العلوم الغانمة
وصح لسان العجرفي
ولا هنت أخوي ذوي ماضي على نقل القصيدة